សមត្ថកិច្ច ឃាត់ខ្លួនជនសង្ស័យបានចំនួន ០៣នាក់ ពាក់ព័ន្ទជួញដូរ គ្រឿងញៀន..!!!
ខេត្តកំពត៖ ជនសង្ស័យចំនួន០៣នាក់ ត្រូវបានសមត្ថកិច្ចខេត្តកំពត សហការជាមួយសមត្ថកិច្ចខេត្តតកែវ ឃាត់ខ្លួនបាន កាលពីរសៀល ថ្ងៃទី១០ ខែសីហា ឆ្នាំ២០១៨ ខណៈពួកគេបានជួញដូរ និងប្រើប្រាស់គ្រឿងញៀននៅចំណុចភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ។
សមត្ថកិច្ច ឃាត់ខ្លួនជនសង្ស័យបាន នឹង ដកហូត វត្ថុតាង ថ្នាំញៀនចំនួន១៥ កញ្ចប់
ស្មើនិង (១កញ្ចប់ធំ)ផងដែរ។ ជុំវិញករណីបង្ក្រាប ជនសង្ស័យជួញដូរគ្រឿងញៀន និងប្រើប្រាស់ថ្មាំញៀន ខាងលើ សមត្ថកិច្ចខេត្តកំពត បានបញ្ជាក់ថា៖ ដោយមានកិច្ចសហការ ល្អៗ រវាងសម្ថកិច្ច នៃខេត្តទាំងពីរ ទើបសមត្ថកិច្ច បានពន្លាតដែនដី សមត្ថកិច្ច ហើយចេញប្រតិបតិ្តការ ឈានដល់ការឃាត់ ខ្លួនជនសង្ស័យបានជាបន្តបន្ទាប់តែម្តង។
សមត្ថកិច្ចបានអោយដឹងទៀតថា៖ ជនសង្ស័យជួញដូរ និងប្រើប្រាស់គ្រឿងញៀនទាំងបីនាក់ខាងលើរួមមាន៖ ទី១-ឈ្មោះ មើន ញ៉ាញ់ ភេទប្រុស អាយុ២៧ឆ្នាំ រស់នៅភូមិយាយឡ ឃុំ-ស្រុកត្រាំកក់ ខេត្តតាកែវ។ទី២-ឈ្មោះ ជ័យ សាវុធ ភេទប្រុស អាយុ៥០ឆ្នាំ រស់នៅភូមិដើមពោធិ៍ ឃុំចំបីុ ស្រុកអង្គរជ័យ ខេត្តកំពត។ និងទី៣-ឈ្មោះ ចេន ពិសិដ្ឋ ភេទប្រុស អាយុ១៦ឆ្នាំ មានទីលំនៅភូមិត្រាំងរំពាក់ ឃុំត្រាំកក់ ខេត្តតាកែវ។ បច្ចុប្បន្នជនសង្ស័យទាំងបីនាក់ រួមទាំងវត្ថុតាង ថ្នាំញៀន ត្រូវបានកម្លាំងនគរបាលជំនាញ កំពុងកសាងសំណុំរឿងដើម្បីអនុវត្តតាមនីតិវិធី៕