អនិច្ចារពលករខ្មែរ០២នាក់ ចោលជីវិតស្រុកថៃ ដោយសារ ជួបគ្រោះថ្នាក់ចរាចរណ៍ ក្រឡាប់រថយន្ត និង រងរបួសធ្ងន់០៤នាក់..!!!
ខេត្តប្រាជីនបូរី៖ ប្រទេសថៃៃៈ មានករណីក្រឡាប់រថយន្ត ដោយសារតែផ្ទុះកង់ឡាន បង្កអោយពលករខ្មែរ ០២ នាក់ បានស្លាប់ និង០៤នាក់ទៀតរងរបួសធ្ងន់ ហេតុការណ៍នេះ បានកើតឡើង កកាលពីល្ងាច ថ្ងៃទី២១ ខែកញ្ញា ឆ្នាំ២០១៨។
បើតាមសមត្ថកិច្ចកម្ពុជា ដែលស្រង់ប្រភពពី ពលករខ្មែរ ដែលជួបគ្រោះថ្នាក់ចរាចរណ៍បណ្តាលស្លាប់ និង រងរបួស មានឈ្មោះដូចខាងក្រោមៈ ១- ឈ្មោះ ម៉ៅ ម៉ូលីកា ភេទស្រីអាយុ៣០ឆ្នាំមានទីលំនៅភូមិខ្នាសង្កាត់ជ្រៀវ ក្រុងសៀមរាប ខេត្តសៀមរាម។ ២.ឈ្មោះ ដុក លីដា ភេទស្រី អាយុ២០ឆ្នាំមានទីលំនៅ ភូមិឫស្សីក្រោក ស្រុកមង្គលបុរី ខេត្តបន្ទាយមានជ័យ។
អ្នករងរបួស ៣-ឈ្មោះ កេត គន្ធា ភេទស្រី អាយុ២០ឆ្នាំ មានទីលំ រស់នៅភូមិសង្កាត់បឹងទំពុន ខណ្ឌមានជ័យ រាជធរាជធានីភ្នំពេញរបួសបាក់ចង្កេះ។ ៤-ឈ្មោះ សុង ពិសី ភេទស្រី អាយុ១៨ឆ្នាំ មានទីលំនៅភូមិវត្តស្វាយសង្កាត់សាលាកំរើក ក្រុងសៀមរាប ខេត្តសៀមរាប របួសភ្នែកឆ្វេង។ ៥-ឈ្មោះ ជាស៊ុយលី ភេទស្រី អាយុ២៤ឆ្នាំ មានទីលំនៅភូមិកិត្តិយស ឃុំព្រៃជ្រូក ស្រុកពួកខេត្តសៀមរាប ររបួសជើង។
៦-ឈ្មោះ រឹទ្ធ សុលាភ ភេទប្រុស អាយុ២១ឆ្នាំមានទីលំ រស់នៅភូមិមណ្ឌល ឃុំស្វាយដង្គុម ក្រុងខេត្តសៀមរាប របួសក្បាល។
សមត្ថកិច្ចថៃបានបញ្ជាក់អោយដឹងទៀតថា៖ នៅមុនពេលកើតហេតុ ពលករខ្មែរចំនួន ០៦ នាក់ ធ្វើដំណើរតាមរថយន្តឈ្នួល ដើម្បីទៅទិញឥវ៉ាន់ នៅទីក្រុងបាងកក លុះមក ដល់ចំណុចកើតហេតុ រថយន្តផ្ទុះកង់ បណ្តាលអោយក្រឡាប់ធ្លាក់ចូលស្នាមភ្លោះតែម្តង។
ក្រោយពេលសមត្ថកិច្ចថៃ ទៅដល់កន្លែងកើតហេតុ និង ជួយយកមនុស្សចេញពីរថយន្ត ប៉ុន្តែ គួរអោយសោកស្តាយ ពលករខ្មែរ បានស្លាប់ ០២ នាក់ ទៅហើយ និង ០៤ នាក់ទៀតរងរបួសធ្ងន់ ត្រូវបានបញ្ចូនទៅសង្គ្រោះនៅមន្ទីរពេទ្យ ក្នុងប្រទេសថៃ ចំណែកអ្នកស្លាប់ ត្រូវបានអគ្គកុងស៊ុល កម្ពុជា ប្រចាំប្រទេសថៃ រៀបចំបែបបទ បញ្ជូនមកប្រទេស កម្ពុជា វិញ តាមច្រកអន្តរជាតិប៉ោយប៉ែត ជាបន្តបន្ទាប់ ដើម្បីប្រគល់សព ទៅអោយក្រុមគ្រួសារ៕
