ក្រុងប៉ោយប៉ែតៈ កម្មករសំណង់ម្នាក់ឆក់ខ្សែភ្លើង រងរបួសធ្ងន់ បង្កអោយមានការភ្ញាក់ផ្អើលទាំងព្រឹក...
ខេត្តបន្ទាយមានជ័យ៖ កម្មករសំណង់ម្នាក់ ត្រូវចរន្តអគ្គិសនីឆក់ បណ្តាលអោយរងរបួស ធ្ងន់ បង្កអោយមានការភ្ញាក់ផ្អើល ទាំងព្រឹក ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត។ នៅវេលាម៉ោង ១០និង០៥នាទីព្រឹក ថ្ងៃទី២១ ខែកក្កដា ឆ្នាំ២០១៨។
ជនរងគ្រោះខាងលើ មានឈ្មោះ អ៊ុក ម៉ាប់ ភេទ អាយ ២៦ ឆ្នាំ ជាកម្មករសំណង់ ស្នាក់នៅភូមិទួលប្រាសាទ ជនរងគ្រោះមានទីលំនៅ រស់នៅភូមិប្ញស្សីក្រាំង ឃុំព្រែកត្រឡាច ស្រុករុក្ខគិរី ខេត្តបាត់ដំបង។
បើតាមប្រភពពី ក្រុមកម្មករដូចគ្នាប្រាប់ថា៖ ដំបូងជនរងគ្រោះបានឡើងទៅលាបថងទៅលាបថ្នាំនៅជញ្ជាំងអគារនៅជាន់ទី៦ ស្រាប់តែជាន់ប៉ះចំដំណខ្សែភ្លើង ឆក់ បណ្តាលអោយឆក់ រងរបួសធ្ងន់តែម្តងទៅ ។
ក្រោយពេលកើតហេតុ ជនរងគ្រោះត្រូវបានគេយកទៅកប់ដីខ្សាច់ ដើម្បីជួយសង្គ្រោះបឋម រួចមក ក៏បញ្ជូនបន្តទៅកាន់មន្ទីរពេទ្យបង្អែកដីថ្មពី ដើម្បីសង្គ្រោះបន្ទាន់៕