ថ្ងៃសុក្រ ទី១៨ ខែមេសា ឆ្នាំ២០៥០
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098_ 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092190098_ 0886606773) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
រដ្ឋបាលខេត្តប៉ៃលិន ប្រារព្ធទិវាពិភពលោកប្រយុទ្ធនិងជំងឺអេដស៍១ធ្នូ ឆ្នាំ២០១៨ ក្រោមប្រធានបទ«យើងប្តេជ្ញារួមគ្នាបញ្ចប់បញ្ហាអេដស៍ឆ្នាំ២០២៥»
Sun,09 December 2018 (Time 02:18 PM)
ដោយ ៖ ប៉ោយប៉ែតប៉ុស្តិ៍ (ចំនួនអ្នកអាន: 727នាក់)


ខេត្តប៉ៃលិន៖ ព្រឹកថ្ងៃទី០៨ ខែធ្នូ ឆ្នាំ២០១៨ រដ្ឋបាលខេត្តប៉ៃលិន សហការជាមួយមន្ទីរសុខាភិបាលខេត្ត បានប្រារព្ធទិវាពិភពលោកប្រយុទ្ធ និងជំងឺអេដស៍ថ្ងៃទី០១ធ្នូ ក្រោមអធិបតីភាពលោក ហែម ឬទ្ធី អភិបាលរងខេត្ត តំណាង លោក ផាន់ ចាន់ធុល អភិបាលខេត្តប៉ៃលិន, លោកវេជ្ជៈបណ្ឌិត តែង គន្ធី អគ្គលេខាធិការអាជ្ញាធរជាតិប្រយុទ្ធប្រឆាំងនិងជំងឺអេដស៍ ដោយមានការអញ្ចើញចូលរួមពីលោក អាង នាង ប្រធានមន្ទីរសុខាភិបាលខេត្តប៉ៃលិន ,លោក លោកស្រីតំណាងអង្គភាពមន្ទីរជុំវិញខេត្ត លោកគ្រូ អ្នកគ្រូ សិស្សានុសិស្ស ,ប្រជាពលរដ្ឋ ,មន្ត្រីអង្គការក្រៅរដ្ឋាភិបាលសរុបជាង២០០នាក់់ ក្នុងនោះ ក៏មានអ្នករស់នៅជាមួយជំងឺអេដស៍ចូលរួមផងដែរ។ បន្ទាប់ពីចំណាប់អារម្មណ៍របស់តំណាងអ្នករស់នៅជាមួយមេរោគអេដស៍ និងតំណាងក្រុមបុរសស្រលាញ់បុរស ព្រមទាំងតំណាងអង្គការសង្គមស៊ីវិល រួចមក លោក ហែម ឬទ្ធី អភិបាលរងខេត្តប៉ៃលិន តំណាងលោក ផាន់ ចាន់ធុល អភិបាលខេត្តប៉ៃលិន បានអានសន្ទរកថាឯកឧត្តមឧបនាយករដ្ឋមន្ត្រី យឹម ឆៃលី តំណាងដ៍ខ្ពង់ខ្ពស់ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងធ្វើការផ្តាំផ្ញើ ដល់សមាជិកក្នុងអង្គពិធីថា កុំឲ្យភ្លើតភ្លើនភ្លេចខ្លួន ដោយសារតែការស្រឡាញ់ មួយពេលខ្លី អូសទាញបណ្ដាលឲ្យឆ្លងមេរោគអេដស៍ រីឯយុវជនត្រូវតមនិងការរួមភេទ, មិនត្រូវភ្លើតភ្លើនការសប្បាយផ្លូវភេទ និងភ្លើតភ្លើនចំពោះគ្រឿងញៀនឡើយ ។ ដោយឡែកមនុស្សពេញវ័យ ត្រូវស្មោះប្តី១ ប្រពន្ធ១, មិនត្រូវមានដៃគូស្នេហាច្រើន, ត្រូវប្រើស្រោមអនាម័យជានិច្ច បើមានដៃគូស្នេហាក្រៅពីប្រពន្ធរបស់ខ្លួន ផងដែរ ។ ថ្លែងក្នុងពិធីនេះដែរលោកវេជ្ជៈបណ្ឌិត តែង គន្ធី អគ្គលេខាធិការអាជ្ញាធរជាតិប្រយុទ្ធប្រឆាំងនិងជំងឺអេដស៍ មានប្រសាសន៍ថា៖ដើម្បីទប់ស្កាត់ការរីករាលដាល នៃការឆ្លងមេរោគអេដស៍ និងជំងឺអេដស៍ អាជ្ញាធរជាតិ ប្រយុទ្ធនឹងជំងឺអេដស៍ តែងតែរៀបចំប្រារព្ធពិធីនេះឡើង ក្នុងគោលបំណង ដាស់តឿនក្រើន រំឭក ដល់យុវវ័យ កុំឲ្យភ្លើតភ្លើនភ្លេចខ្លួន ដោយសារតែការស្រឡាញ់ មួយពេលខ្លី អូសទាញបណ្ដាលអោយឆ្លងមេរោគអេដស៍ តាមរយៈការផ្សព្វផ្សាយនៅថ្ងៃនេះ យុវវ័យនឹងបន្តចូលរួម ជួយផ្សព្វផ្សាយបន្ថែមទៀត ឲ្យកាន់តែទូលំទូលាយជាងនេះ ដើម្បីឲ្យយុវវ័យមានការយល់ដឹង និងការតាំងចិត្តកាន់តែរឹងមាំ។ លោកក៏សូមធ្វើការអំពាវនាវ ដល់យុវវ័យរបស់យើង និងសូមឲ្យប្អូនៗទាំងអស់គ្នា មានការប្រុងប្រយ័ត្ន ព្រោះយើងដឹងហើយថា ជំងឺអេដស៍នៅតែបន្តចម្លង ដោយស្ងៀមស្ងាត់ ខណៈដែលអ្នកមានផ្ទុក និងអ្នកជំងឺអេដស៍ មិនអាចមើលនឹងភ្នែកទទេបានទេ ហើយបើដឹងថា ខ្លួនឯងមិនទាន់ប្រឈមទេ សូមកុំប្រព្រឹត្តិ ប៉ុន្តែបើដឹងថា ខ្លួនប្រឈមនឹងការឆ្លងហើយ សូមមកធ្វើតេស្ដឈាមជាបន្ទាន់ ដើម្បីទទួលបានថ្នាំដោយឥតគិតថ្លៃ និងថែទាំសុខភាព តាមការណែនាំ របស់គ្រូពេទ្យ ។លោកក៍បានបញ្ជាក់ដែរថា៖ ប្រទេសកម្ពុជាមានការប្តេជ្ញាចិត្តក្នុងការសំរេចគោលដៅ ៩៥- ៩៥- ៩៥ នៅត្រឹមឆ្នាំ ២០២៥ ពិតមែន តែជិតដល់ទីដៅក្តី តែចំងាយផ្លូវចុងក្រោយច្រើនតែពិបាកបំផុត ដូច្នោះយើងត្រូវចូលរួមគ្នា ក្នុងការ ប្រយុទ្ធ ប្រឆាំងមេរោគអេដស៍ផងដែរ ។ជាចុងបញ្ជាក់ក៍ មានការចែក អំណោយដល់ អ្នករស់នៅជា មួយមេរោគអេដស៍ និងជំងឺអេដស៍ផងដែរ ។ សូមបញ្ជាក់ថា៖ យោងតាមតាមរបាយការណ៍ ដែលអានដោយលោក អាង នាង ប្រធានមន្ទីរសុខាភិបាលខេត្តប៉ៃលិន បានឲ្យដឹងថា ការធ្វើតេស្តឈាមរកមេរោគអេដស៍ ដោយស្មគ្រ័ចិត្ត និងរក្សាការសំងាត់ ដោយជួសឈាមចុងម្រាមដៃ បានបង្ហាញថា គិតត្រឹមត្រីមាសទី៣ ឆ្នាំ២០១៨ នេះ អ្នកធ្វើតេស្តឈាមចុងម្រាមដៃចំនួន ៣៣៤៤នាក់ មានផ្ទុកមេរោគអេដស៍ចំនួន២០នាក់ គិតជាភាគរយស្មើរនិង០,៦% ដែលនេះជាសារមួយបញ្ជាក់ថាខេត្តប៉ៃលិន នៅមានការប្រឈមមុខខ្ពស់ ចំពោះមេរោគអេដស៍-ជំងឺអេដស៍ផងដែរ ៕ ដោយៈ ជួង វិសិដ្ឋ និពន្ធនាយក គេហទំព័រ ប៉ោយប៉ែតប៉ុស្តិ៍ www.poipetpostnews.com

ព័ត៌មានគួរចាប់អារម្មណ៍

ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់  ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)

ព័ត៌មានគួរចាប់អារម្មណ៍

លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
1970 នាក់
ម្សិលមិញ :
1328 នាក់
សប្តាហ៍នេះ :
7282 នាក់
ខែនេះ :
23120 នាក់
3 ខែនេះ :
77739 នាក់
សរុប :
1661666 នាក់