ចោរស្ទើភ្លើង លួចម៉ូតូ០១គ្រឿង បំរ៉ុងយកទៅតាម បណ្តខេត្ត ត្រូវបានសមត្ថកិច្ចសហការគ្នា ស្ទាក់ចាប់វាយខ្នោះ...!!!
ខេត្តកោះកុង ៖ កម្លាំងអធិការក្រុងបានទទួលបានពាក្យបណ្តឹងពីពលរដ្ឋម្នាក់មានឈ្មោះ វណ្ណ សុខគង់ ភេទប្រុស អាយុ៣៨ឆ្នាំ ថា៖ ខ្លួនបានបាត់ម៉ូតូ១គ្រឿងម៉ាក ស្គុបពីអាយ សេរីឆ្នាំ២០១៣ ព័ណទឹកដោះគោ គ្មានស្លាកលេខ នៅត្រង់ចំនុចភូមិ១ សង្កាត់ដងទង់ ក្រុងខេមរភូមិន្ទ ខេត្តកោះកុង ។
នៅវេលាម៉ោង៨និង១០នាទីព្រឹក ថ្ងៃទី៣ ខែកក្កដា ឆ្នាំ២០១៨ សមត្ថកិច្ចក្រុងខេមរភូមិន្ទ បានអោយដឹងថា៖ បន្ទាប់ពីទទួលបានពាក្យបណ្តឹងពីជនរងគ្រោះរួចមក សមត្ថកិច្ចនគបាលក្រុងខេមរភូមិន្ទ ក៏បានសហការជាមួយសមត្ថកិច្ចប៉ូលីស ស្រុកបុទុមសាគរចេញប្រតិបត្តិការ រហូតដល់ម៉ោង១១និង ១៥នាទីព្រឹក ថ្ងៃដ៏ដែល ទើបធ្វើការស្ទាក់ចាប់បានជនសង្ស័យម្នាក់ ឈ្មោះ យន់ បូណា ភេទប្រុស អាយុ៣២ឆ្នាំ មានមុខរបរមិនពិតប្រាកដ មានទីលំនៅភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង និងដកហូតបានវត្ថុតាងជាក់ស្តែងម៉ូតូ១គ្រឿង។
ប្រភពខាងលើបានអោយដឹងទៀតថា៖សមត្ថកិច្ចចុះប្រតិបត្តិការត្រង់ចំនុចភូមិជីមាល ឃុំអណ្តូងទឹក ស្រុកបុទុមសាគរ ខេត្តកោះកុង
ក្រោយការឃាត់ខ្លួន សមត្ថកិច្ចក្រុងនិងប៉ូលីសស្រុកបុទុមសាគរ បានធ្វើការប្រគល់ជនសង្ស័យ និង វត្ថុតាង មកអោយកម្លាំងសមត្ថកិច្ចប៉ូលីស ក្រុងខេមរភូមិន្ទ ចាត់ការទៅតាមផ្លូវច្បាប់ ៕