យុវជន៤នាក់ បានយកគ្រាប់បែកដៃមួយគ្រាប់ចូលក្នុងការិយាល័យបោះឆ្នោតលេខ០៣១៧...!!!
ព្រះវិហារ ៖ យុវជន៤នាក់ បានយកគ្រាប់បែកដៃមួយគ្រាប់ចូលក្នុងការិយាល័យបោះឆ្នោតលេខ០៣១៧ ស្ថិតនៅក្នុងសាលា រៀនចំរើនផល ភូមិចំរើនផល ឃុំឈានមុខ ស្រុកត្បែងមានជ័យ ខេត្តព្រះវិហារ នៅម៉ោង៧យប់ ថ្ងៃទី២៧ ខែកក្កដា ឆ្នាំ២០១៨។ ត្រូវបានកម្លាំងសន្តិសុខការពារនៅទីនោះឃាត់ខ្លួន រួចបញ្ជូនទៅកាន់ប៉ុស្តិ៍ធ្វើការសាកសួរ និងកសាងសំណុំរឿងចាត់ការតាមនីតិវិធីច្បាប់។
សមត្ថកិច្ចបានឱ្យដឹងថា៖ យុវជនទាំង៤នោះ ១.ឈ្មោះ យូ វ៉ាន់លុច ភេទប្រុស អាយុ២២ឆ្នាំ២.ឈ្មោះ រួម ហុច ភេទប្រុស អាយុ២៤ឆ្នាំ, ៣.ឈ្មោះ សំ វិតសុផា ភេទប្រុស អាយុ២៤ឆ្នាំ និង៤.ឈ្មោះ ជន យ៉ារិត ភេទប្រុស អាយុ១៧ឆ្នាំ អ្នកទាំង៤មានទីលំនៅភូមិចំរើនផលជាមួយគ្នា។ សមត្ថកិច្ច បានដកហូតគ្រាប់បែកដៃក្រឡាទៀបផលិតនៅសហភាពសូវៀត១គ្រាប់ និងម៉ូតូ២គ្រឿង។
ជុំវិញករណីខាងលើនេះ សមត្ថកិច្ចមិនទាន់បានបញ្ជាក់ពីគោលបំណងនៃការនាំយកគ្រាប់បែកចូលក្នុងការិយាល័យបោះឆ្នោតរបស់យុវជនទាំង៤នោះនៅឡើយទេ ដោយរង់ចាំការសាកសួរ និងស្រាវជ្រាវបន្តទៀត៕