អាជ្ញាធរក្រុងប៉ោយប៉ែត ចុះចែកអំណោយជូនប្រជាពលរដ្ឋដែលកំពុងរងការខ្វះខាត ចំនួន ២៥០ គ្រួសារ...
ខេត្ត បន្ទាយមានជ័យ៖
អាជ្ញាធរក្រុងប៉ោយប៉ែត ចុះចែកអំណោយ ជូនដល់ប្រជាពលរដ្ឋ ដែលរងនូវការខ្វះខាតមានចំនួន ២៥០ គ្រួសារ នៅព្រឹកថ្ងៃទី ០៤ ខែ សីហា ឆ្នាំ២០១៨ ស្ថិតក្នុងភូមិសាមគ្គីមានជ័យ សង្កាត់និងក្រុងប៉ោយប៉ែត ។
លោក អ៊ុយ ច័ន្ទរិទ្ធ ប្រធានយុវជនក្រុងប៉ោយប៉ែត បានឱ្យដឹងថា៖ អំណោយដែលយកមកចែកពលរដ្ឋ ជួបការលំបាកដែលកំពុងរងការខ្វះខាត នៅក្នុងរដូវស្សា ជាអំណោយរបស់លោកជំទាវ ឧកញ៉ា កុកអាន ប្រធានក្រុមហ៊ុនកាស៊ីណូហ្ក្រោន និង មានការចូលរួមពីអាជ្ញាធរសង្កាត់.ក្រុង។
លោកសាន ស៊ានហូ អភិបាលក្រុងប៉ោយប៉ែត មានប្រសាសន៍ថា៖ ក្រោយពីប្រជាពលរដ្ឋបោះឆ្នោតជូនគណបក្សប្រជាជនកម្ពុជា គាំទ្រ សម្រេចចិត្តជ្រើសរើស សម្តេចហ៊ុន សែន អោយដឹកនាំប្រទេសបន្ត ហើយ ក្នុងនាមលោកជាអាជ្ញាធរក្រុង រួមទាំងមន្ត្រីក្រោមឱវាទទាំងអស់ ត្រូវខិតខំបំរើប្រជាពលរដ្ឋ ដោយភាពស្មោះត្រង់។ លោកបានបញ្ជាក់ថា ផ្លូវដែលប៉ះពាល់បង្កការលំបាកដល់ប្រជាពលរដ្ឋត្រូវបានចាក់ថ្មមិកបាន៩០ភាគរយហើយ បន្ទាប់មកនិងមានការស្ថាបនាផ្លូវបេតុងបន្ថែមជាបន្តបន្ទាប់។
អំណោយក្នុងមួយគ្រួសារទទួលបាន មី១កេស ទឹកស៊ីអ៊ីវ ១យួរ ទឹកត្រី១យួរ ប៊ីចេង១កញ្ចប់ ស្ករស១គីឡូក្រាម អំបិល១ថង់ ត្រីខ១យួរ អង្ករ២០គីឡូក្រាម ភួយ១ ស្បែងជើង១គូ និងថវិកា១ម៉ឺនរៀល។ ក្នុងការចុះចែកអំណោយនេះផងដែល បញ្ជាក់អោយឃើញថា៖ អភិបាលក្រុងប៉ោយប៉ែត គឺលោកតែងតែយកចិត្តទុក្ខដាក់ ពីទុក្ខលំបាកបងប្អូនប្រជាពលរដ្ឋ ជាពិសេស លោកយាយជី តាជី និងចាស់ជរា៕