បែកធ្លាយក្លិនមិនល្អ ចេញពីមន្ទីរសុខាខេត្តរតនគិរី ដែលលួចតែងតាំងស្ងាត់ៗដល់មន្ត្រី ១ រូប កាន់ការងារ ៣ កន្លែង សុទ្ធតែជាកន្លែងខ្លាញ់គោ..!!!
ខេត្តរតនគិរី៖ តើពិតដែលឬទេ.! បើតាមប្រភពព័ត៌មាន សូមមិនបញ្ចេញឈ្មោះ បានអោយដឹងថា៖ លោក អ៊ុង រតនា បានតែងតាំង មនុស្សជំនិតរបស់ខ្លួន គឺ លោក ហួន ហ៊ីង ពីមន្ត្រីធម្មតា មកជាប្រធានការិយាល័យរដ្ឋាបាល - បុគ្គលិក នឹងត្រូវបំពេញការបន្ថែមជាគណនេយ្យមន្ទីរពេទ្យបង្អែកខេត្តរតនគិរី បន្ថែម លើមុខងារ បើយោងតាមលិខិតមួយច្បាប់លេខ១២៣៣ មសុខ.ររ របស់មន្ទីរសុខាភិបាលខេត្ត ដែលចុះហត្ថលេខា ដោយលោក អ៊ុង រតនា ។
មន្ត្រីជាច្រើនក្នុងមន្ទីរសុខាខេត្ត និង មន្ទីរពេទ្យបង្អែកខេត្ត មានការនឿយឆ្ងល់ ហេតុអ្វីបានជាលោក អ៊ុង រតនា តែងតាំងមនុស្សម្នាក់ការងារដល់ ៣កន្លែង តាមទំនើងចិត្ត ចុះមន្ត្រីដែលកំពុងតែបំពេញការងារ តើត្រូវទុកគេ នៅកន្លែងណាវិញ ? ឬក៏លោកប្រធានមន្ទីរចង់ក្រសោបការងារនោះ តែម្នាក់ឯង ឬមួយយ៉ាងណា។
រហូតមកដល់ពេលនេះ ភ្នាក់ងារសារព័ត៌មាន មិនអាចសុំការបកស្រាយពីលោក អ៊ុង រតនា និង លោក ហួន ហ៊ីង បានទេ ដោយគ្មានលេខទូរស័ព្ទទំនាក់ទំនង សង្ឃឹមថា៖ ដំណឹងនេះនឹងលិចលឺដល់ឯកឩត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ដើម្បីមានវិធានការ នឹងអនុវត្តន៍លើមន្ត្រី បក្សពួក និយម ប្រឆាំង នឹង.អនុក្រិតតែងតាំងមុខងារ ៕