ជនជាតិចិន ០២ នាក់ ដែលជាជនសង្ស័យប្រើប្រាស់អាវុធ បាញ់ប្រហារទៅលើ ជនជាតិ ចិន ដូចគ្នា កាលពីយប់ថ្ងៃទី១៦ ខែកក្កដា ឆ្នាំ២០១៨ ត្រូវបានកម្លាំងសមត្ថកិច្ចចាប់ខ្លួនបានហើយ...
ខេត្តព្រះសីហនុ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានប្រាប់ (សារព័ត៌មានប៉ោយប៉ែតប៉ុស្តិ៍) អោយដឹងជាបឋមថា៖ នៅល្ងាចថ្ងៃ០៦ ខែកញ្ញា ឆ្នាំ ២០១៨។ នគរបាល បានស្រាវ ជ្រាវឈានទៅដល់ការចាប់ខ្លួនជនសង្សយ័ ជាជនជាតិចិន បានចនួន ០២ នាក់ ដែលជាជនសង្ស័យ ធ្វើសកម្មភាពប្រើប្រាស់ អាវុធបាញ់ជនជាតិ ចិន ដូចគ្នា បណ្តាលអោយរងរបួសចំនួន០៤នាក់ នៅក្រុងព្រះសីហនុ កាលពីយប់ថ្ងៃទី១៦ ខែកក្កដា ឆ្នាំ២០១៨ កន្លងទៅ ក្នុងនោះនគរបាល បានដកបានកាំភ្លើងចំនួន០២ ដើម រួមនិងគ្រាប់កាំភ្លើងជាច្រើនគ្រាប់ផងដែរ។
លោកឧត្តមសេនីយ៍ទោ ជួន ណារិន្ទ បញ្ជាក់ថា៖ ជនសង្សយ័ទាំង ០២ រូប នគរបាលនឹងបង្ហាញខ្លួន សាវតានៃរឿង និង អត្តសញ្ញាណនៅថ្ងៃស្អែកទី ០៧ ខែកញ្ញា ឆ្នាំ២០១៨ នេះ។
សូមបញ្ជាក់ថា៖ ជនដៃដល់បានបាញ់ប្រហារទៅលើជនរងគ្រោះ ពេលកំពុងផឹកស៊ីនៅក្នុងហាងមួយកន្លែង « ស៊ី ហ៊ូ » ក្នុងសង្កាត់លេខ ០៣ ក្រុងព្រះសីហនុ បណ្តាលជនរងគ្រោះ ០៤ នាក់ រងរបួសលើដងខ្លួន និង ជើង រួចបានរត់គេចខ្លួន តែទីបំផុតត្រូវបានសមត្ថកិច្ចចាប់ខ្លួន យកមកផ្តន្ទាទោសតាមផ្លូវច្បាប់៕