បុរសអ្នកបើករថយន្ត ទំនើប ម្នាក់ ត្រូវជាប់ ខ្នោះ គឺដោយសាតែដកកាំភ្លើងភ្ជង់អ្នកបើក រថយន្តស្ទូច រថយន្ត របស់ខ្លួនទៅស្នងការដ្ឋានរាជធានី...!!!
រាជធានីភ្នំពេញ ៖ បុរសម្នាក់ទំនងជាមាន បក្សពួក ខ្សែនិងខ្នងជាថ្នាក់ដឹកនាំធំៗនៅពីក្រោយខ្នងគាត់ ច្រើននាក់ ហើយមើលទៅ ទើបគាត់មិនខ្លាចរអា នឹង ច្បាប់នោះ...!!!
ជាក់ស្ដែងរថយន្ដស៊េរីទំនើប (Lexus)570 ពាក់ស្លាកលេខរដ្ឋ (07-2-8989) ទៅបុកសួន និង បង្គោលភ្លើង នៅសង្កាត់ ឫស្សីកែវ ខណ្ឌឫស្សីកែវ នាយប់ទាបភ្លឺឈានចូល ថ្ងៃទី១៥ ខែសីហា ឆ្នាំ២ ០១៨ នេះ បណ្ដាលអោយរងការខូចខាតយ៉ាងដំណំ។ ប៉ុន្ដែ អ្វីដែលហួសចិត្តនោះគឺ បុរសជាម្ចាស់រថយន្ដ រូបនោះ រួមជាមួយបក្សពួកម្នាក់ បាននាំគ្នាបើកតាមរថយន្ដស្ទូចរបស់នគរបាលចរាចរណ៍ដែល ដឹករថយន្ដរបស់ខ្លួនយទៅកាន់ការិយាល័យចរាចរណ៍ នៃស្នងការដ្ឋាននគរ បាលរាជធានីភ្នំពេញ ដើម្បីផាកពិន័យតាមផ្លូវច្បាប់។
ស្រាប់តែ តាមទាន់ ហើយបានដកកាំភ្លើងមកភ្ជង់ អ្នកបើករថយន្ដស្ទួច គំរាមបាញ់ ហើយអោយដឹកយករថយន្ដ របស់ខ្លួន យកទៅទុកនៅក្នុងផ្ទះគាត់ ស្ថិតនៅផ្ទះលេខ R02 ,04 ក្រុម១ ភូមិខ១ សង្កាត់ច្រាំងចំរេះ២ ខណ្ឌ ឫស្សីកែវ រាជធានីភ្នំពេញ ។
ករណីខាងលើនេះ ត្រូវបានអភិបាល រាជធានី ភ្នំពេញ ឯកឧត្តម ឃួង ស្រេង និង ស្នងការនគរបាលរាជធានីភ្នំពេញ នាយ ឧត្តមសេនីយ៍ ជួន សុវណ្ណ បញ្ជាាអោយនគរបាលចរាចរណ៍ ចុះទៅនាំយករថយន្ដ ដែលបង្ករ ព្រមទាំង ចាប់វាយខ្នោះ អ្នកបើករថយន្ដ ស៊េរីទំនើប និងបក្សពួក នាំយកមក ចាត់វិធានការ តាមផ្លូវ ច្បាប់ យ៉ាងម៉ឺងម៉ាត់បំផុត ដែលត្រូវបានចោទ ប្រកាន់ ពីបទប្លន់យកវត្ថុតាង របស់សមត្ថកិច្ច ។
នៅព្រឹកថ្ងៃទី១៥ ខែសីហាឆ្នាំ២០១៨ នេះកម្លាំងនគរបាលចរាចរណ៍ផ្លូវគោក សហការជាមួយសមត្ថកិច្ច ខណ្ឌឫស្សីកែវ ក្រោមការ សម្របសម្រួល ពីលោកព្រះរាជអាជ្ញារង សៀង សុខ បានចុះទៅចាប់ខ្លួន ដល់ទីតាំង ដែលជននេះ បានភ្ជង់មកលើអ្នកបើករថយន្ដស្ទូច បានផងដែល៕