ពលករខ្មែរ០២នាក់ ប្តីប្រពន្ធ ត្រូវរថយន្តបុកស្លាប់ ក្នុហថ្លុកឈាម នៅឯប្រទេសថៃ...
ខេត្តសារៈបុរី៖ ប្រទេសថៃៈពលករខ្មែរចំនួន២នាក់ ដែលត្រូវ ជាប្តី ប្រពន្ធ នឹងគ្នាដែលបានចូលទៅរស់នៅឯប្រទេសថៃ ត្រូវបានជួបនឹងឧប្បទ្ទវហេតុ គ្រោះថ្នាក់ចរាចរណ៍បណ្តាលអោយស្លាប់ទាំង០២នាក់ យ៉ាងអាណោចអាធ័ម ក្នុងថ្លុកឈាម ខណៈដែលពួកគេទាំង០២នាក់ កំពុងជិះម៉ូតូ ស្រាប់តែរថយន្តបង្ក បានរេចង្កូត មកបុកយ៉ាងពេញទំហឹងតែម្តង។ ហេតុការណ៍នេះបានកើតឡើងកាលពីវេលាម៉ោង ៦ និង ៣០ នាទី ល្ងាច ថ្ងៃទី ៣១ខែកក្កដា ឆ្នាំ២០១៨។
លើកំណាត់ផ្លូវឡុំសាក់ចន្លោះបង្គោលគីឡូម៉ែត្រលេខ៨-៩ ត្រង់ចំណុចផ្លូវចូលទៅក្រុមហ៊ុនណាំហេង ស្ថិតក្នុងឃុំកុខាំចាន ស្រុកប្រាក់យុទ្ធបាទ ខេត្តសារៈបុរី ប្រទេសថៃ បើតាមប្រភពព័ត៌មាន ដែលផ្តល់មក គឺនៅ ពេលកើតហេតុនោះ មានរថយន្តមួយគ្រឿងម៉ាកអុីស៊ុយស៊ុយឌីមេកព៌ណខ្មៅ ពាក់ស្លាកលេខឈៀងរ៉ាយ 2610 បានរេទៅបុកនឹងម៉ូតូមួយគ្រឿងម៉ាកហុងដាវេវ សេ100 ពាក់ស្លាកលេខ បុរីរុាំ1940 ធ្វើអោយអ្នកបើកបរម៉ូតូ និងអ្នករួមដំណើរស្លាប់ទាំង២នាក់ភ្លាមៗនៅនឹងកន្លែងកើតហេតុតែម្តង បើតាមប្រភពមួយ ចំនួន បាននិយាយថា៖ ពួកគេទាំង២នាក់ ជាពលករខ្មែរ ដែលឆ្លងដែនចូលទៅធ្វើការនៅក្នុងប្រទេសថៃ ដោយស្របច្បាប់ និង ត្រូវជាប្តី ប្រពន្ធ និង គ្នា ប៉ុន្តែពុំមានប្រភពណាមួយអះអាងថា៖ ជាអ្នករស់នៅក្នុងខេត្តណា នៃប្រទេសកម្ពុជាឡើយ ជនរងគ្រោះទាំងពីរនាក់ទី១-មានឈ្មោះ ឈឿប ម៉ៅ អាយុ៣៧ឆ្នាំ ( ជាប្តី )ទី២-ប្រពន្ធ ឈ្មោះ ជឿន ចាន់ណែត អាយុ២២ឆ្នាំ ។ បច្ចុប្បន្នសមត្ថកិច្ចថៃបានរក្សាសពទុក ដើម្បីស្រាវជ្រាវរកក្រុមគ្រួសារសាច់ ញាតិ ដើម្បីបញ្ជូនសពមកកាន់ប្រទេសកម្ពុជាវិញ៕