ក្រុងប៉ោយប៉ែតៈ គ្រោះថ្នាក់ចរាចរណ៍ដ៏រន្ធត់ បុរសវ័យក្មេង ម្នាក់ស្លាប់ក្នុងថ្លក់ឈាម ទាំងព្រឹកព្រលឹម...!!!
ខេត្តបន្ទាយមានជ័យ៖ ក្រុងប៉ោយប៉ែត: គ្រោះថ្នាក់ចរាចរណ៍ដ៏រន្ធត់ រវាងម៉ូតូនិងរថយន្តបានកើតឡើងនៅចំណុច ភូមិបាលិលេយ្យ១ សង្កាត់ និង ក្រុងប៉ោយប៉ែត បណ្តាលអោយបុរសម្នាក់ស្លាប់ភ្លាមៗ នៅក្នុងថ្លក់ឈាម ហេតុការណ៍នេះបានកើយឡើង នៅវេលាម៉ោង៥ និង១៥នាទី ព្រឹកថ្ងៃទី១៥កើត ឆ្នាំច ទុតិយាសាឍ ព.ស ២៥៦២ ត្រូវនឹងថ្ងៃទី២៧ ខែកក្កដា ឆ្នាំ ២០១៨។
បើយោងតាមប្រភពពីប្រជាពលរដ្ឋ នៅក្បែរកន្លែងកើតហេតុ បានអោយដឹងថា៖ មានរថយន្ត១គ្រឿងដែលមិនស្គាល់ម៉ាក បានបើកបុក ម៉ូតូ ហុងដាឌ្រីមC125 បើកបរម្នាក់ឯង លុះមកដល់ចំណុចកើតហេតុ ស្ថិតនៅខាងជើងផ្សារត្រី ត្រូវបានរថយន្តមិនស្គាល់ម៉ាក បើកគារម៉ូតូ ជនរងគ្រោះ បណ្តាលអោយដួលបោកក្បាលផ្កាប់មុច ទៅលើថ្នល់បេតុង បែកក្បាល ស្លាប់ភ្លាមៗនៅនិងកន្លែងកើត ហេតុខាងលើនោះ។
គូបញ្ជាក់ផងដែលថា៖ គ្រោះថ្នាក់ចរាចរណ៍នៅចំណុច ខាងជើងផ្សារត្រីចំងាយប្រហែលជាង១០០ម៉ែត្រ ត្រង់ចំនុចផ្លូវបំបែកជាបួន។ បើតាមពលរដ្ឋដែលនៅកន្លែង កើតហេតុបានឱ្យដឹងថា៖ ជនរងគ្រោះម្នាក់នេះមាន ឈ្មោះ ហេង ភេទប្រុស អាយុ២២ឆ្នាំ ម៉ូតូមានស្លាកលេខ បន្ទាយមានជ័យ 1D.3489 ក្នុងគោលបំណង ទៅយកប្រពន្ធ ចេញមកពីធ្វើការ ដឹកមកដើម្បីដង្ហែរបក្ស ព្រោះថ្ងៃនេះគឺជាថ្ងៃចុងក្រោយ នៃការឃោសនា បោះឆ្នោត
រីឯម្ចាស់រថយន្តបង្ក បានបើករថយន្តគេចខ្លួនបាត់ស្រមោលឈឹង តែម្តង នេះបើយោងពីសមត្ថកិច្ច បានអោយដឹថា៖ ក្នុងហេតុការណ៍នេះដែល ម៉ូតូរងការខូចខាតធ្ងន់ ត្រូវយកមករក្សាទុកនៅអធិការដ្ឋានក្រុងប៉ោយប៉ែត ចំណែក សពជនរងគ្រោះ ត្រូវបានសាច់ញាតិ យកទៅធ្វើបុណ្យតាមប្រពៃណី៕