ក្រុងប៉ោយប៉ែតៈរថយន្តក្រុង(របស់ក្រុមហ៊ុនប្លូបើស)ដឹកអ្នកដំណើរ បើកបុក ម៉ូតូ១គ្រឿង កំពុងតែជិះស្របទិសគ្នា រួចចុះគេចខ្លួនបាត់មួយរំពេច..!!!
ខេត្តបន្ទាយមានជ័យ៖ ក្រុងប៉ោយប៉ែតៈ រថយន្តក្រុង៤៥ កៅអី (របស់ក្រុមហ៊ុនប្លូបើស) ដឹកអ្នកដំណើរ បើកបរខ្វះការប្រុងប្រយ័ត្ន បើកបុកម៉ូតូ១គ្រឿង កំពុងតែជិះស្របទិសគ្នា ពីកើតទៅលិច បណ្តាលអោយបុរសម្នាក់រងរបួសធ្ងន់ បង្កការភ្ញាក់ផ្អើលទងព្រឹកព្រលឹម ក្រោយពីបុកម៉ូតូភ្លាមៗនោះ តៃកុងរថយន្ត ចុះគេចខ្លួនបាត់ស្រមោលតែម្តង ចំណែក ជនរង គ្រោះ ត្រូវបានដឹកយកទៅ សង្រ្គោះនៅមន្ទីរពេទ្យបង្អែកដីថ្មី២ ជាបន្ទាន់ នៅព្រឹក ថ្ងៃទី១៤ ខែកញ្ញា ឆ្នាំ២០១៨ នេះ។
ករណីគ្រោះថ្នាក់ចរាចរណ៍នេះ បានកើតឡើង នៅវេលាម៉ោង០៥ និង ៣០នាទី ភ្លឺ លើផ្លូវជាតិលេខ៥ ត្រង់ចំណុចខាងមុខយាន្តដ្ឋាន ជួសជុលរថយន្ត ម៉ូលីណា ស្ថិតក្នុងភូមិបាលិ លេយ្យ២ សង្កាត់ និង ក្រុងប៉ោយប៉ែត ខេត្តបន្ទាយមានជ័យ។
ក្រោយពេលកើតហេតុ ប៉ូលីស ចរាចរណ៍ក្រុងប៉ោយប៉ែត បានធ្វើការវាស់វែង និងជួយកែ សម្រួលចរាចរណ៍ ជូនដល់ប្រពលរដ្ឋ ដែលកំពុងធ្វើដំណើរផងដែល។ លោក ឈឿន ប៊ុនថា អធិការរងក្រុងប៉ោយប៉ែត ទទួលការងារផ្នែកចរាចរណ៍ បានប្រាប់សារព័ត៌(ប៉ោយប៉ែតប៉ុស្តិ៍)អោយដឹងថា៖ ក្នុងហេតុការណ៍នេះដែរ បើយោងតាមសម្តី អ្នកបានឃើញកើតហេតុដំបូង ថា៖ ម៉ូតូ ជនរងគ្រោះ ជិះខាងមុខរថយន្តក្រុង ដោយសារផ្លូវជាតិលេចទឹក ទើបបណ្តាលអោយម៉ូតូ រលត់ ហើយត្រូវរថយន្តបើកពីក្រោយចាប់ប្រាំងមិនទាន់ ក៏បុកម៉ូតូ តែម្តងទៅ តៃកុងឃើញហេតុការដូច្នេះ រួចចុះគេចខ្លួនបាត់មួយរំពេចទៅ។
លោក ឈឿន ប៊ុនថា អធិការង ក្រុងប៉ោយ ប៉ែត បានបន្តទៀតថា៖ រថយន្តខូចខាតស្រាល និង ម៉ូតូខូចខាតធ្ងន់ ត្រូវយកមករក្សាទុក នៅអធិការដ្ឋាននគរបាលក្រុងប៉ោយ ប៉ែត រង់ចាំការដោះស្រាយគ្នានៅពេលក្រោយ៕