ព័តមានទាន់ហេតុការណ៍ អាជ្ញាធរខេត្តស្ទឹងត្រែង បានចេញសេចក្តីប្រកាស់ជាបន្ទាន់ ស្របពេលដែល ប្រទេសឡាវ បាក់ទំនប់ វារីអគ្គិសនី បង្កការធ្លាយទឹកលិចលង់ បានហូរចូលមកដល់ព្រំដែន កម្ពុជា នាព្រឹកថ្ងៃនេះហើយ..!!!
ខេត្តស្ទឹងត្រែង៖
ទឹកជំនន់ដែលហូរចេញពីប្រទេសឡាវ បានហូរចូល លិចដល់តំបន់មួយចំនួន នៅព្រំដែនកម្ពុជាហើយ មកទល់ថ្ងៃនេះ ត្រូវនិងថ្ងៃទី ២៥ ខែកក្កដា ឆ្នាំ ២០១៨ នេះ,ទឹកជំនន់ដែលហូរចេញពីការបាក់ទំនប់ វារីអគ្គិសនី ក្នុងខេត្ត Attapeu (អាត់តាពឺ) ប្រទេសឡាវ បានមកដល់ព្រំដែនប្រទេសកម្ពុជាជាបណ្តើរៗហើយ និងបានលិចចូលតំបន់មួយចំនួន នៅក្នុងឃុំថ្មកែវ ឃុំសន្តិភាព និងឃុំសេកុង នៃស្រុកសៀមប៉ាង ខេត្តស្ទឹងត្រែង។
ជាមួយគ្នានេះដែល ទឹកទន្លេសេកុង ក៏បានហក់ឡើងដល់កម្ពស់ ១១,៣០ ម (កម្រិតប្រកាសឱ្យប្រុងប្រយ័ត្នមានកម្ពស់ ១១,៥០ ម) អាជ្ញាធរខេត្ត បាននិងកំពុងជម្លៀសបងប្អូនប្រជាពលរដ្ឋ ទៅកាន់ទីទួលមានសុវត្ថិភាព ។
គឺដោយសារតែប្រទេសឡាវ មានភ្លៀងធ្លាក់រយៈពេល១០ថ្ងៃជាងនេះ បង្កអោយបាក់ទំនប់ វារីអគ្គិសនី នៅប្រទេសឡាវ ស្លាប់អស់មនុស្សជាច្រើននាក់ និហជាង១០០នាក់ទៀតត្រូវបានបាត់ខ្លួន និងសត្វពាហនៈងាប់ជាច្រើនក្បាល ចំណែកទ្រព្យសម្បត្តិ រងការខូចខាតនិងបាត់បង់អស់ជាច្រើនផងដែល។
អាជ្ញាធរប្រទេសឡាវ បានអោយដឹងថា៖កាលពីថ្ងៃអង្គារ៍ ទី២៤ ខែកក្កដា ឆ្នាំ២០១៨ នេះ, មានមនុស្សមួយចំនួនត្រូវបាត់បង់ជីវិត និងប្រមាណជាង១០០នាក់ ត្រូវបានបាត់ខ្លួន។ បន្ទាប់ពី មានការបាក់ទំនប់វារីអគ្គិសនី មួយកន្លែង ឬដួលរលំ នៅខេត្ត Attapeu (អាត់តាពឺ) ភាគអាគ្នេយ៍ ប្រទេសឡាវ ។
ទំនប់វារីអគ្គិសនី ខាងលើនេះ មានទីតាំងនៅជាប់ព្រំដែន ខេត្តស្ទឹងត្រែង និងខេត្តរតនគិរី ភាគឦសាន ននៃប្រទេសកម្ពុជា
នេះបើតាមសារព័ត៌មាន ក្នុងស្រុកចុះផ្សាយ នៅល្ងាចថ្ងៃអង្គារ៍ ទី២៤ ខែកក្កដា ឆ្នាំ២០១៨ នេះ៕ ព័ត៌មាននឋម