កម្លាំងអាវុធហត្ថលេីផ្ទៃប្រទេស សហការជាមួយអាវុធហត្ថខេត្ដរតនគីរី ចុះបង្ក្រាបទីតាំងលាក់ស្តុកឈើ ជាច្រើនកំណាត់ ដែលឈ្មួញយកមកលាក់ទុកស្ថិតក្នុងស្រុកអូរយ៉ាដាវ
ខេត្តរតនគីរី៖ ឈើជាច្រើនកំណាត់ដែលឈ្មួញយកមកលាក់ទុកនៅក្នុង ភូមិប៉កធំ ឃុំប៉ក ស្រុកអូរយ៉ាដាវ ខេត្តរតនគីរី ដែលអ្នកព័ត៌មានបានចុះផ្ដិតយករូបភាព ហើយក៏បានរាយការណ៍ ទៅកងកម្លាំងរាជអាវុតហត្ថលេីផ្ទៃប្រទេស អាវុធហត្ថស្រុក-ខេត្ដ ពេលទទួលបានពត៌មាន កម្លាំងអាវុធហត្ថលើផ្ទៃប្រទេស សហការជាមួយ អាវុធហត្ថស្រុកអូរយ៉ាដាវ ក្រោមការបញ្ជាផ្លាល់ ពីលោក គឹម រស្មី មេបញ្ជាអាវុធហត្ថខេត្ដ ចុះប្រតិបត្តិការដល់ទីតាំងលាក់ឈើ នៅវេលាម៉ោង១១និង៣៥ នាទី ត្រូវនិងថ្ងៃពុធ ទី១១ ខែកក្កដា ឆ្នាំ២០១៨ ហើយខាងកម្លាំងអាវុធហត្ថបានរឹបអូស និង ធ្វើការវាស់វែងឈើ រាប់ចំនួនឈើប្រភេទឈើសុគ្រំសុទ្ឋ ៧០កំណាត់។
បើតាមប្រភពពីប្រជាពលរដ្ឋ ជនជាតិដែលរស់នៅក្នុងភូមិប៉ក បានប្រាប់អ្នកយកពត៌មានយើងថា៖ កាលពីយប់ថ្ងៃទី០៩នៅវេលាម៉ោង៣ជាង ឈានចូរថ្ងៃទី១០ជិតភ្លឺ មានរថយន្តសាំយ៉ុងដឹកឈើ មកទំលាក់ទុកជិតផ្ទះរបស់ពួកគាត់ គឺមានចំនួនបីរថយន្តសាំយ៉ុង ហើយពួកគាត់ខ្លាចមានបញ្ហា ព្រោះឃើញឈើមានចំនួនច្រើន ក៏បានប្រាប់អ្នកសារព័ត៌ មាន អោយរាយការណ៍ជូនសមត្ថកិច្ចកងរាជ អាវុធហត្ថ នៅពេលនោះអាវុធហត្ថបានទទួលព័ត៌មានហើយ បញ្ជាកំលាំងអាវុធហត្ថខេត្ត និងកំលាំងអវុធស្រុកអូរយ៉ាដាវ ចុះមកដល់ទីតាំងលាក់ឈើភ្លាមៗតែម្ដង ហើយឈើនេះរកម្ចាស់មិនទាន់ឃើញនោះទេ ។
ចំណែកឈើជាច្រើនកំណាត់ ដែលកងកម្លាំងអាវុធហត្ថ ចាប់រឹបហូសនោះ គឺបានយកមករក្សាទុក នៅទីបញ្ជាការដ្ឋានកងរាជអាវុធហត្ថស្រុកអូរយ៉ាដាវ សិន រងចាំកម្លាំងជំនាញ រដ្ឋបាលព្រៃឈេី មកធ្វើការវាស់វែង អោយដឹងចំនួនច្បាស់លាស់ ដើម្បីយកទៅរក្សាទុកនៅសង្កាត់រដ្ឋបាលព្រៃឈើ ស្រុកអូរយ៉ាដាវ៕