សមត្ថកិច្ច ឃាត់ខ្លួនជនសង្ស័យ ៤នាក់ ក្នុងករណី ដុតផ្ទះសម្លាប់មួយគ្រួសារ ក្នុងស្រុកចិត្តបុរី...!!!
ខេត្តក្រចេះ៖ក្រោយពីមាន ករណីឃាត់កម្មសម្លាប់ មួយគ្រួសារនឹង ដុតបំផ្លាញផ្ទះនៅ ក្នុងស្រុកចិត្របុរី ខេត្តក្រចេះកាល ពីថ្ងៃទី០៩ ខែសីហា កន្លងទៅថ្មីៗនេះ ឥឡូវត្រូវបាន កម្លាំងជំនាញនគរបាលព្រហ្មទណ្ឌខេត្តក្រចេះ សហការណ៍ជាមួយកម្លាំងនគរបាល ស្រុកចិត្របុរី បានកំណត់មុខសញ្ញា និង ឃាត់ខ្លួនបានជនសង្ស័យចំនួន ៤ នាក់ កាលពីថ្ងៃទី១២ ខែសីហា ឆ្នាំ២០១៨ ដោយមានការ ចូលរួមពីលោក ធុច បញ្ចៈសន្តិភាព ព្រះរាជអាជ្ញារងអមសាលាដំបូងខេត្តក្រចេះ ផងដែរ។
ជនសង្ស័យទាំង ៤នាក់ ដែលកម្លាំងជំនាញ ធ្វើការឃាត់ខ្លួន នោះមានឈ្មោះ ទី១-ឈ្មោះ ចឹក ណូ ភេទប្រុស អាយុ៥០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ។
ទី២-ឈ្មោះ ម៉ៅ ញ៉ាញ់ ភេទប្រុស អាយុ១៧ឆ្នាំ រស់នៅរាជធានីភ្នំពេញ ជាសន្តិសុខក្រុមហ៊ុនហនុមានមានរឹទ្ធ។
ទី៣-ឈ្មោះ ចឹក ម៉ៅ ភេទប្រុស អាយុ៤៦ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ។
និង៤-ឈ្មោះ ចឹក លឹមស្រេង ភេទប្រុស អាយុ២០ឆ្នាំ រស់នៅភូមិប្អៀរ ឃុំថ្មី ស្រុកចិត្របុរី ខេត្តក្រចេះ។
ជនសង្ស័យត្រូវបានសមត្ថកិច្ចនាំយកទៅសាកសួរ នៅស្នង ការនគរបាលខេត្ត ដើម្បីបំពេញនីតិវិធី ពាក់ពន្ធ័ទៅនឹងករណីឃាតកម្មខាលើនេះ។
ការឃាតខ្លួនជនសង្ស័យបានភ្លាមៗផងដែរ ខាងសមត្ថកិច្ច នៅមិនទាន់បានបញ្ជាក់ពីចម្លើយ ជនសង្ស័យទាំង ៤ នាក់នោះនៅឡើយទេ ដូច្នេះពាក់ព័ន្ធ ទៅនឹងករណីឃាតកម្មនោះ នៅមិនទាន់ដឹងពីមូលហេតុពិតប្រាកដដែរ ព្រោះសមត្ថកិច្ចកំពុងធ្វើកិច្ចការនេះ។
សូសូមបញ្ជាក់ថា៖ នៅចន្លោះម៉ោង១១យប់ ទៅម៉ោង២យប់ នៅចំណុចកោះប្រឹម ភូមិប្អៀរ ឃុំថ្មី ស្រុកចិត្របុរី ខេត្តក្រចេះ មានករណីឃាតកម្មដុតផ្ទះសម្លាប់មួយគ្រួសារចំនួន
៤នាក់ ឪពុក ម្តាយ និនិងកូនពីនាក់ ហើយសាកសពមនុស្សទាំង ៤នាក់ នេះ ត្រូវបានភ្លើងឆេះខ្លោចក្នុងគំនរផេះផង់មើលទៅគួរអោយសោកសង្រេងជាទីបំផុត៕