ខេត្តបន្ទាយមានជ័យ៖ កម្លាំងមូលដ្ឋានកងរាជ អាវុធហត្ថស្រុកម៉ាឡៃ ដឹកនាំដោយលោកវរសេនីយ៍ត្រី តាំង សុខហេង មេបញ្ជាការមូលដ្ឋានកងរាជអាវុធហត្ថស្រុក បានចុះប្រតិបត្តិការ បង្រ្កាបករណីជួញដូរ និងប្រើ ប្រាស់សារធាតុញៀនដោយខុសច្បាប់ និងឃាត់ខ្លួនជនសង្ស័យបានចំនួន ០២នាក់ នៅចំណុចភូមិទួលពង្រ ឃុំទួលពង្រ ស្រុកម៉ាឡៃវេលាម៉ោង ០៨ និង ០០នាទី នៅថ្ងៃទី០៦ ខែសីហា ឆ្នាំ២០១៨។ លោកវរសេនីយ៍ត្រី តាំង សុខហេង បានអោយដឹងថា៖ ដោយបានទទួលព័ត៌មាន ស្តីពីការជួញដូរ និង ប្រើប្រាស់សារធាតុញៀនដោយខុសច្បាប់ នៅចំណុចខាងលើ និងអនុវត្តន៍ តាមការអនុលោម របស់លោក មាស ច័ន្ទពិសិដ្ឋ ព្រះរាជអាជ្ញារអមសាលដំបូងខេត្ត បន្ទាយមានជ័យ លោក បានដឹកនាំកម្លាំងចុះប្រតិបត្តិការ បង្រ្កាបភ្លាមៗ និង ឃាត់ខ្លួនជនសង្ស័យបានចំនួន ០២នាក់ មានឈ្មោះដូចខាងក្រោម ៖ ១-ឈ្មោះ ខែន វាសនា ភេទ ប្រុស អាយុ ៤៥ឆ្នាំ ជនជាតិខ្មែរ បច្ចុប្បន្នស្នាក់នៅភូមិប្រជាធម្មកើត សង្កាត់ផ្សារកណ្តាល ក្រុងប៉ោយប៉ែត(ជួញដូរ) ២-ឈ្មោះ សោម វាសនា ភេទ ប្រុស អាយុ ២៥ឆ្នាំ ជនជាតិខ្មែរ បច្ចុប្បន្នស្នាក់នៅភូមិទួលពង្រ ឃុំទួលពង្រ ស្រុកម៉ាឡៃ រួមជាមួយវត្ថុតាងរួមមានៈ ១-គ្រឿងញៀនមេតំហ្វេតាមីន ទឹកកក ចំនួន ០៥កូនថង់ ស្មើ ៣.៣៨ក្រាម ២-ម្សៅក្រាមពណ៌ស(ម៉ាទឹកកក) ទម្ងន់ ៤៩៦ក្រាម៣ -ទូរស័ព្ទដៃចំនួន ០២គ្រឿង ៤-កាំបិតខ្វែវ ០២ដើម ៥-កាំបិតសាំម៉ូរ៉ៃ ០២ដើម ៦-ចំពុះ ទុង ០១ដើម ៧-ម៉ាស៊ីនកំដៅហ្សីហ្សា ០១គ្រឿង ៨-អាយកូម ពណ៌ខ្មៅចំនួន ០២គ្រឿង ៩-កូនថង់់សម្រាប់ច្រកគ្រឿង ញៀនមួយ ។ លោកវរសេនីយ៍ត្រី តាំង សុខហេង បានបញ្ជាក់ថា ៖ ក្រោយពីសាកសួរ និងទទួលបានចម្លើយសារភាព របស់ជនសង្ស័យ ខាងលើ លោក បានកសាងសំណុំរឿងបញ្ជូនជូន សង្ស័យ រួមជាមួយវត្ថុតាង ទៅទីបញ្ជាការដ្ឋានកងរាជអាវុធហត្ថខេត្ត ដើម្បីចាត់ការបន្តតាមនីតិវិធី ។ ដោយបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្ត ទទួលការងារប្រយុទ្ធប្រឆាំងគ្រឿងញៀន បានចាត់តាំងមន្ត្រីជំនាញ ដើម្បីចាត់ការបន្តតាមនីតិវិធី៕