ឃុំព្រៃរំដួល ឃុំតាំងខ្យា ស្រុកភ្នំស្រួច ត្រូវបានរងគ្រោះ ដោយសារជំនន់ទឹកភ្លៀង ដែលឡើងកម្ពស់ទឹក១ម៉ែត្រជាង...!!!
ខេត្តកំពង់ស្ពឺ៖ ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ បានអញ្ជើញបន្តចុះពិនិត្យស្ថានភាព ជំនន់ទឹកភ្លៀង ស្ថិត នៅឃុំព្រៃរំដួល និង ឃុំតាំងខ្យា ស្រុកភ្នំស្រួចដែលឡើងកម្ពស់ទឹកជំនន់ កើនឡើងកម្ពស់
រហូត១ម៉ែត្រ ជាង នៅថ្ងៃទី១៨ ខែកក្កដា ឆ្នាំ២០១៨។
ឯកឧត្តម វ៉ី សំណាង បានចាត់តាំងកម្លាំងមានសមត្ថកិច្ច និង អាជ្ញាធរស្រុក ត្រូវត្រៀម លក្ខណៈ និង យកចិត្តទុកដាក់ លើមុខសញ្ញា ដែលងាយរងគ្រោះដូចជា៖ កុមារតូចៗ, ចាស់ជរា, ជនពិការជាដើម រួមនិងសត្វពាហនៈគោរ ក្របី ជ្រូក ។ល។ ក្នុងការត្រៀមបម្រុង រកកន្លែងទីទួលមានសុវត្ថិ ភាព ជូនប្រជាពលរដ្ឋ។
ឯកឧត្តម វ៉ី សំណាង បានមានប្រសាសន៍ជាមួយប្រជាពលរដ្ឋថា៖ អាជ្ញាធរខេត្ត អាជ្ញាធរស្រុក ឃុំ សង្កាត់ បាននិងកំពុង យកចិត្តទុក ដាក់ បំផុត ចំពោះសុវត្ថិភាព របស់បងប្អូនប្រជាពលរដ្ឋ ដែលកំពុងរងគ្រោះដោយសារទទឹកជំនន់ នៅពេលនេះ ហើយក៏បានត្រៀមវិធានការ ដើម្បីដោះស្រាយ នឹង ទប់ស្កាត់ចំពោះគ្រោះធម្មជាតិមួយនេះផងដែល ហើយដើម្បីដោះស្រាយ អោយបានទាន់ហេតុការណ៍ និង ទាន់ពេលវេលា ។
ក្នុងការចុះត្រួតពិនិត្យ ស្ថានភាពខាងលើនេះ ឯកឧត្តម ក៏បានផ្តាំផ្ញើរ ដល់បងប្អូនពលរដ្ឋត្រូវប្រុងប្រយ័ត្ន ពីបញ្ហាសុខភាព ដោយម្ហូប អាហារ ស្អាត បរិភោគទឹក ស្អាត រស់នៅស្អាត ជាពិសេស ត្រូវប្រុងប្រយ័ត្នចំពោះ មនុស្ស ចាស់ និង កូនក្មេងតូចៗ នៅពេលមានខ្យល់ ឬ ភ្លៀង ហាមជ្រកក្រោមដើមឈើ និងប្រយ័ត្នចំពោះ ពពួកសត្វមាន សេពិសេស ។ល។ជាដើម៕