យុវជន វ័យក្មេង០២នាក់ ក្រោយចេញពីផឹកស៊ី រាំរែក ស្រវឹងស្រារ ជិះម៉ូតូមិនប្រយ័ត្ន ជ្រុលទៅបុក ឃឿនពុះចែកទ្រូងផ្លូវ បែកក្បាលស្លាប់ទាំង២នាក់ភ្លាមៗ...!!!
រាជធានីភ្នំពេញ៖ យុវជនប្រុសស្រី វ័យក្មេង០២នាក់ បានស្លាប់ក្នុងថ្លុកឈាម បន្ទាប់ពីពួកគេ ជិះម៉ូតូឌុបគ្នា ក្រោយចេញពីផឹកសុីរាំលេងសប្បាយ ក្នុងក្លឹបពេលរាត្រី បំណងទៅផ្ទះវិញ ដោយជិះក្នុងល្បឿនលឿន មិនប្រយ័ត្ន ក៍ជ្រុលបុកឃឿន ពុះចែកទ្រូងផ្លូវ ពេញទំហឹង បណ្តាយអោយបែកក្បាលស្លាប់ទាំង២នាក់ភ្លាមៗ នៅនិងកន្លែងកើតហេតុកាលពីវេលាម៉ោង០២និង១៥នាទី រំលងអធ្រាត្រ ឈានចូលថ្ងៃទី៣ ខែកក្កដា ឆ្នាំ២០១៨។ នៅចំណុចមុខ កងរាជអាវុធហត្ថរាជធានី តាមបណ្តោយផ្លូវ វេងស្រេង សង្កាត់ស្ទឹងមានជ័យ១ ខណ្ឌមានជ័យ។
សមត្ថកិច្ចបានប្រាប់សារព័ត៌មានថា៖ ជនរងគ្រោះទី១-ឈ្មោះ ហាន់ ណា ភេទស្រី អាយុ១៩ឆ្នាំ មុខរបរនៅផ្ទះ ស្នាក់នៅភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។ ទី២-ឈ្មោះ ហាន់ ហៃ ភេទប្រុស អាយុ២០ឆ្នាំ មុខរបរ បុគ្គលិកចាក់សាំង នៅសង្កាត់ចោមចៅទី១ ខណ្ឌពោធិ៍សែនជ័យ, មានស្រុកកំណើត នៅខេត្តកោះកុង, ជិះម៉ូតូម៉ាក Lastast ពណ៌ទឹកប្រាក់ ពាក់ស្លាកលេខភ្នំពេញ1FO 7731 ។
ប្រភពបញ្ជាក់ទៀតថា៖ មុនពេលកើតហេតុ ពួកគាត់មានគ្នា៤នាក់ (ស្រី២នាក់) ជិះម៉ូតូ២គ្រឿង បាននាំគ្នា ទៅរាំលេង ក្នុងក្លឹបរីវឡាញ ខណៈរាំលេងចប់ ក៏ជិះម៉ូតូ ឌុបគ្នា បំណងទៅផ្ទះវិញ ដោយធ្វើដំណើរតាម បណ្តោយផ្លូវ មុន្នីរ៉េត ហើយបានបត់មកផ្លូវ វេងស្រេង ដោយក្នុងល្បឿនលឿន ដោយសារ ផ្លូវមានស្ថានភាពកោងហើយមិនបន្ថយ ល្បឿន ទើបជ្រុលទៅបុកឃឿន ពុះចែកទ្រូងផ្លូវ បណ្តាលឱ្យបោកក្បាល ស្លាប់ទាំង២នាក់ ភ្លាមៗនៅកន្លែងកើតហេតុ។
ក្រោយពេលកើតហេតុ សមត្ថកិច្ច បានចុះមកដល់ និង ជួយយកសពទៅតម្កល់ទុកនៅវត្ត ទឹកថ្លា រងចាំបងប្អូន មកទទួលសព យកទៅធ្វើបុណ្យ តាមប្រពៃណី ។ ចំណែកម៉ូតូ ត្រូវបានសមត្ថកិច្ច យកទៅរក្សាទុក រងចាំសាច់ញាតិ យកឯកសារ មកទទួលយកទៅវិញ៕