ខេត្តបន្ទាយមានជ័យ៖ ពិធីសម្ពោធបើកលក់ជាផ្លូវការ គម្រោងខុនដូ មីនៀម កំពស់ ២១ ជាន់ របស់ក្រុមហ៊ុន អិម អេ សុខា រ៉េស៉ីដេន ដំបូងបង្អស់នៅក្រុងប៉ោយ ប៉ែត ក្រោមអធិបតីភាព ឧកញ៉ា សាន ស៊ានហូ អភិបាលនៃគណៈអភិបាលក្រុងប៉ោយប៉ែត ថ្ងៃសុក ៧រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី ៣ ខែសីហា ឆ្នាំ២០១៨។ ក្រុងប៉ោយប៉ែតៈ ដោយមើលឃើញ ពីតម្រូវ ការនៃជីវភាពរស់នៅ ទំនើបទាន់សម័យ របស់ប្រជាជាតិកម្ពុជា និងកំណើននៃជនបរទេសនាពេលបច្ចុប្បន្ន និងអនាគត ក្រុមហ៊ុន អិម អេ សុខា រ៉េស៉ីដេន គ្រុប ជាក្រុមហ៊ុន អភិវឌ្ឍន៍លើវិស័យអចលនទ្រព្យដ៏ធំមួយ បានពាំនាំនូវអគារសហកម្មសិទ្ធិ ខុនដូមីនៀម កំពស់២១ ជាន់ ដែលបានប្រកាសបើកលក់ជាផ្លូវការហើយ នៅថ្ងៃទី០៣ ខែសីហា ឆ្នាំ២០១៨ ក្រោមអធិបតីភាព ឧកញ៉ា សាន ស៊ានហូ អភិបាលនៃគណៈអភិបាលក្រុងប៉ោយប៉ែត ក្នុងកម្មវិធីខាងលើនេះ សារពត័មានយើងខ្ញុំឃើញថា៖ បងប្អូនអាជីវករនៅក្នុង ក្រុងប៉ោយប៉ែត អតិថិជនមកពីបណ្តាខេត្តក្រុងផ្សេងៗ និងឃើញមានវត្តមានជនបរទេស ចិន ថៃ ឥណ្ឌា ឥណ្ឌូណេស៊ី កូរ៉ា ...ប្រមាណជាង ១០០០នាក់ ប្រកបដោយការចូលរួម អបអសាទរ និងរំភើបរីករាយជាខ្លាំង។ ក្នុងការបើកលក់ សម្ពោធបើកលក់ជាផ្លូវការនេះ ក្រុមហ៊ុន បានផ្តល់រង្វាន់ជូនអតិថិជន ដែលបានចូលរួម និង អតិថិជនដែលបានទិញកន្លងមក ទាំងអស់សរុបទឹកប្រាក់ប្រមាណ $70,000 (ប្រាំពីរម៉ឺនដុល្លាសហរដ្ឋអាមេរិក) ជាការដូលើកទឹកចិត្ត សម្រាប់អតិថិជន ដែលបានផ្ដល់ទំនុកចិត្ត មកលើគម្រោង សុខា រ៉េស៊ីដេន ខុនដូមីនៀម រួមមានដូចខាងក្រោមៈ ១- រង្វាន់ទឹកប្រាក់ ៥០០០ ដុល្លារ ២- រង្វាន់ទឹកប្រាក់ ២០០០ ដុល្លារ ៣- រង្វាន់ទឹកប្រាក់ ១០០០ ដុល្លារ ៤- រង្វាន់គ្រឿងសង្ហារឹម ទឹកប្រាក់ ៣០០០ ដុល្លារ ៥-ការដូ ម៉ាស៊ីនត្រជាក់ បំពាក់គ្រប់បន្ទប់គេង រួមជាមួយរង្វាន់លើកទឹកចិត្តជាច្រើនទៀត។ លោក ឈាន សុខា ប្រធានក្រុមប្រឹក្សាភិបាល ក្រុមហ៊ុន អិម អ សុខា រ៉េស៉ីដេន គ្រុប បានថ្លែងក្នុងកម្មវិធីនេះថា៖ កម្ពុជា ប្រទេស កំពុងមានសក្តានុពល និងអភិវឌ្ឍន៍ ស្ទើគ្រប់វិស័យ ជាពិសេសវិស័យ អចលនទ្រព្យ។ ក្រុងប៉ោយប៉ែត ជាក្រុង សក្តានុពលទី៤ ដែលប្រៀបធៀបទៅនឹងតំបន់សេដ្ឋកិច្ច ពិសេសផ្សេងៗទៀតនៅ ក្នុងព្រះរាជាណាចក្រកម្ពុជា។ ក្រុងប៉ោយប៉ែត មានភាពជឿនលឿនលើគ្រប់វិស័យ ជាពិសេស ហេដ្ឋារចនាសម្ព័ន្ធ ផ្លូវថ្នល់ ផ្លូវរថភ្លើង ព្រលានយន្តហោះ តំបន់ឧស្សាហកម្ម ទេសចរណ៍ និងការវិនិ យោគ ហេតុនេះហើយទើប ក្រុមហ៊ុន អិម អ សុខា រ៉េស៊ីដេន គ្រុប សម្រេចចិត្ត ក្នុងការវិនិយោគបន្ថែម ក្នុងការកសាងគម្រោង សុខា រ៉េស៊ីដេន ខុនដូមីនៀម នៅឡើយ។ លោក សាន ស៊ានហូ អភិបាលនៃគណៈអភិបាលក្រុងប៉ោយប៉ែ បានគាំទ្រចំពោះការអភិវឌ្ឍន៍ របស់ក្រុមហ៊ុន អិម អ សុខារ៉េស៊ីដេន ដែលបានបង្កើតនៅគម្រោងនៃឡើង ហើយឧត្តមភាព ឥស្សរៈភាពសន្តិភាព និងការអភិវឌ្ឍន៍ ត្រូវបានកើតឡើងព្រមៗគ្នា ក្រោមការដឹកនាំ ដ៏ប៉ិនប្រសព្វ របស់រាជរដ្ឋាភិបាល ដែលមាន សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ចំពោះការប្តេជ្ញាចិត្តរបស់លោកអភិបាលក្រុង គឺលោកខិតខំប្រឹងប្រែងទាំងកម្លាំងកាយចិត្ត ក្នុងការអភិវឌ្ឍន៍ ក្រុងប៉ោយប៉ែត អោយកាន់តែរីកចំរើន ទៅជាងនេះទៀត ជាពិសេស ហេដ្ឋារចនាសម្ព័ន្ធ ផ្លូវថ្នល់ ប្រព័ន្ធលូ អនាម័យទេសចរណ៍ជាដើម។លោកក៏បានថ្លែងអំណគុណ ចំពោះក្រុមហ៊ុនវិនិយោគទុនទាំងអស់ បងប្អូនអាជីវករ ក្នុងក្រុងប៉ោយប៉ែត ដែលបានគាំទ្ររូបលោក ក្នុងការជួយអភិវឌ្ឍន៍ក្រុង និង ដឹកនាំក្រុងនេះអោយមានការរីកចម្រើនដូចប្រទេសជិតខាង។ គួរបញ្ជាក់ផងដែរថា៖ ទីតាំងរបស់ ក្រុមហ៊ុន សុខារ៉េស៊ីដេន ខុនដូមីនៀម ស្ថិតនៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ជាទីតាំងស្ថិតកណ្ដាលក្រុងប៉ោយប៉ែត៕