គ្រោះថ្នាក់ចរាចរណ៍ ដរុន្ធត់ មួយបានបង្កឡើង យ៉ាងហោចណាស់ ក៏មានមនុស្ស ចំនួន០៣ នាក់ បានស្លាប់បាត់បង់ជីវិត និង០៤នាក់ទៀតរងរបួសធន់...!!!
ខេត្តព្រះវិហារ៖ គោយន្តកែច្នៃ (កង់បី)បុកគ្នាជាមួយរថយន្តសាំយ៉ុងក្នុងទិសដៅបញ្ជ្រាសទិសគ្នា នៅលើកំណាត់ផ្លូវជាតិ លេខ៦២ ត្រង់ចំនុចផ្លូវកោង ហួសមណ្ឌល់សុខភាពតាកឹង ចម្ង៉ាយ ២៥០ ម៉ែត្រ។ ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង១៦និង៥០នាទី ថ្ងៃទី១៥ ខែសីហា ឆ្នាំ២០១៨ ស្ថិតនៅភូមិថ្នល់បែក ឃុំថ្មី ស្រុកគូលេន ខេត្តព្រះវិហារ។
លោកវរៈសេនិយ៍ទោ ឡាញ់ លីស៊ីវឡេង អធិការស្រុកគូលេនបានអោយដឹងថា នៅមុនពេលកើតហេតុគោយន្តច្នៃបានបើបរទិសដៅពីស្រុកជាំក្សាន្តឆ្ពោះមកទីរួមខេត្តព្រះវិ ហារលុះមកដល់កន្លែងកើតហេតុគោយន្តខាងលើបានបើកវ៉ារថយន្តមួយគ្រឿងហើយបាន ចូលទៅផ្លូវខាងស្តាំរបស់រថយន្តសាំយ៉ុងបណ្តាលអោយបុកគ្នាពេញទំហឹងតែម្តង។
ចំណែកឯភាគីខាងគោយន្តមានគ្នាចំនួន០៤នាក់ ទី១-ឈ្មោះសុង សីង ភេទប្រុស អាយុ៤៧ឆ្នាំ ជនជាតិខ្មែរ មុខរបរកសិករ រួមជាមួយកូនស្រីម្នាក់ បានស្លាប់បាត់បង់ជីវិតនិងកន្លែង រីឯប្រពន្ធបានស្លាប់ បាត់បង់ជីវិតនៅពេល ដែលបញ្ជូនទៅដល់មន្ទីរពេទ្យ បន្សល់ទុកកូនស្រីម្នាក់រងរបួស ធ្ងន់កំពុងសម្រាក ព្យាបាលនៅមន្ទីរពេទ្យ។
រីឯភាគីខាងរថយន្តសាំយ៉ុងមានគ្នាចំនួន០៣នាក មានឈ្មោះដូចខាងក្រោមៈ
១-ឈ្មោះ សិប ធី ភេទប្រុស អាយុ៤០ឆ្នាំ ជនជាតិខ្មែរ មុខរបររត់តាក់ស៊ី ទីលំនៅ ស្រុកអន្លង់វែង ខេត្តឧត្តមានជ័យ រងរបួសធ្ងន់។
២-អ្នករួមដំណើរចំនួន០២នាក់ មិនស្គាល់អត្ដសញ្ញាណ រងរបួសធ្ងន់។
បច្ចុប្បន្នសាកសពត្រូវបាន តំកល់ទុកនៅវត្តតាកឹង ដើម្បីរងចាំសាច់ញាត់យកទៅធ្វើបុណ្យទៅតាមប្រពៃណី និង អ្នករងរបួសត្រូវបានបញ្ជូនមកធ្វើការសង្គ្រោះបន្ទាន់ នៅមន្ទីរពេទ្យ បង្អែក១៦មករា ខេត្តព្រះវិហារ ចំណែកឯរថយន្ត និង គោយន្តត្រូវបានយកមករក្សាទុកនូវប៉ុស្តិ៍រដ្ឋបាលឃុំថ្មី ដើម្បីរងចាំដោះស្រាយនៅពេលក្រោយ៕