អាជ្ញាធរបើកវេទិកាផ្វព្វផ្សាយសាធារណៈ អោយប្រជាពលរដ្ឋចូលរួមបញ្ចេញមតិយល់ និងចូលរួមដោះស្រាយបញ្ហាជូនប្រជាពលរដ្ឋ.!!!
ខេត្តបន្ទាយមានជ័យ៖ អាជ្ញាធរបើកវេទិកាផ្វព្វផ្សាយសាធារណៈ អោយប្រជាពលរដ្ឋបញ្ចេញមតិយោបល់ និងចូលរួមដោះស្រាយបញ្ហាជូនប្រជាពលរដ្ឋដែលលើកឡើងពីបញ្ហាផ្សេងដែលកំពុងជួបការលំបាក ការកៀប សង្កត់ពីបណ្តាក្រុមហ៊ុន ឬបុគ្គលមានអំណាច និងសេវាកម្មរដ្ឋបាលផ្សេងៗ ធ្វើឡើងពេញមួយព្រឹកថ្ងៃទី២៧ ខែ មិថុនា ឆ្នាំ២០១៨ ឋិតភូមិមិត្តភាព សង្កាត់ និង ក្រុងប៉ោយប៉ែត។
ក្នុងឱកាសនេះឃើញថា៖ មានប្រជាពលរដ្ឋបានលើកឡើងពីបញ្ហានានាជាច្រើនដើម្បីសុំអោយលោកអភិបាលក្រុងជួយដោះស្រាយ ដូចជា ផ្លូវថ្នាល់ជួបការលំបាក ទឹកភ្លើង បញ្ហាបរិស្ថា បញ្ហាសាសារៀន និងបញ្ហាជាច្រើនទៀត ជាពិសេសរឿងទំនាស់ដីធ្លីជាដើម។
លោកសាន សានស៊ាន អភិបាលក្រុងប៉ោយប៉ែតបានលើកឡើងថា បញ្ហាដីធ្លី លោកបានបង្កើតគណកម្មការដោះស្រាយជាបណ្តើរៗ និងត្រូវដោះស្រាយតាមលំដាប់លំដោយ ឯបញ្ហជាច្រើន ដែលប្រជាពលរដ្ឋប្រឈមដូចនិងដោះស្រាយអោយ ហើយចំពោះផ្លូវថ្នល់វិញ លោកបានបញ្ជាក់ថា ទោះជាមិនសុំ មិនសំណូមពរក៏លោក ត្រូវតែធ្វើផ្លូវចាក់ថ្មមិកអោយអស់លើផ្លូវនៅក្នុងភូមិ មន្ទីរពេទ្យ សាលារៀន ផ្លូវវត្តអារាម។
លោកបានបញ្ជាក់ថា៖ លោកមកកាន់ដំណែងជាអភិបាលក្រុងនេះលោកបានប្តេជ្ញាចិត្តហើយ គឺលោកដោះស្រាយ ទាំងផ្លូវចិត្ត និងផ្លូវថ្នល់ដែលកន្លងមក ប្រជាពលរដ្ឋមានការអាក់ចិត្ត ជាមួយអាជ្ញាធរ និងត្រូវអភិវឌ្ឍន៍ក្រុងប៉ោយប៉ែត អោយមានភាពរីកចំរើន។ លោកបញ្ជាក់បន្ថែមថា លោកហ៊ាននិយាយលោកហ៊ានធ្វើ មិនមែនជាមន្ត្រីសន្យាខ្យល់នោះទេ និងមានមន្ត្រីខ្លះសន្យាថាជាប់ឆ្នោតហើយ ធ្វើផ្លូវ សង់នេះ សង់នោះ តែដល់ពេលជាប់ ទុកចោលមិនធ្វើ៕