សេចក្តីជូនដំណឹងៈ រដ្ឋបាលក្រុងប៉ោយប៉ែត ស្តីពី ការផ្អាកធ្វើចរាចរណ៍ ជាបណ្តោះអាសន្ន ចំពោះរថយន្តធុនធំ ក្នុងអំឡុងពេលទឹកលិចផ្លូវ ក្នុងក្រុងប៉ោយប៉ែត..!!!
ខេត្តបន្ទាយមានជ័យ៖ រដ្ឋបាលក្រុងប៉ោយប៉ែតៈ មានកិត្តិយស សូមជម្រាបជូនដំណឹងដល់សារធារណៈជន និង ម្ចាស់រថយន្តធុនធំទាំងអស់ ដែលធ្វើដំ ណើរតាមផ្លូវជាតិលេខ៥ និងផ្លូវលំនានាក្នុងភូមិសាស្ត្រ ទីប្រជុំជនក្រុងប៉ោយប៉ែត អោយបានជ្រាបថា៖ ប៉ុន្មានថ្ងៃចុងក្រោយនេះ មានភ្លៀងធ្លាក់ជាបន្តបន្ទាប់ ធ្វើឱ្យបរិមាណទឹកឡើងកើនកំហុក បណ្តាលអោយលិចផ្លូវជាតិលេខ៥ និង ទីប្រជុំជនក្រុងប៉ោយប៉ែត ចុះថ្ងៃសុក្រ ទី១៤ ខែកញ្ញា ឆ្នាំ២០១៨ ។
ដើម្បីការពារសុវត្ថិភាព និងជៀសវាងការខូចផ្លូវធ្ងន់ធ្ងរ រដ្ឋបាលក្រុងសូមអំពាវនាវដល់សារធារណៈជន និង ម្ចាស់រថយន្តធំៗទាំងអស់ផ្អាក់ការធ្វើចរាចណ៍ ជាបណ្ដោះអាសន្ន តាមដងផ្លូវជាតិលេខ៥ និងផ្លូវក្នុងទីប្រជុំជន ក្នុងក្រុង ចាប់ពីពេលនេះតទៅ រហូតដល់ទឹក ស្រកទៅវិញអស់។
ទទួលបានសេចក្តីជូនដំណឹងនេះ រដ្ឋបាលក្រុង សង្ឃឹមយ៉ាងមុតមាំថា៖ សារធារណៈជន ម្ចាស់រថយន្តធំៗទាំងអស់ ចូលរួមសហការអនុវត្ត តាមខ្លឹមសារនៃសេចក្ដីជូនដំណឹងនេះ ប្រកបដោយទំនួលខុសត្រូវខ្ពស់៕