ស្នងការនគរបាល ខេត្តបន្ទាយមានជ័យ ចុះបង្ក្រាបករណី ប្រើប្រាស់ នឹង ចែកចាយគ្រឿងញៀន ក្នុងក្លឹបកម្សាន្តចំនួន០៣កន្លែងក្រុងប៉ោយប៉ែត និង ក្រុងសិរីសោភ័ណ...
ខេត្តបន្ទាយមានជ័យ៖ ក្លឹបកម្សាន្ត KTV ចំនួន០៣កន្លែង ត្រូវបានលោកឧត្តមសេនីយ៍ ទោ អាត់ ខែម ស្នងការនគរបាល ខេត្តបន្ទាយមានជ័យ ចុះប្រតិបត្តិការដល់ក្នុងទីតាំងក្លឹបកម្សាន្តផ្ទាល់។ ហើយលោកក៏បានប្រាប់សារព័ត៌មាន(ប៉ោយប៉ែតប៉ុស្តិ៍) អោយដឹងថា៖ ដោយមានការណែនាំ ដ៏ខ្ពង់ខ្ពស់ពី ឯកឧត្តមឧបនាយករដ្ឋមន្ត្រី កែ គឹមយ៉ាន ប្រធានអាជ្ញា ធរជាតិ ប្រយុទ្ធប្រឆាំងគ្រឿងញៀន ក៏ដូចជា ដាក់វិធានការពីលោក សួន បវរ អភិបាលខេត្ត បន្ទាយមានជ័យ ហើយលោក បានសហការ ជាមួយលោក មាស ច័ន្ទពិសិដ្ឋ ព្រៈរាជអាជ្ញានៃអយ្យការអមសាលាដំបូងខេត្តបន្ទាយមាន ជ័យ បានដឹកនាំកម្លាំងនគរបាលជំនាញចុះពិនិត្យ និង បង្ក្រាប ចាប់ពីចាប់ម៉ោង១២ យប់ថ្ងៃទី២៩ ខែសីហា ឆ្នាំ២០១៨ រហូតដល់ម៉ោង៤ ទាប ភ្លឺចូលថ្ងៃទី ៣០ ខែសីហាឆ្នាំ២០១៨ នៅក្រុង សិរីសោភ័ណ និងក្រុងប៉ោ យប៉ែត មានចំនួន០៣ កន្លែងផងដែល។
លោកបានបញ្ជាក់ថា៖ ក្រោយពេលកម្លាំង នគរបាលជំនាញចុះ ពិនិត្យក្លឹបកំសាន្ត០៣ កន្លែង នៅក្រុងសិរីសោភ័ណ ក្លឹបកំសាន្តហ្គោលថោន និង ក្រុងប៉ោយប៉ែត មានក្លឹបកំសាន្ត ឡាហ្វីរា (ដែលជនជាតិចិនជួល) និងក្លឹបកំសាន្ត ថាច់ដោន ត្រូវបានកម្លាំនគរបាល ជំនាញចុះពិនិត្យ និង បង្ក្រាប រឹបអូសបានវត្ថុតាងរួមមាន គ្រឿងញៀន និង ឧបករណ៍ប្រើប្រាស់ គ្រឿងញៀន និង ឃាត់ខ្លួនជនសង្ស័យ មួយចំនួន យកមកសាកសួរនិងធ្វើតេស ទឹកនោម រកសារធាតុញៀន។
លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត បានបញ្ជាក់ថា៖ ការចុះប្រតិបត្តិការ ពិនិត្យក្លឹបកំសាន្ត និង ខារ៉ាអូខេនៅក្រុងសិរីសោភ័ណ និង ក្រុងប៉ោយប៉ែតបានដកហូតវត្ថុតាង មានគ្រឿងញៀន និងឧបករប្រើប្រាស់ គ្រឿងញៀន និង ឃាត់ខ្លួនជន សង្ស័យមួយចំនួន ហើយប្រតិបត្តិការនេះ និងបន្តអនុវត្តន៍រហូត ដើម្បីលុបបំបាត់ បទល្មើសគ្រឿងញៀន ជួញដូរ និង ចែកចាយប្រើប្រាស់គ្រឿងញៀន ដើម្បីការពារសន្តិសុខសណ្តាប់ ធ្នាប់ ភូមិ.ឃុំ មានសុវត្តិភាព៕