ខេត្តបន្ទាយមានជ័យ៖ អាជ្ញាធរក្រុងប៉ោយប៉ែត ដឹកនាំកម្លាំង អាជ្ញាធរមូលដ្ឋាន ដោយមានកម្លាំងសមត្ថកិច្ច កម្លាំងកងរាជអាវុធហត្ថក្រុង លោកគ្រូ សិស្សានុ សិស្ស និង ក្រុមហ៊ុនអនាម័យក្រុង ចូលរួមសំអាតបរិស្ថាន នៅព្រឹកថ្ងៃទី២៤ ខែកក្តដា ឆ្នាំ២០១៨នេះ។ លោក សាន ស៊ានហូ អភិបាលនៃគណៈអភិ បាលក្រុងប៉ោយប៉ែត គឺលោកតែងតែយកចិត្តទុកដាក់ រៀបចំសណ្តាប់ធ្នាប់ ចរាចរណ៍ និងអណាម័យបរិស្ថាន បោសសំអាត លាងផ្លូវថ្នល់ជាតិលេខ៥ ចាប់ពីចំណុចរង្វង់មូលច្រកទ្វារអន្តរជាតិប៉ោយប៉ែត រហូតដល់សង្កាត់ផ្សារកណ្តាល នឹងមានរថយន្ត បូមធូលី តាមដងផ្លូវនៅក្នុងក្រុងប៉ោយប៉ែត ជាញឹកញាប់ផងដែល។ ជាពិសេសជាងនេះទៅទៀត លោកអភិបាល ក្រុង ចាប់តាំងពីលោកមកកាន់តំណែង មិនបានប៉ុន្មានខែផង លោកបានយកចិត្តទុកដាក់ ចំពោះទុក្ខលំបាករបស់បងប្អូនប្រជាពលរដ្ឋ ដែលរស់នៅក្នុងក្រុងប៉ោយប៉ែត និងនៅជាយក្រុង ដែលតែងតែ បងប្អូនប្រជា ពលរដ្ឋ រអ៊ូរទាំ ពីបញ្ហាផ្លូវថ្នល់ ដែលពលរដ្ឋ ធ្វើដំណើរឆ្លង កាត់ទៅវិញទៅមក មានការពិបាក់ គឺដោយសារតែ ផ្លូវថ្នល់ជាច្រើនខ្សែនៅក្នុង ភូមិ ឃុំ សង្កាត់ ខូចខាតទាំងស្រុង អាជ្ញាធរក្រុងប៉ោយប៉ែត យោងតាមកូលការរាជរដ្ឋាភិបាល ថ្នាក់ដឹកនាំ ដែលមានសម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដឹកនាំប្រទេសកម្ពុជា ដ៏ឆ្លាតវៃ ដែលប្រទេសជាតិ មានសុខសន្ដិភាព រីកចម្រើនគ្រប់វិស័យ តាមគោលការណ៍ឆ្នេះៗ អាជ្ញាធរក្រុងប៉ោយប៉ែត បានដឹកនាំកម្លាំង មូលដ្ឋាន ស្ថាបនាផ្លូវថ្នល់ ក្រាលគ្រោះក្រហម ទៅរជាផ្លូវបេតុង នៅក្នុងក្រុង ចំណែកឯផ្លូវថ្នល់ជនបទ ផ្លូវភោគ ទៅជាផ្លូវថ្នល់ក្រាលថ្មមិចវិញ បានជាច្រើនខ្សែ ហើយដែរ។ ពីសំណាកមហាជន បានលើឡើងថា៖ ពាក់ព័ន្ធ និង អាជ្ញាធរក្រុងប៉ោយប៉ែត លោកបានយកចិត្តទុក្ខដាក់សាងសង់ផ្លូវថ្នល់ជាច្រើនខ្សែ នៅក្នុងក្រុង ទីប្រជំុជន និង ទីជនបទ ថែមទាំងលោកដឹកនាំកម្លាំចម្រុះ ចុះ លាងសម្អាត ផ្លូវថ្នល់ ជាញឹកញាប់ ក៏ប៉ុន្តែ.! ក្រុមហ៊ុន រថយន្តដឹកដី ដឹកថ្ម ឥដ្ឋ ខ្សាច់ ដឹកស៊ីម៉ង់ត៍ មួយចំនួន នៅតែលួចដឹកដី ឡើងលើថ្នល់ជាតិ លើសចំណុះ ជារៀងរាល់ថ្ងៃ ដោយពុំបានគ្របស្បៃអោយបានត្រឹមត្រូវ តាមគោល ការណ៍ រាជរដ្ឋាភិបាល របស់ក្រសួង សាធារណៈការដឹកជញ្ជូន នោះទេ ជាពិសេសរថយន្តខ្នាតធំ ដឹកទំនិញ ផ្ទុកលើសទម្ងន់ បណ្តាលអោយផ្លូវជាតិលេខ៥ និងផ្លូវថ្នល់តាមភូមិ ឃុំ សង្កាត់ ទីជនបទ រងការខូចខាត ជាបណ្តើរៗ ចំណែកឯ ប្រជាពល រដ្ឋមួយ ចំនួនតូច ខ្វះការយល់ដឹង ពីបញ្ហា អនាម័យ បរិស្ថាន យកសម្រាម ទៅចោលតាមផ្លូវសាធារណៈ ពេលដែលមានភ្លៀងធ្លាក់ម្តងៗ បណ្តាលអោយ មានការ លេចលង់ ជាច្រើនកន្លែង នៅក្នុងក្រុងប៉ោយប៉ែត ដោយសារមានសម្រាម ហូរចូលប្រព័ន្ធលូ ទើបមានការកកស្ទះ ទៅជាបែបនេះ។ ក្នុងថ្ងៃចូលរួមសម្អាត បរិស្ថាន និងអនាម័យ នេះផងដែរ លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែត ក៏បានសំណូម ពរដល់ក្រុមហ៊ុនអនាម័យ ត្រូវយកសម្រាមតាមមុខផ្ទះ ពលរដ្ឋ អោយបានទៀងទាត់ ជាពិសេសក្រុមហ៊ុនដឹកដី មេត្តាគ្របស្បៃអោយបានត្រឹមត្រូវ ដើម្បីការពារដីជ្រុះ ឬដីហុយ និង បងប្អូនប្រជាពល សូមមេត្តាជួយថែរក្សារ បរិស្ថាន និង អនាម័យ តាមមុខផ្ទះ សម្បែង រាងៗខ្លួន ត្រូវវិចខ្ចប់សម្រាម ទុកដាក់អោយបានត្រឹមត្រូវ មុននឹងចេញទៅប្រកបអាជីវកម្មលក់ដូរ រកស៊ី គឺធ្វើដើម្បីមុខផ្ទះយើងស្អាត និងដើម្បីទីក្រុងប៉ោយប៉ែត ទាំងមូលស្អាតផងដែល ដើម្បីប្រកួតប្រជែង ជាមួយ ស្រុកអារ័ញ្ញ ប្រទេសថៃ៕