ករណីទុស្សេខ្សែភ្លើង ក្នុងផ្សារដងទង់ ឆេះតូបអស់១៦តូប បង្កការភ្ញាក់ផ្អើល ដល់បងប្អូនប្រជាពលរដ្ឋនិងសមត្ថកិច្ចទាំងយប់.!!!
ខេត្ដកំពត៖ អគ្គិភ័យនេះបានឆាបឆេះឡើងនៅវេលាម៉ោង០៩ យប់ ថ្ងៃព្រហស្បតិ៍ ទី៦ ខែធ្នូ ឆ្នាំ២០១៨។ នៅក្នុងផ្សារដងទង់ ស្ថិតក្នុងភូមិធំថ្មី ឃុំដងទង់ ស្រុកដងទង់ ខេត្តកំពត។
តូបលក់ដូររបស់អាជីវករ នៅក្នុងផ្សារដងទង់ ត្រូវបានអគ្គិភ័យឆាបឆេះយ៉ាងសន្ធោរសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋនាំគ្នារត់មកជួយពន្លត់ និង រាយការណ៍ជូនទៅសមត្ដកិច្ច ទាក់ទងរថយន្តពន្លត់អគ្គិភ័យ ចេញអន្តរាគមន៍ បាញ់ពន្លត់ រហូតរលត់ទាំងស្រុង ដោយចំណាយពេលជាង០៣ម៉ោង។
សមត្សមត្ថកិច្ចបានបញ្ជាក់អោយដឹងថា៖ គឺបណ្តាលមកពីទុស្សេខ្សែភ្លើង ទើបបង្កការឆេះរាលដាលតូបលក់ដូរអស់ចំនួន១៦តូប ដែលគិតជាទឹកប្រាក់រាប់ម៉ឺនដុល្លារ និងមិនបណ្តាលអោយមានគ្រោះថ្នាក់ដល់អាយុជីវិតមនុស្សឡើយ ។
ករណីអគ្គិភ័យខាងលើនេះដែល សមត្ថកិច្ចបានប្រើប្រាស់រថយន្តពន្លត់្លត់អគ្គិភ័យចំនួន ០៤គ្រឿង ដោយក្នុងនោះមានរថយន្តពន្លត់អគ្គិភ័យស្រុកឈូក ១គ្រឿង រថយន្តពន្លត់អគ្គិភ័យស្រុកកំពង់ត្រាច ១គ្រឿង និងរថយន្តពន្លត់អគ្គិភ័យស្នងការដ្ឋាននគរបាលខេត្តកំពត ២គ្រឿង ដោយប្រើប្រាស់អស់ទឹកចំនួន០៣រថយន្ត ស្មើនឹង ១៣.៥មែត្រគូប ដោយធ្វើការពន្លត់ចប់នៅម៉ោង១២យប់៕
ដោយៈ វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com