បទល្មើសនេសាទចំនួន៣កន្លែងក្នុងស្រុកកំពង់សៀម ត្រូវបានសមត្ថកិច្ចធ្វើការបង្ក្រាបនឹងរឹបអូសបានវត្ថុតាងជាច្រើនទៀត...
ខេត្តកំពង់ចាម៖ ករណីបទល្មើសនេសាទចំនួន៣កន្លែងផ្សេងគ្នា ត្រូវបានកម្លាំងខណ្ឌរដ្ឋបាលជលផលខេត្តកំពង់ចាមសហការណ៍ជាមួយកម្លាំងសមត្ថកិច្ចនគបាលស្រុកកំពង់សៀមចុះបង្ក្រាបកាលពីថ្ងៃទី២០ខែកញ្ញាឆ្នាំ២០១៨ស្ថិតនៅក្នុងស្រុកកំពង់សៀម។
សមត្ថកិច្ចបានអោយដឹងថាការចុះប្រតិបត្តិការបង្ក្រាបករណីបទល្មើសនេសាទចំនួន៣ទីតាំងនោះកម្លាំងជំនាញរឹបអូសបានវត្ថុតាងរួមាន លូស្បៃមុងចំនួន០៩មាត់ របាំស្បៃមុងប្រវែង២៧០មែត្រ បង្គោលចម្រឹងចំនួន១៣៥ដើមនឹងរឹបអូសបានកូនត្រីចំរុះហើយប្រលែងទៅវិញមានចំនួន៨១គីឡូរក្រាមដែលមានទីតាំងនៅក្នុងបឹងអញ្ចាញស្ថិតក្នុងឃុំវិហាធំស្រុកំពង់សៀម។
ទីតាំងទី២ស្ថិតនៅក្នុងភូមិរោងដំរីឃុំវិហាធំស្រុកកំពង់សៀមសមត្ថកិច្ចរឹបអូរបានលបព្រឹសមួយរយចំនួន ១៧ខ្សែនឹងទីតាំងទី៣នៅក្នុងក្បាលទំនប់ជ្រោយចេករហូតដល់វត្តទួលរកា ភូមិល្ពាក ឃុំស្រក ស្រុកកំពង់សៀម កម្លាំងជំនាញរឹបអូសបានលូស្បៃមុងចំនួន២០មាត់ របាំងស្បៃមុងប្រវែង១០៥០ម៉ែត្រ បង្គោលចម្រឹងចំនួន៣០០ដើមនឹងរឹបអូសបានកូនត្រីចម្រុះនឹងបានប្រលែងវិញចំនួន៧០គីឡូក្រាម។
សមត្ថកិច្ចបានអោយដឹងបន្ថែមទៀតថាករណីចុះបង្ក្រាបបទល្មើសនេសាទទាំង៣ទីតាំងផ្សេងៗគ្នាក្នុងស្រុកកំពង់សៀមកម្លាំងជំនាញរឹបអូសបានវត្ថុតាងសរុបរួមមានលូស្បៃមុងចំនួន២៩មាត់ របាំងស្បៃមុងប្រវែង១៣២០ម៉ែត្របង្គោលចម្រឹងចំនួន៤៣៥ដើម លបព្រឹសមួយរយចំនួន១៧ខ្សែររឹបអូសបានកូនត្រីនឹងប្រលែងវិញចំនួន១៥១គីឡូក្រាម។
ក្រោយពីចុះបង្ក្រាបករណីបទល្មើសនេសាទចំនួន៣ទីតាំងខាងលើ នឹងរឹបអូសបានវត្ថុតាងហើយកម្លាំងជំនាញបានប្រមូលនឹងយកទៅដុតបំផ្លាញតែម្តង៕