ពលរដ្ឋមានការព្រួយបារម្ភៈ ខណៈគ្រឿង ញៀន មានការកើនឡើង នៅប្រទេសកម្ពុជា...
ខេត្តឧត្តរមានជ័យ៖ កម្លាំងជំនាញអធិការដ្ឋាននគរបាលស្រុកត្រពាំងប្រាសាទ និងកម្លាំប៉ុស្តិ៍រដ្ឋបាលទំនប់ដាច់ ចុះប្រតិបត្តិការចំនួន១៣ នាក់ ដឹកនាំដោយលោក វរសេនីយ៍ឯក អិុន កាយ អធិការនគរបាលស្រុកត្រពាំងប្រាសាទ និងឃាត់ខ្លួនជនសង្ស័យចំនួន០២នាក់ រួមជាមួយសារធាតុញៀនចំនួន៤កញ្ចប់ធំ ដែលជនស័ង្សយ យកទៅលាក់ក្នុងគុមស្លឹកគ្រៃ។ នៅវេលាម៉ោង២០និង២៦នាទី យប់ ថ្ងៃទី០៨ ខែកក្កដា ឆ្នាំ២០១៨។
ក្នុងកិច្ចសហការ និងចុះប្រតិបត្តិការ កម្លាំងជំនាញស្នងការដ្ឋាននគរបាលខេត្តព្រះវិហារ ចំនួន០៦នាក់ ដឹកនាំដោយលោកវរសេនីយ៍ ទោ ដាំ យិន នាយរងការិយាល័ប្រឆាំងគ្រឿងញៀន បានចុះឆែកឆេរលំនៅដ្ឋានរបស់ជនស័ង្សយទី១-ឈ្មោះ សុឺ សុគុន្ធា ភេទ ស្រី អាយុ២៩ឆ្នាំ ស្ថិតភូមិសែនសុខ ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ និងទី២-ឈ្មោះ ឡេង នី ភេទស្រី អាយុ៤៥ឆ្នាំ ត្រូវជាម្ដាយមីង។ ក្នុងការចុះប្រតិបត្តិការ ឆែក ឆេរនេះ សមត្ថកិច្ចរកឃើញថ្នាំញៀន ប្រភេទម្សៅក្រាមពណ៌សថ្លា ចំនួន០៤កញ្ចប់ធំ ដែលជនសង្ស័យ បានយកទៅលាក់ទុកក្នុងគុមស្លឹកគ្រៃ ចំងាយពីផ្ទះ១០ម៉ែត្រ។
បច្ចុប្បន្នកម្លាំងជំនាញ បានធ្វើការឃាត់ខ្លួនម្ចាស់ផ្ទះទាំង០២នាក់ រួមនឹងវត្ថុតាង យកទៅសាកសួរនៅស្នងការដ្ឋាននគរបាលខេត្តព្រះវិហារ ដើម្បីចាត់ការតាមនីតិវិធី៕