ក្រុងប៉ោយប៉ែតៈ ខេត្តបន្ទាយមានជ័យ៖ ករណីគ្រោះថ្នាក់ចរាចរណ៍ មួយដ៏រន្ធត់ រវាងរថយន្តក្រុង(វរៈប៊ុនថាំ) ប៉ះជាមួយម៉ូតូុំម៉ាក SLAT បណ្តាលអោយបុរសម្នាក់ ស្លាប់នៅក្នុងថ្លុកឈាម យ៉ាងអណោចអធ័ម នៅនិងកន្លែង កើតហេតុការណ៍ បង្កការភ្ញាក់ផ្អើលទាំងយប់ ហេតុការណ៍ គ្រោះថ្នាក់ចរាចរណ៍នៅបានកើតឡើងនៅវេលាម៉ោង ០៩និង២០នាទីយប់ ត្រូវនិងថ្ងៃទី២២ ខែ សីហា ឆ្នាំ ២០១៨។ បើតាមប្រភពពីអ្នកបានឃើញហេតុការខាង លើនេះ បានអោយដឹងថា៖ រថយន្តក្រុងដឹកអ្នកដំណើរម៉ាក ហុីយ៉ាន់ដាយ ពណ៌ក្រហម ពាក់ស្លាកលេខ ភ្នំពេញ 3A-4940 (ជារថយន្តរបស់ក្រុមហ៊ុនវរៈប៊ុនថាំ) បើកបរទិសដៅ ពីលិចទៅកើត លុះមកដល់ចំនុចកើតហេតុ បានបុកនិងម៉ូតូម៉ាកអេសស្លេដ ពណ៌ខ្មៅ ពាក់ស្លាកលេខ បន្ទាយមានជ័យ 1Q-2556 បើកបរទិស ក្នុងកូលដៅ ពីកើតទៅលិច បញ្ច្រាទិសគ្នាលើផ្លូវជាតិលេខ៥ ត្រង់ចំណុចខាងកើតស្ថានីយ៍ ដឹកអ្នកដំណើរអន្តរជាតិ ស៊ូ ជីង ប្រហែល២០ម៉ែត្រ ស្ថិតក្នុងភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ បើតាមសមត្ថកិច្ចបានអោយដឹងថា៖ ក្នុងហេតុ ការណ៍នេះដែរ បណ្តាលអោយស្លាប់០១ នាក់ ឈ្មោះ វន សុភក្រ្តា អាយុ៣៣ឆ្នាំ មុខរបរ បុគ្គលិកខារ៉ាអូខេ(អេហ្វផ្លាស់) រស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ (ស្លាប់នៅនិងកន្លែងកើតហេតុ) ជាអ្នកបើកបរម៉ូតូ។ លោកបានបន្តទៀតថា៖ ចំណែកអ្នកបើកបររថយន្ត ចុះរត់ គេចខ្លួនបាត់ ស្រមោលតែម្តង។ ក្នុងហេតុការណ៍នោះដែរ ក៏មានវត្តមានលោក នួន នីគីដា ជួយផ្នែកមនុស្សធម៌ ក្រុងប៉ោយ ប៉ែត បានចុះមកជួយ លាងសព បុរសរងគ្រោះ ដោយក្តីអាណិតអាសូរ ហើយថែម ទាំងជួយដឹកសព ប្រគល់អោយទៅសាច់ញាតិធ្វើបុណ្យតាមប្រពៃណី នៅក្រុងប៉ោយប៉ែត។ បច្ចុប្បន្នសមត្ថកិច្ច បានយកម៉ូតូរក្សាទុកនៅអធិការ ដ្ឋាននគរបាលក្រុងប៉ោយប៉ែត ចំនែករថយន្តរក្សាទុកនៅប៉ុស្តិ៍រដ្ឋបាលនិមិត្ត ជាបណ្តោះអាសន្ន ដើម្បីរងចាំ ម្ចាស់ក្រុមហ៊ុនរថយន្តក្រុង ដឹកនាក់ដំណើរ(វរៈប៊ុនថាំ) ចូល ខ្លួនមកដោះស្រាយនៅពេលក្រោយ៕