លោកឧត្តមសេនីយ៍ទោ អាត់ ខែម ស្នងការនគរបាល ខេត្តបន្ទាយមានជ័យ អំពាវនាវ អោយម្ចាស់រថយន្ដ ប្រុងប្រយ័ត្នខ្ពស់ ចំចំពោះក្រុមចោរ លួចរថយន្ត...
ខេត្តបន្ទាយមានជ័យ៖ លោកឧត្តមសេនីយ៍ទោអាត់ ខែម ស្នងការនគរបាល ខេត្ត អំពាវនាវ អោយម្ចាស់រថយន្ដ ប្រុងប្រយ័ត្នខ្ពស់ ចំពោះក្រុមចោរលួចរថយន្ត មុខសញ្ញាចាស់១ក្រុមមានគ្នាជាច្រើននាក់ ប្រើរថយន្តជាមធ្យោបាយដឹកបក្ខពួក ទៅទម្លាក់ចុះតាមគោលដៅ នៅតាមបណ្តោយផ្លូវជាតិ ផ្លូវក្នុងខេត្ត ហើយបើមើលឃើញមានរថយន្តតូច ម៉ាកតូយ៉ូតាកាមរី បាឡែន ឬ រថយន្តតូច រថយន្ត២បាំង ឬក៏រថយន្តម៉ាក់ផ្សេងៗ គឺពួកគេមួយក្រុម តែងតែចូលលួច នៅ ចាប់ពាក់កណ្តាលអាធ្រាត នឹងចូលលួច នៅទៀបភ្លឺ។ មុខសញ្ញាមួយក្រុមនេះ បានលួចរថយន្តចំនួន០៣គ្រឿង នៅខេត្តបន្ទាយមានជ័យ និងលួចនៅខេត្ត ដ៏ទៃទៀត បាបានមួយចំនួនផងដែល តែតែការបង្ក្រាបមិនទាន់បានដូចគ្នានោះទេ។ ហេតុដូចនេះសមត្ថកិច្ចសុំណូមពរ ដល់បងប្អូនម្ចាស់រថយន្ត បង្កើនការប្រុងប្រយ័ត្នខ្ពស់ ចៀសវាងបាត់បង់ខូចខាត នៅថ្ងៃទី២៤ ខែសីហា ឆ្នាំ២០១៨។
លោកឧត្តមសេនីយ៍ទោ អាត់ ខែម បានដាក់បញ្ជារតឹងរឹងណាស់ ក្នុងរឿងនេះដើម្បីឱ្យកម្លាំងលោក ឈ្មុសឈ្មុលស្រាវជ្រាវ ទប់ស្កាត់ បង្ក្រាបមុខសញ្ញានេះ។ លោកបន្តថា បើយោងតាមការពិនិត្យកាមេរ៉ាសុវត្ថិភាព ក្រុមចោរទាំងនោះមានគ្នាច្រើននាក់ ហើយបានជិះរថយន្តម៉ាក់តូយ៉ូតា ឡិចស៊ីស ជាមធ្យោបាយ ក្នុងការលួចរថយន្ត។ បើតាមលោកស្នងការរងបានបន្តទៀតថា៖ រឿងករណីនេះ ដែលចោរតែលួចបានរថយន្តចំនួន០៣គ្រឿងផងដែលរួមមានៈ
ទី១-កាលពីថ្ងៃទី១៥ ខែសីហា ឆ្នាំ២០១៨ ចន្លោះម៉ោង១រំលងអធ្រាត្រ ដល់ម៉ោង០៨ និង៣០នាទីព្រឹក នៅចំណុចមុខវិមានរៀម ក្នុងភូមិ/សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ លួចរថយន្ត១គ្រឿង ម៉ាកតូយ៉ូតាកាមរីបាឡែន ពណ៌ទឹកមាសសេរី២០០២ ពាក់ស្លាកលេខ បន្ទាយមានជ័យ2A-5396 ជារបស់ជនរងគ្រោះ ឈ្មោះ ថាប់ ផាវិន ភេទប្រុស អាយុ៣៣ឆ្នាំ រស់នៅភូមិស្លក្រាម ឃុំស្លក្រាម ស្រុកស្វាយចេក មកស្នាក់ នៅបណ្តោះអាសន្ន នៅភូមិ សង្កាត់កើតហេតុ។
ទី២-កាលពីថ្ងៃទី១៤ ខែសីហា ឆ្នាំ២០១៨ វេលាម៉ោង១១និង៣៦នាទីយប់នាទី លួចរថយន្ត១គ្រឿង ម៉ាកកាមរីបាឡែន ពណ៌ទឹកប្រាក់ ពាក់ស្លាកលេខ ភ្នំពេញ 2S-5154 លេខតួ4T1BE32K22U050366 នៅចំណុចភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមាន ជ័យ ដែលមានម្ចាស់ ឈ្មោះ មឿង ស៊ីម៉ុល ភេទប្រុស អាយុ៥៨ឆ្នាំ មុខរបររត់តាក់ស៊ី រស់នៅភូមិកើតហេតុខាងលើ។
ទី៣-កាលពីយប់ថ្ងៃទី១៦ ខែកក្កដា ឆ្នាំ២០១៨ ចោរបានកាត់របងផ្ទះចូលមកលួចឡានតូយ៉ូតាកាមរីបាឡែនស៊េរីឆ្នាំ២០០៣ ពាក់ស្លាក លេខ២X ៣៩៤៨ ពណ៍ទឹកមាស របស់ឈ្មោះ ម៉ក់ ការេន ភេទប្រុសអាយុ៤១ឆ្នាំ នៅភូមិជំទាវ ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ដែលយកមកលាង នៅកន្លែងរបស់ ឈ្មោះ អឹង សំអាត ភេទប្រុស អាយុ៤៨ឆ្នាំ នៅភូមិខាងលើ។
ស្នងការនគរបាលខេត្ត ក៏បានអំពាវនាវអោយបងប្អូន ប្រញាប់សហការ និង រាយការណ៍បន្ទាន់ មកនគរបាលបាលជំវិញមូលដ្ឋាន ដែលមិនប្រក្រតី ដែលមានមុខសញ្ញា សង្ស័យថា៖ ជាចោរលួចរថយន្ត ជាក្រុមទាំងអស់នោះ សូមបងប្អូនប្រជាពលរដ្ឋ ប្តល់ព័ត៌មានភ្លាមៗ ជូនសមត្ថកិច្ច ដើម្បីសមត្ថកិច្ច រាយបណ្តាញស្ទាក់ ចុះធ្វើការបង្ក្រាបចាប់ចោរទាំងមក ផ្តន្ទាទោសតាមចាប់៕