ខេត្តបន្ទាយមានជ័យ៖ (ក្រុងប៉ោយប៉ែត) ហេតុការណ៍គ្រោះថ្នាក់ចរាចរណ៍មួយ ដ៏រន្ធត់ បណ្តាលឱ្យមានអ្នករងរបួស ០៣នាក់ និងស្លាប់ម្នាក់នៅកន្លែងកើតហេតុ។ ដែលហេតុ ការណ៍នេះ បានកើតឡើង នៅថ្ងៃទី ៣០ ខែ កញ្ញា ឆ្នាំ២០១៨ វេលាម៉ោង ១៤និង២០នាទី លើផ្លូវជាតលេខ៥ ត្រង់ចំណុចខាងកើតស្ថានីយ៍ដឹកអ្នកដំណើរ ស៊ូជីង ចម្ងាយប្រហែ ល ៥០ម៉ែត្រ ស្ថិតក្នុងភូមិអណ្តូងថ្មមាស សង្កាត់និងប៉ោយប៉ែត ខេត្តបន្ទាយមានជ័យ។ បើតាមពលរដ្ឋនៅកន្លែងកើតហេតុ បានឱ្យដឹងថា៖ មានម៉ូតូ០១គ្រឿងម៉ាកវ៉េវ ពណ៌ខៀវ ពុំមានស្លាកលេខ (ជិះគ្នា០៤នាក់) បើកបរចេញ ពីអាហារដ្ឋាន អូរខៃដន ហើយបើកសសៀរខាងឆ្វេងដៃ (ពីកើតទៅលិច ) បើកជិតដល់ចំណុចកើតហេតុបានសិុីញ៉ូស្តាំ ហើយឆ្លងផ្លូវ ផុតគំនូស ពាក់កណ្តាលទ្រូងផ្លូវ បានបន្តិច ស្រាប់តែមានរថយន្តដឹកដី ០១គ្រឿង ម៉ាកហុីណូ ពណ៌ស ពុំពាក់ស្លាកលេខ បើកពីកើតទៅលិច បានកៀរនិងម៉ូតូខាងលើ បណ្តាលអោយម៉ូតូខ្ទាតទៅមុខ ហើយចំណែកអ្នកជិះម៉ូតូខាងក្រោយ បានធ្លាក់ចូលកង់ក្រោយ ខាងស្តាំរថយន្ត បណ្តាលអោយកិនស្លាប់មនុស្សស្រីម្នាក់ និងរងរបួសស្រាល០៣នាក់ ។ អ្នករងរ បួស និងអ្នកស្លាប់មានឈ្មោះ ដូចខាងក្រោម៖០១.ឈ្មោះ ម៉ៅ ស្រីអូន ភេទស្រី អាយុ ២៩ ឆ្នាំ មុខរបរបុគ្គលិកសាលារៀនអេលីហ្គឹន(រងរបួសស្រាល)អ្នកបើកបរម៉ូតូ ។ ០២.ឈ្មោះ ឌឿន ស្រីម៉ៅ ភេទស្រី អាយុ ២៧ ឆ្នាំ មុខរបរកម្មករសំណង់ (រងរបួសស្រាល) អ្នករូមដំណើរលើម៉ូតូ។០៣.ឈ្មោះ សំ ស្រីទាវ ភេទស្រី អាយុ២១ ឆ្នាំ មុខរបរធ្វើស្រែ (រងរបួស ស្រាល) អ្នករួមដំណើរលើម៉ូតូ។០៤.ឈ្មោះ ខុន ភត្ត្រា ភេទស្រី អាយុ១៦ ឆ្នាំ មុខរបរបុគ្គលិកសាលរៀន អេលីហ្គឹន (ស្លាប់នឹង កន្លែង) អ្នករួមដំណើរលើម៉ូតូ ។ លោកអនុសេនីយ៍ឯក សុិន ដូនី បានប្រាប់ អង្គភាព ព្រាប ស ព័ត៌មានថា៖ អ្នកទាំងបួននាក់ខាង លើ ស្នាក់នៅផ្ទះជួល ស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ លោកបានបន្តទៀតថា៖ ចំនែកអ្នកបើកបររថយន្ត (ក្តាប់ឈ្មោះពុំបាន) បានទុករថយន្តចោល ចុះរត់គេចខ្លួនបាត់ស្រមោលតែម្តង។ នៅក្នុងនោះផងដែរ ក៏មានវត្តមាន លោកនួន នីគីដា អ្នកជួយផ្នែក មនុស្សធម៌ គ្មានព្រំដែន បានចុះមក ជួយ សម្អាត សាកសព រួចដឹកយកមកតម្កល់ នៅវត្តផ្សារកណ្តាល រង់ចាំសាច់ញាតិ មកធ្វើបុណ្យ។ លោកសុិន ដូនី បានបញ្ជាក់ បន្ថែមទៀតថា៖ ចំពោះរថយន្តបង្ក លោកនៅកំណត់អត្តសញ្ញាណ មិនទាន់បាននោះឡើយ ហើយលោកនិងបើកការសុើបអង្កេត រកម្ចាស់រថយន្ត មកទទួលខុសត្រូវ ចំពោះមុខច្បាប់។ បច្ចុប្បន្ន សមត្ថកិច្ចចរាចរណ៍ បានយកម៉ូតូ (ខូចស្រាល)និងរថយន្ត(ខូចស្រាល) មករក្សា ទុកនៅអធិការដ្ឋាន នគរបាលក្រុងប៉ោយប៉ែត៕
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា