ស្រុកម៉ាឡៃៈ រថយន្តដឹកម៉ូតូចេញតាមច្រកទ្វារតំបន់ព្រំដែនម៉ាឡៃ៤៤គ្រឿង សេរីទំនើប ក្នុង០១គ្រឿងតម្លៃ ជាង៨ម៉ឺន បាត ឯណោះ.! ត្រូវបានលោក ជា សេង​អាន ប្រធាន​ទីស្នាក់ ការត្រួតពិនិត្យច្រកទ្វារ តំបន់​ម៉ាឡៃ ធ្វើការហាមឃាត់ទុកនៅនឹងតំបន់ច្រកនេះ ស្ថិតភូមិក្បាលស្ពាន ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ។ រថយន្តដឹកម៉ូតូ៤៤គ្រឿង ឃាតបាននៅវេលាម៉ោង១១និង២០នាទី ​ថ្ងៃទី០២ ខែធ្នូ ឆ្នាំ២០១៨។ ដោយមានកិច្ច សហការ ជាមួយកំលាំងលោកវរសេនីយ៍ឯក សួង សៅ មេបញ្ជាការ វរសេនាតូចការពារព្រំដែនគោកលេខ ៨១៥ ប្រចាំស្រុកម៉ាឡៃ និងមន្ត្រីពាក់ព័ន្ធប្រចាំច្រកតំបន់ ហើយដោយមានការសម្របសម្រួលពីលោកព្រះរាជអាជ្ញ អមសាលាដំបូង ខេត្តបន្ទាយមានជ័យផងដែរនោះ។ លោក ជា សេង​អាន ប្រធាន​ទីស្នាក់ការ​ត្រួត​ពិនិត្យ​ច្រក​ទ្វារ​តំបន់​ព្រំដែនម៉ាឡៃ បានប្រាប់សារព័ត៌មាន គេហទំព័រ ប៉ោយប៉ែតប៉ុស្តិ៍ អោយដឹងថា៖ ការឃាត់រថយន្តដឹកម៉ូតូ ៤៤ គ្រឿង នេះ គឺដោយសារគ្មានឯកសារបង់ពន្ធនាំចូល ហើយ​ក៏គ្មានឈ្មោះក្រុមហ៊ុនណាមួយជាម្ចាស់នោះឡើយ។ ទើបលោកធ្វើការហាមឃាតរទុក ដើម្បីអោយមេឈ្មួញរកស៊ីនាំម៉ូតូ ពីខាងទឹកដីថៃ ដោយគ្មានច្បាប់ឬឯកសារអ្វីទាំងអស់នោះ ចូលខ្លួនមកដោះស្រាយ និងបង់ពន្ធតាមដែលរដ្ឋកំណត់អោយបង់ លោកបន្តទៀតថា៖ បែជាលោក នេត ចន្ថា ប្រធានគយរដ្ឋាករច្រកទ្វារតំបន់ព្រំដែនម៉ាឡៃ ឆ្លើយថា៖ មិនដឹងករណី រថយន្តថៃដឹកម៉ូតូ៤៤ គ្រឿង គ្មានឯកសារពន្ធនាំចូលនោះទេ។ លុះមកដល់ថ្ងៃទី ០៣ ខែធ្នូ ឆ្នាំ២០១៨ នេះលោក ជា សេង​អាន ប្រធាន​ទីស្នាក់ការ​ត្រួត​ពិនិត្យ​ច្រក​ទ្វារ​តំបន់ម៉ាឡៃ និងមន្ត្រីពាក់ព័ន្ធប្រចាំច្រក ប្រគល់អោយទៅខាងលោក នេត ចាន្ថា ប្រធានគយនិងរដ្ឋាករ ច្រកទ្វារតំបន់ព្រំដែនម៉ាឡៃ រថយន្តថៃ១គ្រឿងនិងម៉ូតូ៤៤គ្រឿង ម៉ាកហុងដា គ្លីក ២០គ្រឿង ម៉ាក់ហុងដា ស្គូបពី ២៤គ្រឿង សេរី​ឆ្នាំ​២០១៩។ ព្រមទាំងម្ចាស់រកស៊ីម៉ូតូលោតឆត្រ័ ម្នាក់ឈ្មោះ អ៊ុន ធារី ភេទស្រី អាយុ ៣២ ឆ្នាំ មានទីលំនៅ រស់នៅខណ្ឌសែនសុខ រាជធានីភ្នំពេញ។ដើម្បីចូលខ្លួនមកបង់ពន្ធតាមតម្លៃរដ្ឋកំណត់ នៅសាខាគយនិងរដ្ឋាករខេត្តបន្ទាយមានជ័យ។ ពាក់ព័ន្ធទៅនិងរឿងករណីខាងលើនេះ មជ្ឈដ្ឋានទូទៅ ក៏ដូចជាប្រជាពលរដ្ឋរស់នៅទីនោះផ្ទាល់ បានលាន់ម៉ាត់រិះគុណយ៉ាងចាស់ថា៖ លោក នេត ចន្ថា ប្រធានគយនិងរដ្ឋាករ ច្រកទ្វារតំបន់ព្រំដែនម៉ាឡៃ ថា៖ កន្លងមកបែជាលោកមិនហាមឃាត ម៉ូតូលោតឆត្រ័ចេញតាមច្រកនេះឡើយ ឬមួយលោក ឃុបឃិតគ្នាជាមួយក្រុមមេឈ្មួញ រឿងបងលុយ ក្រោមតុ លើតុ ហើយមើលទៅនោះ ទើបបានជាមិនរំខានដល់មន្ត្រីពាក់ព័ន្ធ ប្រចាំច្រកតំបន់ម៉ាឡៃសោះ នៅពេលដែលប្រធានទីស្នាក់ការត្រួតពិនិត្យច្រកទ្វារតំបន់ព្រំដែនម៉ាឡៃ ចាស់នៅកាន់កាប់ច្រកតំបន់នេះ។ ជាក់ស្តែងនៅពេលនេះ លោក ជា សេង​អាន ប្រធាន​ទីស្នាក់ការ​ត្រួតពិនិត្យច្រកទ្វារតំបន់ព្រំដែនម៉ាឡៃ ទើបឡើងមកកាន់តំណែងថ្មី បែជាសហការជាមួយកំលាំង លោកវរសេនីយ៍ ឯក សួង សៅ មេបញ្ជាការ វរសេនាតូចការពារព្រំដែនគោកលេខ ៨១៥ ប្រចាំស្រុកម៉ាឡៃមកធ្វើការឃាត់ រថយន្តថៃ០១គ្រឿងដឹកម៉ូតូ៤៤គ្រឿងសេរីឆ្នាំ២០១៩ ទៅវិញ ឬមួយលោក លោក ជា សេង​អាន ប្រធាន​ទីស្នាក់ការ​ត្រួតពិនិត្យច្រកទ្វារតំបន់ព្រំដែនម៉ាឡៃ មិនបានសំណែនពីលោក នេត ចន្ថា ប្រធានគយនិងរដ្ឋាករ ហើយមើលទៅ។ គូសបញ្ជាក់ផងដែលថា៖ ការនាំចូលដោយបុគ្គលបែបនេះបានរំលោភលើកម្មសិទ្ធបញ្ញារបស់ក្រុមហ៊ុន អិន សុី អិច ( NCX )ជា (សិទ្ធផ្តាច់មុខរបស់ក្រុមហ៊ុនHONDA MOTOR Co.,Ltd ចុះថ្ងៃទី២៤ កុម្ភៈ ឆ្នាំ២០១៧ មានដូចជាHONDADREAM,WAVE,FUTURE ,SONIC, CLICK និង HONDA Scoppy ក្នុងព្រះរាជាណាចក្រកម្ពុជា របស់ក្រុមហុន អុិន សុីអិច ( NCX )។ ហើយបើយោងតាមការរិះគន់ពីប្រជាពលរដ្ឋមួយចំនួន បានលើកឡើងថា៖ ចុះបើរថយន្តថៃដឹកម៉ូតូ ចូលមកលើកមុនៗ ដឹករាប់រយគ្រឿង ពេញៗរថយន្ត ចេញតាមច្រកទ្វារតំបន់ម៉ាឡៃ តើមានច្បាប់ និងបានបង់ពន្ធនាំចូលត្រឹមត្រូវដែលឬទេ.? ពាក់ព័ន្ធករណីខាងលើនេះដែល វាធ្វើអោយបាត់ចំណូលថវិការរបស់រដ្ឋអស់ជាច្រើនណាស់ហើយ ទើបតែមកដឹងនៅពេលនេះ ឬមួយលោក នេត ចន្ថា ប្រធានគយរដ្ឋាករច្រកទ្វារតំបន់ព្រំដែនម៉ាឡៃ អាងខ្លួនកាន់ច្រកនោះ សប្បាយនិងកើបលុយមហាសាលទាំងនេះចែកគ្នីគ្នាធ្វើមានបានទើបបានជាលោកហ៊ានប្រើក្បាច់គុណបែងភាគ កន្ទេលធំ បន្លំដេក ដើម្បីឆ្ពិនភ្នែកសម្ថកិច្ច និងមហាជន.!ពេលកន្លងទៅនេះ។ ពាក់ព័ន្ធករណីខាងលើនេះ សារព័ត៌មាន គេហទំព័រ ប៉ោយប៉ែតប៉ុស្តិ៍ មិនអាចធ្វើបទ សម្ភាសន៍ ពីលោក នេត ចន្ថា ដើម្បីបកស្រាយបំភ្លឺរឿងនេះបានទេ ពេលក្រុមអ្នកកាសែត ជាច្រើនស្ថាប័នចូលទៅ ការិយាល័យគយនិងរដ្ឋាករម៉ាឡៃ គឺបានត្រឹមតែសោកស្តាយប៉ុណ្ណោះ.! ពិព្រោះ ការិយាល័យគយនិងរដ្ឋករ ម៉ាឡៃ គ្មានមួយនាក់សោះ.! មកទល់ពេលនេះ សារព័ត៌មានយើងខ្ញុំ នៅមិនទាន់ធ្វើការទំនាក់ទំនងទៅលោកបានទេ ដោយមិនស្គាល់លេខទូរស័ព្ទរបស់លោក ទោះបីជាយ៉ាងណាអង្គភាពយើងខ្ញុំរងចាំការបកស្រាយបំភ្លឺពីលោក នេត ចន្ថា រាល់ម៉ោងធ្វើការនៅពេលក្រោយ។ អង្គភាពសារព័ត៌មានយើងខ្ញុំ ចុះផ្សាយទៅនេះ ដើម្បីអោយថ្នាក់លើបានដឹង និងជួយកែតម្រូវ ក្នុងន័យស្ថាបនា មិនបានបង្អាប់បង្អោន ឬជាន់ពន្លេច បុក្គលណាមួយឡើយ ហើយសូមសំណូមពរទៅដល់ថ្នាកកំពូលៗ និងអង្គភាព កំចាត់អំពើរពុករលួយ សូមមេត្តាស្រាវជ្រាវ និង ស៊ើបអង្កេតទៅលើលោក នេត ចន្ថា ប្រធានគយនិងរដ្ឋាករ ច្រកទ្វារតំបន់ព្រំដែនម៉ាឡៃ នេះផង៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ www.poipetpostnews.com