ខេត្តព្រះសីហនុ៖ កម្លាំងមន្ទីរយុត្តិធម៌កងរាជអាវុធហត្ថ ខេត្តព្រះសីហនុ ឃាត់ខ្លួនជនសង្ស័យ កាលពីថ្ងៃទី២៥ ខែកក្កដា ឆ្នាំ២០១៨ ឈ្មោះ ឈឹម សុផាត ភេទប្រុស អាយុ៥២ឆ្នាំ មុខរបរប្រធានស្នាក់ការអង្គការការពារធនធានធម្មជាតិ និង អភិរក្សជីវសាស្រ្តចម្រុះ ប្រចាំខេត្តព្រះសីហនុ មានទីលំនៅ ភូមិ គគីរ ឃុំបិតត្រាង ស្រុកព្រៃនប់ ខេត្តព្រះសី ហនុ។ នៅវេលាម៉ោង០២ និង ៣០នាទី រសៀល ថ្ងៃទី២៦ ខែកក្កដា ឆ្នាំ២០១៨។ បើតាមប្រភព ពីកម្លាំងកងរាជអាវុធហត្ថខេត្តបានអោយដឹងថា៖ ជនសង្ស័យជាប់ពាក់ព័ន្ធបទល្មើស ប្រើប្រាស់ឯកសណ្ឋាន ជាអាទិ៍ដែលមានភាព ប្រហាក់ប្រហែលគ្នា នឹងនគរបាល ឬយោធា។ ក្នុង(មាត្រាទី៦១៦)និងបទប្រើប្រាស់អត្តសញ្ញាណ ខុសពីអត្តសញ្ញាណផ្លូវការ ក្នុងកិច្ចសាធារណៈ(មាត្រាទី៦២១)និងបទប្រើប្រាស់ឯកសារសាធារណៈក្លែងបន្លំ (មាត្រាទី៦៣០)។ កម្លាំងអាវុធហត្ថដកហូតវត្ថុ តាងរួមមាន រថយន្ត ម៉ាក Lexus RX400 ចំនួន០១ គ្រឿង ពណ៌ស ពាក់ស្លាកលេខសារព័ត៌មានស្នាតី៧មករាអមតៈ2K-0667 ទី២- ឯកសណ្ឋានក្លែងបន្លំចំនួន០១ សម្រាប់ ទី៣-មួកក្លែងបន្លំចំនួន០២ ទី៤-ស្លាកឈ្មោះឧត្តមសេនីយ៍ចំនួន០១សន្លឹក ទី៥-ប័ណ្ណព័ត៌មានចំនួន០៦សន្លឹក និងទី៦-លិខិតតែងតាំងឯកឧត្តមឈឹម.សុផាតចំនួន០១សន្លឹក។ បច្ចុប្បន្ន ជនសង្ស័យ រួមនិងវត្ថុតាង ត្រូវបានកម្លាំងអាវុធហត្ថ យកមកសាកសួរ និងកសាងសុំណុំរឿង តាមនីតិវិធី៕