មេជួញដូរគ្រឿងញៀននៅតែបន្ត នាំចូលពីប្រទេសជិតខាង មកប្រទេសកម្ពុជា ដ៏ដែល ប៉ុន្តែត្រូវបាន សមត្ថកិច្ចខេត្តស្ទឹងត្រែង ស្ទាក់ចាប់បាន ម៉ាទឹកកក៣គីឡូក្រាមទៀតហើយ!
ខេត្តស្ទឹងត្រែង៖ ថ្ងៃសុក្រ ២រោច ខែបឋមាសាឍ ឆ្នាំច សំរឹទ្ធិស័ក ព.ស២៥៦២ វេលាម៉ោង១និង៣០នាទីរសៀល ថ្ងៃទី២៩ ខែមិថុនា ឆ្នាំ២០១៨ នេះ ត្រង់ចំណុចស្ពានទី២ ស្ថិតក្នុងភូមិខាំផាន់ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង។
សមត្ថកិច្ចបានឲ្យដឹងថា៖ កម្លាំងនគរបាលព្រំដែន BLO សហការជាមួយកម្លាំងនគរ បាលមន្ទីរប្រឆាំងគ្រឿងញៀន នៃការិយាល័យ ក៩ របស់អគ្គស្នងការដ្ឋាននគរបាលជាតិ បានធ្វើការបង្ក្រាប ករណីជួញដូរគ្រឿងញៀន និងបានឃាត់ខ្លួនជនសង្ស័យឈ្មោះ ថង លូនប៉ាសឺត ភេទប្រុស អាយុ៥០ឆ្នាំ រស់នៅភូមិប៉ាកសេ ខេត្តប៉ាសាក់ ប្រទេសឡាវ សមត្ថកិច្ចដក ហូតវត្ថុតាងគ្រឿងញៀនបានចំនួន៣កញ្ចប់ធំនិងមានទម្ងនន់ប្រហែល៣គីឡូក្រាម។
ជនសង្ស័យខាងលើ និងវត្ថុតាងគ្រឿងញៀន ៣គីឡូក្រាម ត្រូវបានបញ្ជូនកមស្នងការខេត្តស្ទឹងត្រែង ដើម្បីចាត់ការបន្តនិវិធីច្បាប់៕