ខេត្តកំពង់ស្ពឺ៖ ក្រោមការដឹកនាំបញ្ជារបស់គណៈបញ្ជាការឯកភាពស្រុកភ្នំស្រួច​ ដឹកនាំ​ដោយ លោក ហន ពិសិដ្ឋ អភិបាល នៃ​គណៈ​អភិបាលស្រុក​ភ្នំស្រួច បានចុះប្រតិបត្តិការបង្ក្រាប ទីតាំងសង្វៀនបញ្ជុលមាន់ លាក់ខ្លួនក្នុងព្រៃមួយកន្លែង និង បានដកហូតសម្ភារៈ សង្វៀនជុលមាន់ យកដុតកំទេចចោលផងដែល នាថ្ងៃទី២៧ ខែសីហា ឆ្នាំ២០១៨។ នៅ​ចំណុច​ព្រៃ​ចម្ការ​មាត់​អូរ​ ខាងជើងភូមិ ចម្ការចេក ចម្ងាយ​ប្រហែល ៣-៥ គីឡូម៉ែត្រ ក្នុង​ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ។ លោកបានដឹកនាំកំលាំងចុះបង្ក្រាប​ទីតាំង​បើក​ភ្នាល់​ល្បែងស៊ីសង​បញ្ជុលមាន់ មួយកន្លែង នៅ​ចំណុច​ខាងលើ​ ដោយជាក់ស្ដែងកម្លាំងសមត្ថកិច្ចបានឆ្មកើ ចុះទៅដល់ទីតាំងនោះផ្ទាល់ ក្រុម​អ្នកញៀន​ល្បែង​បាននននាំគ្នារត់ព្រោងព្រាតប្រាសខ្លួនចូលព្រៃ ចូល​ចម្ការបាតជើងសព្រាត សល់​តែ​វត្ថុតាង​ប៉ុណ្ណោះ ។ រីឯសម្ភារៈដែលសមត្ថកិច្ចប្រមូលបានរួមមាមមាន កៅអី​ជ័រ សម្រាប់​អង្គុយ​ចំនួន៨៥ កៅអី, ស៊ុម ក្រុងមាន់ជុល ចំនួន១០, តង់​តង់កៅស៊ូប្រក់ដំបូលចំនួន១៣, ចាន និង​ គម្របបាញ់អា ប៉ោង១ឈុត, ជញ្ជីង​ថ្លឹង​មាន់១, គ្រែឈើ១, តុ​ដែក១, ។ វត្ថុតាងដកហូតទាំងអស់លើកលែងតែម៉ូតូ និង​ រថយន្ត ដោយបានការអនុញ្ញាតពីលោកព្រះរាជអាជ្ញាអមសាលា ដំបូងខេត្ដ និង សមត្ថកិច្ច បានដុត​កម្ទេច​សម្ភារ​ចោល​ នៅនឹងកន្លែងទីតាំងជុលមាន់ខុសច្បាប់ខាងលើនេះតែម្តង។ រីឯ​ ម៉ូតូចំនួន១២គ្រឿង និង​ រថយន្ត៧គ្រឿង ដែលជា​របស់​អ្នកលេង​ល្បែង​ជុលមាន់ ត្រូវ​បានបញ្ជូនទៅ​រក្សាទុក​ជា​បណ្ដោះអាសន្ន នៅ​អធិការដ្ឋាន​នគរបាល​ស្រុក​ភ្នំស្រួច រង់ចាំ​ចំណាត់​ការបន្ត ។ បើយោងមតិពីប្រជាពល់រដ្ឋ បាននិយាយតៗថា៖ បើ​ទុកអោយអោយអស់លោក នគរបាលមូលដ្ឋានចុះបង្ក្រាប មិនមិនងាយបង្ក្រាបបាននោះទេ.! ទាល់តែលោក​អភិបាលស្រុក​ដឹកនាំ​ផ្ទាល់​ទើប​សម្រេចបាន​ល​ទ្ឋ​ផល​ល្អ​បែបនេះ ។ ដោយឡែក មតមតិមួយចំនួនទៀតបានលើកឡើងថា៖ បើ​បើបង្ក្រាបកន្លែងល្បែងសង្វៀនបញ្ជុលមាន់នេះហើយនោះ គួតែលោកមានចំណាត់ការលេីម្ចាស់សង្វៀននោះផង ហេីយសូមអោយលោកអភិបាលស្រុកភ្នំស្រួចធ្វើការបង្ក្រាបបន្ត ល្បែងឆ្នោត នៅតាមទីផ្សារនានា ក្នុងស្រុក​ភ្នំស្រួច​ផង ទើប​យុត្តិធម៌ ព្រោះថា​៖ មេឆ្នោតធំៗ នៅផ្សារត្រពាំងក្រឡឹងមួយចំនួន ក៏​ជាប់​សាច់ឈាម​ជាមួយ​មន្ត្រីនគរបាល​ស្រុក​ផងដែល៕