ខេត្តព្រៃវែង៖ ហេតុការណ៍នេះបានបង្ករអោយមានការភ្ញាក់ផ្អើលទាំងព្រឹក ថ្ងៃទី១៣ ខែកញ្ញា ឆ្នាំ២០១៨ នេះ ក្រោយពីប្រទះឃើញសាកសព ឪពុក និង កូនស្រី នៅចំណុចបឹងមួយកន្លែង ក្រោយភូមិពោធិ៍រៀងត្បូង ឃុំពោធិ៍រៀង ស្រុកពោធិ៍រៀង ខេត្តព្រៃវែង។ ជនរងគ្រោះទាំង០២នាក់ រួមមានឈ្មោះដូចខាងក្រោម៖ ឳពុកឈ្មោះ រឿន រិត មានអាយុ៤៥ឆ្នាំ និងកូនឈ្មោះ រិត ស្រីម៉ិច ភេទស្រីអាយុ១៤ឆ្នាំ អ្នកទាំង០២ មានទីលំនៅ ក្នុងភូមិកើតហេតុខាងលើ។ បើយោងតាមប្រភពប្រជាពលរដ្ឋបានអោយដឹងថា ៖ នៅល្ងាចថ្ងៃទី១២ ខែកញ្ញា ឆ្នាំ២០១៨ ជនរងគ្រោះ០២នាក់ ឪពុកនិងកូន គឺគាត់បាននាំគ្នាមករាយសន្ទូចក្រោយភូមិកើតហេតុខាងលើ។ ហើយក៏បាត់ដំណឹងសូន្យមិនឃើញវិលមកផ្ទះវិញសោះ ទើបបងប្អូនក្រុមគ្រួសារ មានការសង្ស័យឆ្ងល់ លុះព្រឹកឡើងថ្ងៃទី១៣ ខែឆ្នាំដដែល ទើបគេប្រទះ ឃើញសពអ្នកទាំងពី នៅចំណុចបឹងខាង ក្រោយភូមិ។ ទើបក្រុមគ្រួសារ និង សមត្ថ កិច្ច ចុះទៅយកសពមកផ្ទះដើម្បីយកទៅធ្វើបុណ្យតាមប្រពៃណី។ តាមការពិនិត្យរបស់សមត្ថកិច្ច ជាក់ស្ដែង ជនរងគ្រោះ ពិតជាបានលង់ទឹកស្លាប់ដោយ ខ្លួនឯងមែន ខណៈពួកគេដើររាយសន្ទូច ឈានជើងចូលរណ្ដៅទឹកជ្រៅ រួចជួយគ្នាបណ្ដាលអោយលង់ស្លាប់ទាំង០២នាក់ឪពុកនិងកូនតែម្ដង៕
ព័ត៌មានគួរចាប់អារម្មណ៍
ពិធីសំណេះសំណាលជាមួយមន្ត្រីនគរបាលជាតិ ប្រចាំប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត.!!! (ប៉ោយប៉ែតប៉ុស្តិ៍)
លោកឧត្តមសេនីយ៍ទោ សិទ្ធិ ឡោះអញ្ជើញចូលរួមកិច្ចប្រជុំការងារការពារសន្តិសុខ សណ្តាប់ធ្នាប់ ព្រះរាជពិធីបួងសួងសុំសេចក្តីសុខ ជូនដល់ព្រះរាជាណាចក្រកម្ពុជា នៅ ខេត្តសៀមរាប (ប៉ោយប៉ែតប៉ុស្តិ៍)
លោកវរសេនីយ៍ទោ ព្រហ្ម ពិសិដ្ឋ អធិការនៃអធិការដ្ឋាននគរបាលក្រុងប៉ោយប៉ែត បានដឹកនាំកម្លាំងនៃអធិការដ្ឋាននគរបាលក្រុង ប្រជុំដាក់ផែនការ ការពាររក្សា សន្តិសុខ សុវត្ថិភាព ជូនថ្នាក់ដឹកនាំ និងដាក់ទិសដៅបន្តរក្សាសន្តិសុខសណ្ដាប់ធ្នាប់ ជូនបងប្អូន ដែររស់នៅក្នុងក្រុងប៉ោយប៉ែត នាឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ.. (ប៉ោយប៉ែតប៉ុស្តិ៍)
ការរៀបចំសំណង់ និងការតុបតែងផ្សេងៗនៃព្រឹត្តិការណ៍អង្គរសង្ក្រាន្ត នៅបរិវេណមុខប្រាសាទអង្គរវត្តបានចាប់ផ្តើមបង្ហាញសម្រស់ហើយ (ប៉ោយប៉ែតប៉ុស្តិ៍)
លោកឪពុកអ្នកម្តាយ លោក សុខ វុទ្ធី និងភរិយា គឺ អ្នកស្រី តាំង សុខមុំ ព្រមទាំងក្រុមការងារបានបន្តនាំយក សម្ភារៈសិក្សា និងថវិកា ចែកជូនដល់សិស្សានុសិស្ស ៤៥៨ នាក់ (ប៉ោយប៉ែតប៉ុស្តិ៍)
វីដែអូ
ចំនួនអ្នកទស្សនា