ភ័យព្រលឹងចុងសក់! ម្ចាស់រថយន្តហាយឡែនឌ័រ រងគ្រោះព្រោះជនជាតិចិនជក់បារី...!!!
ខេត្តកំពង់ស្ពឺ៖
រថយន្តហាយឡែនឌ័រ មួយគ្រឿង បានឆាបឆេះយ៉ាងសន្ធោសន្ធៅ នៅសល់តែគ្រោងដែក នៅក្នុងស្ថានីយ ចាក់ប្រេងមួយកន្លែង និងបណ្តាលអោយរងរបួសមនុស្ស០២នាក់ ខណៈពេលកំពុងចាក់ហ្កាស ហើយត្រូវបានសមត្ថកិច្ចស្រុកគងពិសី បញ្ជូនជនរងគ្រោះ យកទៅសង្គ្រោះនៅមន្ទីរពេទ្យបង្អែកខេត្តភ្លាមៗ គឺដោយសារតែម្ចាស់រថយន្តឆេះរលពេញខ្លួនរបួសធ្ងន់ធ្ងរ ចំណែកជនជាតិចិន រងរបួសស្រាល។
បើតាមសមត្ថកិច្ចស្រុគងពិសី ខេត្តកំពង់ស្ពឺបានអោយដឹងថា៖ ម្ចាស់រថយន្តម៉ាក Highlander ដែលឆេះរលាកសព្វខ្លួន ព្រោះតែជនជាតិចិនជក់បារី ពេលដែលកំពុងចាក់ហ្គាស់ បានបាត់បង់ជីវិត ក្នុងមន្ទីរពេទ្យហើយ ក្រោយសម្រាកព្យាបាលនៅមន្ទីរពេទ្យបង្អែកខេត្ត។ ហេតុការណ៍ឆេះរថយន្ត និងម្ចាស់រថយន្ត ដ៏រន្ធត់នេះ បានកើតឡើងកាលពីវេលាម៉ោង០៨ និង៣០នាទីព្រឹកថ្ងៃទី៩ ខែកក្កដា ឆ្នាំ២០១៨ នៅតាមផ្លូវលេខ៤១ចន្លោះគីឡូម៉ែត្រលេខ១៧និងលេខ១៨ ក្នុងភូមិចំបក់ក្អែ ឃុំទឹកល្អក់ ស្រុគងពិសី ខេត្តកំពង់ស្ពឺ។
ម្ចាស់រថយន្តឈ្មោះ ម៉ៅ សុខហៀង ភេទប្រុសអាយុ៣៧ឆ្នាំ រស់នៅរាជធានីភ្នំពេញ ជាអ្នករត់តាក់ស៊ី តាមការសាកសួររបស់សមត្ថកិច្ចស្រុកគងពិសី ខេត្តកំពង់ស្ពឺ ត្រូវបានម្ចាស់រថយន្តប្រាប់ថា៖ មុនពេលកើតហេតុមានជនជាតិចិន ជួលរថយន្តគាត់ជិះមកពីបូកគោ ខេត្តកំពត ឆ្ពោះទៅរាជធានីភ្នំពេញ ពេលមកដល់ចំណុចខាងលើ ដោយសាររថយន្តអស់ហ្កាស គាត់ក៏ចូលទៅចាក់ហ្កាសបន្ថែម លុះចាក់រួចហើយ គាត់ ក៏ចូលអង្គុយក្នុងរថយន្តដាក់ខ្សែក្រវាត់ ហើយយកលុយអោយថ្លៃហ្កាស ក៏បណ្តាលអោយឆេះរថយន្តហាយឡែនឌ័រ១គ្រឿង ភ្លាមៗនៅសល់តែគ្រោងដែក និងរបួសមនុស្សធ្ងន់ស្រាល២នាក់ ក្នុងនោះ ជនជាតិចិនម្នាក់ ។
ក្រោយពេលកើតហេតុ បុរសជាម្ចាស់រថយន្ត ត្រូវបានបញ្ជូនទៅសង្គ្រោះ នៅមន្ទីរពេទ្យបង្អែកខេត្ត ចំណែកគ្រោងរថយន្តត្រូវបានយកទៅរក្សាទុកនៅ អធិការដ្ឋាននគរបាលស្រុកគងពិសី រង់ចាំបន្តនីតិវិធី។ អ្វីដែលគួរអោយសង្វែគបំផុតនោះ គឺនៅ ម្ចាស់រថយន្តបានស្លាប់បាត់បងជីវិតទៅហើយ ដោយសារមិនអាចទ្រាំទ្រនឹងសៈភាពឈឺចាប់បាន៕