នៅវិទ្យាល័យស្រុកថ្មគោល សិស្សជាង៦០ នាក់ ដួលសន្លប់ជាបន្តបន្ទាប់ដោយពុំដឹងមូលហេតុ...!!!
ស្រុកថ្មគោល៖ បន្ទាប់ពីសិស្សសាលាវិទ្យាល័យ ស្រុកសំពៅលូន ខេត្តបាត់ដំបង មានការដួលសន្លប់អស់សិស្ស៤១នាក់កាលពីថ្ងៃទី០៤/០៥ កន្លងមកនេះ។ តែបច្ចុប្បន្នសិស្សសាលាវិទ្យាល័យថ្មគោល មានករណីដួលសន្លប់ទៀតហើយ ដែលហេតុការនេះកើតឡើង ស្ថិតក្នុងភូមិ តាសី ឃុំតាមឺុន ស្រុកថ្មគោល ខេត្តបាត់ដំបង មានសិស្សសាលាជាង៦០ នាក់ ដួលសន្លប់ ខណ:ពេលកំពុងសិក្សានៅក្នុងបន្ទប់ ដោយនៅពុំដឹងពីមូលហេតុ និងមិនមានប្រភពណាមួយអោយច្បាស់ការ អាចសន្និដ្ឋានបានពីមន្ត្រីជំនាញម្នាក់ណាមួយឡើយ។ ករណីខាងលើនេះបានបង្កការភ្លាក់ផ្អើល ពីសកម្មភាព ដែលសិស្ស សាលាវិទ្យាល័យថ្មគោល ដួលសន្លប់ បានកើតឡើងកាលពីរសៀលម៉ោង១៣និង៣០ នាទី ថ្ងៃទី០៧ ខែធ្នូ ឆ្នាំ២០១៨ នេះ រហូតដល់ម៉ោង១៧និង ០០នាទីល្ងាច។
នេះបើយោងតាមសេចក្តីរាយការណ៍កំណត់ហេតុ ពីរដ្ឋបាលស្រុកថ្មគោល បានអោយដឹងថា៖ មានអត្រាសិស្សដួលសន្លប់រហូតចំនួន៦៣នាក់ហើយ មានសិស្សខ្លះ ទៅដល់ផ្ទះហើយ ដួលសន្លប់ ត្រូវបានដឹកយកទៅមន្ទីរពេទ្យដើម្បីសង្គ្រោះជាបន្ទាន់វិញផងដែល៕
ដោយៈ វ៉ិត រិទ្ធ និពន្ធនាយក
គេហទំព័រ ប៉ោយប៉ែតប៉ុស្តិ៍
www.poipetpostnews.com