អគ្គីភ័យលេបត្របាក់ផ្ទះ ប្រជាពលរដ្ធអស់ ចំនួន៦៤ខ្នង ស្ថិតភូមិមិត្តភាព សង្កាត់ឬស្សីកែវ ខណ្ឌឬស្សី...!!!
រាជធានីភ្នំពេញ៖
អគ្គីភ័យលេបត្របាក់ ផ្ទះប្រជាពលរដ្ធអស់ ចំនួន៦៤ខ្នង ហេតុការនេះបានកើតឡើងនៅវេលា ម៉ោង០៣និង១០នាទីល្ងាច ថ្ងៃទី១០ ខែកក្កដា ឆ្នាំ២០១៨ នៅចំនុចក្រុមទី១៧ ស្ថិតភូមិមិត្តភាព សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ អគ្គីភ័យឆាបឆេះឆ្លងរៀលដាលផ្ទះប្រជាពលរដ្ឋអស់ចំនួន៦៤ ខ្នង ដែលប្រភព ពីប្រជាពលរដ្ធបានប្រាប់អ្នកសារព័ត៌មានយើងថា៖ អគ្គីភ័យនេះបណ្តាលមកពីរឆ្លងចរន្តអគ្គីសនីយ៍ ដើមហេតុចេញពីផ្ទះឈ្មោះ សិុន យិន ភេទប្រុស អាយុ ៥៦ឆ្នាំ ជនជាតិវៀតណាម មុខរបររត់ម៉ូតូឌុបប្រព័ន្ធឈ្មោះ រ៉ា វី អាយុ៥៥ឆ្នាំ ជនជាតិវៀតណាម មុខរបរលក់ដូរ ។
ករណីអគ្គីភ័យដែលបានឆាបឆេះនេះ ត្រូវបានកងកម្លាំងខាងពន្លត់អគ្គីភ័យ បានយករថយន្តពន្លត់អគ្គីភ័យចំនួន៣២គ្រឿង ក្នុងនោះមានរថយន្តរបស់ស្នងការនគបាលរាជធានីភ្នំពេញចំនួន២២គ្រឿង រថយន្តខណ្ឌជ្រោយចង្វារចំនួន០៦គ្រឿង រថយន្តខណ្ឌឬស្សីកែវ០១គ្រឿង រថយន្តក្រសួងមហាផ្ទៃចំនួន០៣គ្រឿង និងម៉ារិនរទេសចរាចរណ៍ផ្លូវទឹកចំនួន០២គ្រឿង និងប្រើប្រាស់ទឹកអស់ចំនួន១២៩ជើង។ ក្នុងហេតុការឆាបឆេះនេះមិនមានគ្រោះថ្នាក់ដល់អាយុជីវិតពលរដ្ឋណាម្នក់ឡើយ។ ក្នុងករណីអគ្គីភ័យឆាបឆេះផ្ទះពលរដ្ឋអស់ជាច្រើនខ្នងនេះ ភ្នាក់ងារសារព័ត៌មានយើងខ្ញុំ នៅទាន់ដឹងថា៖ រងការខូចខាតទ្រព្យសម្បត្តិរបស់ពលរដ្ឋអស់ប៉ុន្មាននៅទេ ព័ត៌មានបឋម៕