សន្លប់ឈឹង! បុរសម្នាក់បើកបរក្នុងល្បឿនលឿន ក្នុងគោល ដៅពីត្បូងទៅជើង ខណៈធ្លាក់ក្រឡុក ជ្រុលទៅបុកពីក្រោយរថយន្ត២៤កៅអី...!!!
បន្ទាយមានជ័យ៖ ក្រុងប៉ោយប៉ែតៈ ករណីគ្រោះថ្នាក់ចរាចរបង្កឡើងដោយខ្លួននេះ បានបង្កការភ្ញាក់ផ្អើលដល់ប្រជាពលរដ្ឋកំពុងធ្វើដំណើរឆ្លងកាត់ទីនោះ ផ្អើលចោមរោម ឈូរឆ ខណៈបុរសម្នាក់បើកបរម៉ូតូ បោះពួយល្បឿនលឿនពេក ធ្លាក់ក្រឡុក ក៏រ៉េចង្កូតជ្រុលទៅបុកពីក្រោយរថយន្ត ២៤ កៅអី ដឹកបុគ្គ លិកចិន ក្រុមហ៊ុនកាស៊ីណូហ្គ្រែនធីង ពាក់ស្លាកលេខ ភ្នំពេញ 3E 3118 បណ្តាលអោយបែកក្បាលរងរបួសធ្ងន់ សន្លប់ស្តូកស្តឹង មិនដឹងខ្លួន កាលពីវេលាម៉ោង០៩ និង ៣៥ នាទីព្រឹក ថ្ងៃទី០៧ ខែកក្កដា ឆ្នាំ២០១៨នេះ ស្ថិតក្នុងបរិវេណកាស៊ីណូផ្កាយ៥ ក្នុងភូមិក្បាលស្ពាន១ សង្កាត់ និង ក្រុងប៉ោយប៉ែត។
ជនរងគ្រោះមានឈ្មោះ ហ៊ុយ សាវី ភេទប្រុស អាយុ ២២ឆ្នាំ ទីលំនៅភូមិអូរខ្ជាយ ឃុំវត្តតាមិម ស្រុកសង្កែ ខេត្តបាត់ដំបង។ មុនពេលកើតហេតុ សាក្សីបានប្រាប់សារព័ត៌មានអោយដឹងថា៖ បានឃើញជនរង គ្រោះជិះម៉ូតូម៉ាកឌ្រីម ស៊េរីឆ្នាំ២០១៣ ពណ៌ក្រហម ពាក់ស្លាកលេខ បាត់ដំបង1M 5984 បើកបរក្នុងទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ក៏បានបុកពីក្រោយរថយន្ត២៤ កៅអី ដឹកបុគ្គលិកចិន បណ្តាលអោយជនរងគ្រោះបែកក្បាលរងបួសធ្ងន់។
ក្រោយកើតហេតុសមត្ថកិច្ចធ្វើការវាស់វែង និងធ្វើអន្តរាគមន៍ ហៅរថយន្តសង្គ្រោះដឹកជនរងគ្រោះទៅព្យាបាលនៅមន្ទីរពេទ្យបង្អែកប៉ោយប៉ែត២ដីថ្មី ចំណែករថយន្ត និងម៉ូតូត្រូវបានសមត្ថកិច្ចជំនាញ យកទៅរក្សាទុកនៅអធិការដ្ឋាននគរបាលក្រុងប៉ោយប៉ែត រង់ចាំការដោះស្រាយនៅពេលក្រោយ៕