ខេត្តបន្ទាយមានជ័យ៖ ជនសង្ស័យដែលដេញកាប់ជនរងគ្រោះរហូតដល់រថយន្តកិនស្លាប់ នៅមុខវត្តអូរខៃដន ក្រុងប៉ោយប៉ែត ត្រូវបានអាវុធហត្ថចាប់ខ្លួនបានហើយ រួមទាំងនិងវត្ថុតាង កាំបិត និងត្រូវបញ្ជូនខ្លួនជនសង្ស័យ ទាំង០៣នាក់ ទៅទីបញ្ជាការដ្ឋានកងរាជអា វុធហត្ថខេត្តបន្ទាយមានជ័យ ចាត់ការបន្តនៅរសៀលថ្ងៃទី២៦ ខែកក្តដា ឆ្នាំ ២០១៨ នេះ។ ដោយមានការយកចិត្តទុកដាក់ពីលោកឧត្តមសេនីយ៍ត្រី បោន ប៊ិន មេបញ្ចាការកងរាជអាវុធហត្ថខេត្តបន្ទាយមានជ័យ បានជំរុញ និងដាក់បទបញ្ជា អោយលោក នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត ខិតខំស្រាវជ្រាវ រហូតឈានដល់ការឃាត់ខ្លួនជនសង្ស័យ បានចំនួន០៣នាក់ ក្នុងចំណោមបក្ខពួក០៦នាក់ ដែលជាក្រុមបង្កដេញកាប់ជនរងគ្រោះ បណ្តាលអោយជនរង គ្រោះ ភ័យលោតចុះពីលើម៉ូតូត្រូវ រថយន្តកិនស្លាប់ និងរបួសស្រាលម្នាក់ កាលពីថ្ងៃទី២២ កន្លងទៅថ្មីៗនេះ។ កម្លាំងជំនាញអាវុធហត្ថក្រុងប៉ោយប៉ែត ប្រាប់សារព័ត៌មានយើងខ្ញុំអោយដឹងដែលថា៖ ជនសង្ស័យមានឈ្មោះដូចខាងក្រោម: ១-ឈ្មោះយួន ឡុងម៉ា ភេទប្រុស អាយុ ២៤ឆ្នាំ ភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ ២-ឈ្មោះ ស្រ៊ុន តេងរៈ ភេទប្រុស អាយុ ១៨ឆ្នាំ ៣-ជនសង្ស័យឈ្មោះ សាង ហង ភេទប្រុស អាយុ ១៧ឆ្នាំ ជនសង្ស័យទី២និង៣ រស់នៅភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ។ ដកហូតវត្ថុតាងរួមាន តូម៉ាក MSX ពណ៌ខៀវ ចំនួន ០១គ្រឿង កាំបិតប៉ាំងតោ១ដើម កាំបិតផ្គាក់ធំដងដែក ប្រវែង ៤៨ស.ម ចំនួន ០១ដើម កាំបិតឆ្នៃ គ្មានដង ប្រវែង ៥៦ស.ម ចំនួន០១ដើម បំពង់កែវ (សម្រាប់ជក់គ្រឿងញៀន) ០១ កំណាត់ បំពង់ទុយោជ័រ (សម្រាប់ជក់គ្រឿងញៀន) ០១ កំណាត់ ម៉ាស៊ីនសម្រាប់កម្ដៅ ហ្ស៊ីសា ០១ដើម។ អាវុធហត្ថដ៏ដែលបានបញ្ជាក់ថា៖ ជនសង្ស័យទាំង០៣ នាក់ ដែលឃាត់ខ្លួន រួម និង បក្ខពួក ០៣នាក់ផ្សេងទៀត បានធ្វើសកម្មភាពដេញកាប់ ជនរងគ្រោះឈ្មោះ សាល ចាន់សំណាង ភ័យលោតចុះពីលើម៉ូតូ ត្រូវរថយន្តកិនស្លាប់នៅនឹងកន្លែងកើតហេតុ ចំណែកឯជនរងគ្រោះឈ្មោះ វឿង ធារុន ហៅយួន បានរងរបួសស្រាល កាលពីយប់ថ្ងៃទី២២ ខែកក្កដា ឆ្នាំ២០១៨ នៅចំណុច ក្លោងទ្វារវត្តអូរខៃដន ស្ថិតក្នុងភូមិកូនដំរី សង្កាត់និមិត្ត ក្រុងប៉ោយ ប៉ែត៕