អនិច្ចាជីវិត.!ពលករខ្មែរអឺយ.! ឆ្លងដែនទៅធ្វើការនៅស្រុកគេ បែជាចោលជីវិតនៅតាមផ្លូវ...!!!
ប្រទេសថៃ ៖ យ៉ាងហោចណាស់ក៏មានពលករខ្មែរ ចំនួន ៤ នាក់ រួមជាមួយនិង អ្នកបើកបររថយន្តដែលជាជនជាតិថៃ បានរងរបួសធ្ងន់ធ្ងរ និងស្លាប់បន្ទាប់ពីរថយន្តនេះបានបើកបរក្នុងល្បឿនមួយយ៉ាងលឿននិងទំនងជាមានការងងុយដេកផងក៏បានរេចង្កូត ធ្លាក់ផ្លូវបុកទៅនឹងគុលដើមឈើ យ៉ាងដំណំ ។ ហេតុការណ៍នេះបានកើតឡើងកាលពីវេលាម៉ោង ៨ ព្រឹកថ្ងៃទី ២៦ ខែសីហា ឆ្នាំ២០១៨។ លើកំណាត់ផ្លូវ រុាំងសុីត ត្រង់ចន្លោះបង្គោលគីឡូមែត្រ លេខ ៥៣ និង ៥៤ ក្នុងភូមិ១០ឃុំបាងអរ ស្រុកបានណា ខេត្តណៈខនណាយ៉ុកប្រទេសថៃ ។ នៅកន្លែងកើតហេតុគេសង្គេតឃើញមានរថយន្តមួយគ្រឿងម៉ាកតូយ៉ូតាកូរ៉ូឡា ពាក់ស្លាកលេខ បាងកក ៤៨៨៣ ដោយបានបើកបរធ្លាក់ចេញពីផ្លូវទៅបុកនឹងគល់ឈើមួយដើមយ៉ាងធំ បណ្តាលអោយតួរថយន្តខូចខាតស្ទើរទាំងស្រុង ព្រមទាំងធ្វើអោយមនុស្សចំនួន ៥ នាក់កៀបជាប់នៅក្នុងរថយន្តយ៉ាងអាណោចអាធ័ម។ បន្ទាប់ពីក្រុមតម្រួតបានចុះពិនិត្យ គឺបានអន្តរាគមន៍ ដោយមានការចូលរួមពីសំណាក់ប្រជាពលរដ្ឋផងដែលដើម្បីគាស់ទាញយកមនុស្ស ដែលជាប់នៅក្នុងរថយន្ត ជាក់ស្តែងគឺអ្នកបើកបរដែលមាន ឈ្មោះ ឆាត់ឆៃ ប៉ាន់យ៉ា រួមជាមួយនិងអ្នកដែល អង្គុយក្បែរ ត្រូវបានកៀបស្លាប់ដោយឡែកមនុស្សចំនួន៣នាក់ទៀត ដែលអង្គុយនៅផ្នែកខាងក្រោយបានរងរបួសធ្ងន់ព្រមទាំងបានបញ្ជូនទៅកាន់មន្ទីរពេទ្យដើម្បីសង្គ្រោះជាបន្ទាន់ផងដែល ដែលពួកគេទាំង៤នាក់នេះ គឺជាពលករខ្មែរ ដែលត្រូវបានរថយន្តដឹកទៅបម្រើការងារ នៅក្នុងខេត្តប៉ាធុមថានី ។ ពាក់ព័ន្ធនឹងបញ្ហានេះដែល សមត្ថកិច្ចបានសន្និដ្ឋានថា៖ អ្នកបើកបរអាចប្រើប្រាស់ល្បឿនលឿន ឬ ក៏អាចមានការងងុយដេកផងទើបធ្វើអោយរថយន្តធ្លាក់ផ្លូវបែបនេះបច្ចុប្បន្នសពកំពុងត្រូវបានសមត្ថកិច្ចស្រាវជ្រាវរកសាច់ញាតិ ដើម្បីបញ្ជូនត្រឡប់ទៅកាន់ស្រុកកំណើតវិញ ធ្វើបុណ្យតាមប្រពៃណី ៕