ពីនាក់តាយាយ អកុសលអ្វីម្លះ ត្រូវរថយន្តបុកដាច់ជាពីកំណាត់ ស្លាប់យ៉ាងអាណោចអាធ័ម...
ខេត្តបន្ទាយមានជ័យ ៖
ពិតជាគួរអោយអាណោចអាធ័មណាស់លោកអើយ… ខណៈតាយាយ២នាក់ កំពុងជិះម៉ូតូដោយមានបីចៅអាយុ៨ខែ ទៅទិញថ្នាំ ស្រាប់ តែជួបគ្រោះអកុសល ត្រូវរថយន្តបុកពីក្រោយ បបណ្តាលអោយស្លាប់ ហហើយដាច់ជាពីកំណាត់ ហេតុការណ៍គ្រោះថ្នាក់ចរាចរដ៌រន្ធត់មួមួយនេះ បានកើតឡើង នៅព្រឹកថ្ងៃទី២៣ ខែកញ្ញា ឆ្នាំ២០១៨ លើដងផ្លូវជាតិលេខ២៥៨ D ចំណុច ៩៩ ក្នុងភូមិស្នួលទ្រេត ឃុំអូរបីជាន់ ស្រុកអូរបីជាន់ ខេត្តបន្ទាយមានជ័យ។
ជនរងគ្រោះឈ្មោះ សៀក សេ អាយុ៥៧ឆ្នាំ ប្រពន្ធឈ្មោះ ចៀប ឡេង អាយុ៦៥ឆ្នាំ ចៅស្រីដែលរួចជីវិត ឈ្មោះ ម៉ី លីឌៀ អាយុ៨ខែ។ ជនរងគ្រោះទាំង៣នាក់ រស់នៅក្នុងភូមិឃុំកើតហេតុខាងលើ ជិះម៉ូតូម៉ាកសង់ សេ125 ពណ៌ខ្មៅ សេរីឆ្នាំ2003 ពាក់ស្លាកលេខ បន្ទាយមានជ័យ 1H-3170។
ប្រភពបានប្រាប់ថា៖ មុនពេលកើតហេតុ ជនរងគ្រោះជាប្តី បានបើកបរ ដឹកប្រពន្ធ និងចៅ គ្រោងទៅរកទិញថ្នាំ នៅផ្សារអូរបីជាន់ អោយចៅលេប លុះមកដល់ចំណុចកើតហេតុ ស្រាប់តែត្រូវរថយន្តមួយគ្រឿង បើបើកបរស្របទិសគ្នា បានបុកកិនពីក្រោយពេញ ទំហឹង បណ្តាលអោយពីនាក់ តា យាយ ស្លាប់យ៉ាងអាណោចអាធ័ម (យាយដាច់ជាពីកំណាត់) ឯចៅស្រីគ្រាន់តែរងរបួសតិចតួច ស្រែកយំលើទ្រូងជីដូន។
ក្រោយកើតហេតុ ជនបង្ករបានរត់គេចខ្លួន ដោយបន្សល់ទុករថយន្ត នៅចំណុចភូមិចំកាគរ ឃុំស្វាយចេក រីឯសពរងគ្រោះ ត្រូវបានសាច់ញាតិ នាំយកទៅតម្កល់នៅវត្តសាមគ្គីវ័ន្ត ហៅស្នួលត្រេត ដើម្បីធ្វើបុណ្យតាមប្រពៃណី៕