សមត្ថកិច្ចកងរាជអាវុធហត្ថស្រុកជាំក្សាន្តរឹបអូសថ្នាំញៀន ១០កញ្ចប់ និងកាំភ្លើងកែច្នៃ ០២ដើម រួមគ្រាប់កាំភ្លើងជាច្រើនគ្រាប់
ខេត្តព្រះវិហារ៖ស្រុកជាំក្សាន្តថ្ងៃអាទិត្យ ៤រោចខែបឋមាសាឍ ឆ្នាំច សំរឹទ្ធិស័ក ព.ស២៥៦២ នៅវេលាម៉ោង១២និង៣០នាទី ថ្ងៃទី១ ខែកក្កដា ឆ្នាំ២០១៨ នៅចំណុច ភូមិអន្លង់វែងឃុំកន្ទួត ស្រុកជាំក្សាន្ត ខេត្តព្រះវិហារ។
សមត្ថកិច្ចកងរាជអាវុធហត្ថ បានប្រាប់អ្នកសារ ព័ត៌មានអោយដឹងថា៖ ជនសង្ស័យដែលបានឃាត់ខ្លួនឈ្មោះ ទន់ ឈាន ភេទប្រុស អាយុ៣៥ឆ្នាំ មុខរបរមិនពិតប្រាកដ រស់នៅភូមិអន្លង់វែង ឃុំកន្ទួត ស្រុកជាំក្សាន្ត ខេត្តព្រះវិហារ។
ក្រោយពីសមត្ថកិច្ចធ្វើការឃាត់ខ្លួន បានរឹប អូសយកវត្ថុតាងមួយចំនួនរួមមានៈ ម្សៅក្រាមពណ៏សថ្លា(ម៉ាទឹកកក)ចំនួន១០កញ្ចប់តូច កាំភ្លើងច្នៃចំនួន០២ ដើម កាំភ្លើងckcកាត់ចំនួន០១ដើម គ្រាប់AK 47ចំនួន ៣២គ្រាបប់សាក់កាដូ ដាក់កាំភ្លើងមួយ ម៉ូតូវេវអ៉ី ពណ៍ខ្មៅលាយខៀវ គ្មានស្លាកលេខចំនួន០១គ្រឿង លុយខ្មែរចំនួន៥ម៉ឺនរៀល និងសម្ភារៈសំរាប់ជក់មួយចំនួន។
បច្ចុប្បន្នជនសង្ស័យ និងវត្ថុតាង សមត្ថកិច្ចជំនាញកងរាជអាវុធហត្ថស្រុកជាំក្សាន្ត បានកសាងសុំណុំរឿង បញ្ជូនទៅកាន់ កងរាជអាវុធហត្ថខេត្តព្រះវិហារ ចាត់ការបន្តទៅតាមនិត្តិវិធី៕