ទំនាស់ពាក្យសំដី ផ្ទុះទៅជាហិង្សា បណ្តាលអោយបុរសម្នាក់របួសធ្ងន់.!!!
ភ្នំពេញ៖ ទំនាសពាក្យសំដីបានផ្ទុះជាហិង្សា បុរសម្នាក់ ត្រូវគូទំនាស់ប្រុសស្រី២នាក់ ព្រួតគ្នាយកកាំបិតតាំងតោ និងដែកបំពង់ទីបកាប់ និងវាយបណ្តាលឱ្យរបួសធ្ងន់ កាលវេម៉ោង ជាង១១ព្រឹក ថ្ងៃទី៦ ខែកក្កដា ឆ្នាំ២០១៨ នៅចំណុចផ្ទះគ្មានលេខ ក្រុម៦ភូមិខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។
សមត្ថកិច្ចបានឱ្យដឹងថា៖ ជនរងគ្រោះឈ្មោះទ្បោះ ហ្វាហ្សី អាយុ៣៨ឆ្នាំ ជនជាតិខ្មែរ-ឥស្លាម មានទីលំនៅនៅកន្លែងកើតហេតុ រងរងរបួសចំក្បាលធ្ងន់ បានបញ្ជូនទៅព្យាបាលនៅមន្ទីរពេទ្យកាល់ម៉ែត្រ។ ចំណែកជន សង្ស័យ មានគ្នា២នាក់ ឈ្មោះ ស្លេះ យូសុះ ភេទប្រុស អាយុ៣៤ឆ្នាំ ជនជាតិខ្មែរ-ឥស្លាម មានទីលំនៅ ក្រុម៨ ភូមិក សង្កាត់ច្រាំងចំរេះ២ ខណ្ឌឫស្សីកែវ មុខរបរលក់ដូរ (សមត្ថកិច្ចឃាត់ខ្លួន) និង ឈ្មោះ ទ្បោះ សំរ៉ស់ ភេទស្រី អាយុ ២៧ឆ្នាំ ជនជាតិខ្មែរ-ឥស្លាម មានទីលំនៅក្រុម៨ ភូមិក សង្កាត់ច្រាំងចំរេះ២, មុខរបរលក់ដូរ (សមត្ថកិច្ចឃាត់ខ្លួន)។
មុនពេលកើតហេតុ ជនសង្ស័យ និងជនរង គ្រោះ ទំនាស់ពាក្យសំដីនឹងគ្នា ធ្វើឱ្យជន សង្ស័យយកតាំងតោ និងដែកបំពង់ទីបវាយទៅលើជនរងគ្រោះ បណ្តាលឱ្យរងរបួសធ្ងន់។ ក្រោយពេលកើតហេតុរួច សមត្ថកិច្ចចុះទៅអត្តរាគមន៍ភ្លាមៗ បញ្ជូនជនរងគ្រោះទៅព្យាបាលនៅមន្ទីរពេទ្យកាល់ម៉ែត្រ និងឃាត់ ខ្លួនជនសង្ស័យ យកទៅសាកសួរ ដើម្បីដោះស្រាយតាមផ្លូវច្បាប់៕