ខេត្តបន្ទាយមានជ័យ៖ បើយោងតាមសេចក្ដីយការណ៍ពីអ្នកយកព័ត៌មាន (ខ្មែរជាយដែន) បានអោយដឹងថា៖ កាលពីវេលាម៉ោង០៣ និង៣០នាទី រសៀល..ថ្ងៃទី ២២ ខែសីហា ឆ្នាំ ២០១៨ នេះ។ លោក មាស ច័ន្ទពិសិដ្ឋព្រះរាជ អាជ្ញានៃអយ្យការអមសាលាដំបូងខេត្តបន្ទាយ មានជ័យ ដឹកនាំកម្លាំងចម្រុះ ដែលមានកម្លាំងនគរបាល និង កម្លាំងកងរាជអាវុធ ហត្ថ ដោយហការណ៍ជាមួយកម្លាំងជំនាញ គយក្រសួងខេត្ត បានចុះប្រតិបត្តិការ និង ធ្វើការឆែកឆេរ កន្លែងលក់ម៉ូតូ មួយកន្លែង ម្ចាស់រកស៊ីលក់ម៉ូតូមាន ឈ្មោះ ផន ថាវរៈ ភេទប្រុស អាយុម៣៣ ឆ្នាំ ជាអ្នកទិញ និង លក់ម៉ូតូ។ ដែលមានទីតាំង ស្ថិតក្នុងភូមិក្បាលស្ពាន០១ សង្កាត់ និងក្រុងប៉ោយប៉ែត ខេត្តបន្ទាយមានជ័យ។ ក្រោយពីទទួលបានព័ត៌មាននេះ ក្រុមអ្នកសារ ព័ត៌មាន រូមមាន សារព័ត៌មានខ្មែរជាយ ដែន,ទូរទស្សន៍ អ៊ឹមអេសជេធីវី , និងគេហទំព័រ ពុទ្ធិខ្មែរ, បានព្យាយាម ចុះទៅកាន់កន្លែងកើតហេតុខាងលើ ដែលគយក្រសួងខេត្ត និង ព្រះរាជ្ញា ព្រមទាំងកម្លាំងចម្រុះ កំពុងតែបង្ក្រាប។ ដើម្បីថតផ្តិតយករូបភាព មកចុះផ្សាយជាព័ត៌មាន។ តែអ្វី ដែលគួរអោយហួសចិត្តនោះ បែជា ត្រូវបាន លោកមាសច័ន្ទពិសិដ្ឋ ព្រះរាជអាជ្ញា នៃអយ្យការអមសាលា ដំបូងខេត្តបន្ទាយមានជ័យ បានចេញបញ្ជារ អោយកម្លាំងសមត្ថកិច្ច ចាប់ដកហូត សម្ភារៈសំរាប់ថត យកព័ត៌មាន ដូចជាទូរស័ព្ទដៃ និង ម៉ាស៉ីនថត ពីដៃ ក្រុមអ្នកសារព័ត៌មាន ដើម្បីមិនអោយពួកគាត់បំពេញភារកិច្ចយកព័តមានទៅវិញ។ ក្នុងប្រតិបត្តិការដ៏ចម្លែកនេះគេឃើញមាន សមត្ថកិច្ច ចម្រុះនោះ បានរឹបអូស ម៉ូតូ ទំនើបៗ ដែលគេសង្ស័យថា៖ ជាម៉ូតូ ក្តៅ នាំចូលពីថៃ អត់បង់ពន្ធ ក្នុងទីតាងខាងលើ បានប្រមាណ១០គ្រឿង ក្នុងនោះរួមមានៈ ម៉ូតូ ម៉ាក PCX ឆ្នាំ2012, 2015 , 2016,2017, ចនួន៤គ្រឿង។ ម៉ូតូម៉ាកClick ឆ្នាំ2018,ចំនួន៤គ្រឿង។ ម៉ូតូម៉ាក ZOOmerX ឆ្នាំ2018ចំនួន១គ្រឿងនិងម៉ូតូ ម៉ាក Scoopyឆ្នាំ2017 ចំនួន១ គ្រឿង។ សរុបចំនួន១០គ្រឿង។ លោក អ៊ុង ថាប់រាំង ចាងហ្វាងកាសែត(ខ្មែរជាយដែន) ដែលស្ថិតនៅក្នុងហេតុការណ៍នោះដែល បានត្អូញត្អែរថា៖ មិនគួរលោកព្រះ រាជអាជ្ញា បិទសិទ្ធិសេរីភាពអ្នកសារព័ត៌មានដល់ថ្នាក់នេះទេ មិនតែប៉ុណ្ណោះបែជាលោកឈុន សុធាវណ្ណារី និងលោក អាត អឿត ដែលជាមន្ត្រីគយចល័ត របស់ក្រសួង បានលុបរូបភាពចេញពី Camera និង ទូរស័ពដៃ របស់អ្នកសារព័ត៌មាន ចេញអស់ទៀត ទើបគេប្រគល់មកអោយវិញ នៅពេលចប់ បេសកកម្មនៅម៉ោងជាង៥ល្ងាច ថ្ងៃខែឆ្នាំដដែល ហើយចំពោះម៉ូតូ ដែលគយក្រសួងរឹបអូសបាននោះក៏គេមិនបានប្រាប់ថា៖ យកទៅណាដែល។ ថាតើប្រគល់ទៅអោយខាងគយឬទៅរក្សាទុកនៅតុលាការនោះដែរ។ ឆទោះជាយ៉ាងណាជុំវិញបញ្ហានេះមជ្ឈដ្ឋានអ្នកសារព័ត៌មាននាក្រុងប៉ោយប៉ែតបានលើឡើងថា៖ពេលនេះពួកគាត់ត្រូវបានគេរឹតត្បិតសិទ្ធិសេរីភាពយ៉ាងខ្លាំងមិនថា៖ តែខាង នគរបាល ឬ កងរាជអាវុធហត្ថ ឬ ស្ថាប័នមួយចំនួនទៀត គឺនៅពេលគេបង្ក្រាបអ្វីមួយ គេកម្រ ហៅអ្នក កាសែតទៅថតផ្តិតយករូបភាពផ្ទាល់ណាស់ គឺគេអោយរូប ភាពតាមវាត់អាប់ ឬ តេលេក្រាម និង ឡាញជាដើម។ដែលពួកគាត់មិនបានទៅយកព័ត៌ជាក់ស្តែងទេ។ ពេលខ្លះផ្អូម២ទៅ៣ថ្ងៃទើបអោយគ្នាផ្សាយ ក៏មានដែរ។ ជាក់ស្តែងដូចរឿងខាងលើនេះជាដើមការបិទសិទ្ធិអ្នកកាសែតមិនអោយថតផ្តិតយករូបភាពធ្វើអោយមហាជនសង្ស័យថា៖ ការបង្ក្រាបនេះបង្កប់នូវភាព អាថ៌កំបាំង អាចជាការចចារគ្នាមិនត្រូវ ទើបចុះបង្ក្រាប ព្រោះនៅទីក្រុងប៉ោយប៉ែត ស្ទើរតែគ្រប់កន្លែងទៅហើយ តែងមានបង្កប់លក់ នូវ ម៉ូតូក្តៅ ឬ ម៉ូតូ នាំចូលពីប្រទេសថៃ អត់ពន្ធ នេះ។ សូម្បីនៅក្នុងខេត្តបន្ទាយមានជ័យ ក៏មិនខ្វះដែល តែសង្ស័យ តែគេសែនអ្នកតាត្រូវ ទើបលោក គយក្រសួងមើលមិនឃើញ និង មិនដែលបង្ក្រាបបានសោះ.!។ ករណីបង្ក្រាប ម៉ូតូ គេចពន្ធ ខាងលើនេះ ត្រូវបាន លោក ស៊ុម ចន្ទគា ក្រុមអង្គការសិទ្ធិមនុស្ស (Adhoc)បានរិះគន់យ៉ាងខ្លាំង ទៅលើចំណាត់ការ ដកហូត ដូចជា Camera ថតរូប និង លុបរូបថត នៅក្នុងទូរស័ព្ទដៃ របស់អ្នក សារព័ត៌មាន ដោយនិយាយថា ” ការដកហូតទូរស័ព្ទពីអ្នកសារព័ត៌មាន មកពីមន្ត្រីគយ និងលោកព្រះរាជអាជ្ញា របស់តុលាការគំរូ ខេត្តបន្ទាយមានជ័យ កញ្ចក់ក្រែងឆ្លុះទៅឃើញរូបខ្លួន មានធ្យូងប្រឡាក់មុខ មិនគួរខ្លាច ស្រមោលខ្លួនឯងនោះទេ៕