(ស្រុកម៉ាឡៃ) ខេត្តបន្ទាយមានជ័យ៖ កម្លាំងអាវុហត្ថស្រុកម៉ាឡៃឃាត់ខ្លួនជនសង្ស័យជួញដូរគ្រឿងញៀនខុសច្បាប់០១នាក់ រួមនិងថ្នាំញៀន(យ៉ាម៉ា) ចំនួន ១,០០៧ គ្រាប់ ដែលអាវុធហត្ថឃាត់ខ្លួនបានរួមនិងវត្ថុតាង កាលពីព្រឹកថ្ងៃទី២៨ ខែសីហា ឆ្នាំ២០១៨។ ស្ថិតចំណុចផ្លូវជាតិលេខ៥៩ ក្នុងភូមិអូរស្អំ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ។ លោកវរសេនីយ៍ត្រី តាំង សុខហេង មេបញ្ជា ការមូលដ្ឋានកងរាជាអាវុធហត្ថស្រុកម៉ាឡៃបានប្រាប់សារព័ត៌មាន(ប៉ោយប៉ែតប៉ុស្តិ៍)អោយដឹងថា៖ ក្រោយទទួលបានព័ត៌មាន ពីបណ្តាញ ភ្លាមៗនោះ និង ដោយបានទទួលការអនុញ្ញាតពីលោក មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្ត លោកបានដឹកនាំកម្លាំងចុះប្រតិបត្តិការ ស្ទាក់ចាប់បាន ជនសង្ស័យ០១នាក់ រួមនិងថ្នាំញៀនជាច្រើន ជនសង្ស័យខាងលើមានឈ្មោះដូចខាងក្រោមៈ ១-ឈ្មោះ ជឹម ជឿន ភេទប្រុស អាយុ ៤៧ ឆ្នាំ ជនជាតិខ្មែរ មុខរបរ គ្មាន បច្ចុប្បន្នរស់នៅភូមិថ្មី ឃុំម៉ាឡៃ ស្រុកម៉ាឡៃ។ ២-គ្រឿងញៀន មេតំហ្វេតាមីនគ្រាប់(យ៉ាម៉ា) ចំនួន ១.០០៧ គ្រាប់ ៣-ទូរស័ព្ទដៃ ចំនួន០១គ្រឿង។ ៤-ម៉ូតូ ម៉ាក ហុងដាឌ្រីម ពណ៌ខ្មៅ ស៊េរីឆ្នាំ ២០១៤ ។ ក្រោយពីធ្វើការឃាត់ខ្លួន និង សួរចម្លើយជនសង្ស័យរួចមក លោក វរសេនីយ៍ត្រី តាំង សុខហេង បានកសាងសំណុំរឿងបញ្ជូនជនសង្ស័យ រួមជាមួយវត្ថុតាង ទៅទីបញ្ជាការកងរាជអាវុធហត្ថខេត្តបន្ទាយមានជ័យ។ លោកវរសេនីយ៍ឯក ស ប៊ុនសឿង បានបញ្ជាក់ថា ៖ ក្រោយពីធ្វើការសាកសួរ ជនសង្ស័យបានសារភាពថា ៖ ខ្លួនបានជួញដូរគ្រឿងញៀន បានចំនួន ០៦ លើក រួចមកហើយ ដោយទិញពីមនុសុ្សម្នាក់មិនស្គាល់ ឈ្មោះ នៅស្រុកសំពៅលូន ខេត្តបាត់ដំបង ដើម្បីយកមកចែកចាយបន្ត នៅក្នុងភូមិសាស្រ្តស្រុកម៉ាឡៃ។សូមបញ្ជាក់ថា៖ ដោយយោងលើចម្លើយសារភាព ពីជនសង្ស័យខាងលើ អាចត្រូវចោទពីបទ ជួញដូរដោយខុសច្បាប់ នូវសារធាតុញៀន កម្លាំងជំនាញបានកសាងសំណុំបញ្ជូនជនសង្ស័យ រួមជាមួយវត្ថុតាង ទៅតុលាការដើម្បីចាត់ការទៅតាមនីតិវិធីច្បាប់៕