ខេត្តព្រៃវែង៖ ប្រភពច្បាស់ការបានអោយដឹងថា៖ កាស៊ីណូគ្មានឈ្មោះមួយកន្លែងជាប់ប៉ុស្ដិ៍ត្រួតពិនិត្យនគរបាលស្វាយអាង៉ោងល្បីថា៖ លោក លេង ប៊ុនលាង មេប៉ុស្តុិ៍នគរបាលតំបន់ព្រំដែន ស្វាយអាង៉ោង ភូមិរោង ឃុំចាម ស្រុកកំពុងត្របែក ខេត្តព្រៃវែង មិនបង្ក្រាប បែជាបើកដៃអោយពលរដ្ឋខ្មែរចូលេងល្បែងស៊ីសងជល់មាន់ក្នុងកាស៊ីណូ និងជនជាតិវៀតណាម យកមាន់ជល់ឆ្លងដែនខុសច្បាប់ ចូលមកលេងភ្នាល់ដាក់លុយក្នុងកាស៊ីណូ គ្មានឈ្មោះយ៉ាងអនាធិបតេយ្យទៅវិញ។ ទង្វើរបស់មេប៉ុស្តិ៍នគរបាលតំបន់ព្រំដែន ស្វាយអាង៉ោង អាចបញ្ជាក់បានថា៖ ហ៊ានផ្គើនទៅនិងអនុសាសន៍សម្តេចក្រឡាហោម ស ខេង យ៉ាងពេញបន្ទុក ឯណាទៅភូមិឃុំមានសុវត្ថិភាពទាំង៩ចំណុច។ គួរបញ្ជាក់ផងដែរថា៖ កាលពីថ្ងៃទី១៥ ខែតុលា ឆ្នាំ២០១៩ ថ្មីៗនេះ គេសង្កេតឃើញមានពលរដ្ឋខ្មែរចូលលេងក្នុងកាស៊ីណូ និង ជនជាតិវៀតណាម ឆ្លងដែនខុសច្បាប់ ដោយប្រើមធ្យោបាយតាមទូកចំលង លួចចូលមកទឹកដីខ្មែររាប់សិបនាក់ ដើម្បីមកលេងល្បែងភ្នាល់បញ្ជល់មាន់ក្នុងកាស៊ីណូ ជាប់ប៉ុស្ដ៍ត្រួតពិនិត្យក្នុងតំបន់ព្រំដែន ស្វាយអាង៉ោង។ ប្រភពច្បាស់ការពីពលរដ្ឋដែលរស់នៅជាប់តំបន់ពរំដែនស្វាយអាង៉ោង បានបព្ជាក់ថា៖ កាស៊ីណូគ្មានឈ្មោះ គ្មានផ្លាកយីហោរមួយនេះ បានបើកកន្លែងសៃវានបញ្ជល់មាន់ខុសច្បាប់រាល់ថ្ងៃបានដោយរលូន ហើយពលរដ្ឋរស់នៅទីនោះបានអោយដឹងថា៖ មិនដែលឃើញមានអាជ្ញាធរមានសមត្រកិច្ចជំនាញខេត្តព្រៃវែង ធ្វើការបង្ក្រាបម្តងណាឡើយមកទល់សព្វថ្ងៃនេះ ក្រោមរូបភាពលេងភ្នាល់បញ្ជល់មាន់ដាក់ប្រាក់ពាន់ម៉ឺនៗ និង សម្លេងហូរកញ្ជ្រោលរំពងអេឺងកង គេដាក់ការសង្ស័យថា៖ ការមិនបង្ក្រាបនេះ ព្រោះអាចជាឆ្នាំងបាយរបស់អាជ្ញាធរមានសមត្ថកិច្ចពាក់ព័ន្ធប្រចាំការនៅទីនោះហើយមើលទៅនោះ។ ប្រភពបានបព្ជាក់ទៀតថា៖ ក្រុមជនជាតិវៀតណាម ដែលញៀនលេងល្បែងបញ្ជល់មាន់មួយចំនួន បានលួចឆ្លងដែនខុសច្បាប់តាមទូក សម្រុកចូលមកក្នុងទឹកដីខ្មែរ ដោយពុំបានឆ្លងកាត់ប៉ុស្ដ៍ត្រួតពិនិត្យឬបព្ជាាក់ការចេញចូលត្រឹមត្រូវនោះទេ ហើយគេមិនដឹងថា៖ មេប៉ុស្ដ៍ដែលអង្គុយចាំត្រួតពិនិត្យតំបន់ព្រំដែនស្វាយអាង៉ោង ច្រកចេញចូលខ្មែរ វៀតណាម បានដឹងហើយ ឬធ្វើជាមិនដឹង បានជាបណ្ដែរបណ្ដោយអោយក្រុមជនជាតិវៀតណាម លួចឆ្លងដែនខុសតាមតែអំពើរចិត្ត ឬមួយក៏លោកមេប៉ុស្ដ៍ឃុបឃិតជាមួយថៅកែការស៊ីណូ។ ពលរដ្ឋដែលមានប្ដីញៀនល្បែង សុំមិនបញ្ចេញឈ្មោះ សូមណូមពរដល់ឯកឧត្ដម ជា សុ មេធី អភិបាលខេត្ត និង លោក ព្រុំ សន្ធ ស្នងការខេត្តព្រៃវែង ជួយលុបបំបាត់ទីតាំងល្បែងស៊ីសងជល់មាន់ក្នុងកាស៊ីណូអត់ច្បាប់មួយនេះផង បើពុំដូច្នេះទេ វាអាចនិងកើតមាននូវអំពើរចោរកម្ម លួចប្លន់ ជួញដូរគ្រឿងញៀនឆ្លងដែនខុសច្បាប់ និងអំពើរហឹង្សារក្នុងគ្រួសារ បែកបាក់ប្រពន្ធកូន លក់អស់ផ្ទះសម្បែង ទ្រព្យសម្បត្តិមានតម្លៃជាច្រើនត្រូវបំផ្លាញដោយសារតែលោកប្ដីញៀនល្បែងហើយ។ ដែលកន្លងមកសម្តេចក្រឡាហោម ស ខេង បានដាក់បញ្ជាយ៉ាងម៉ឺងម៉ាត់ដល់មន្ត្រីថ្នាក់ជាតិ ទាំងទាហានការពារព្រំដែន និងប៉ូលីស ច្រកព្រំដែន ត្រូវរក្សាការពារបទបញ្ជា ភូមិឃុំមានសុវត្ថិភាពទាំង៩ចំណុចអោយខានតែបាន ជាពិសេសជនអន្តោប្រវេសន៍ដែលលួចចេញចូលឆ្លងដែនខុសច្បាប់ប្រទេសជិតខាង ព្រោះជាកត្តា ដែលជនទាំងឡាយនោះ ឆក់ឱកាស រកស៊ីបទល្មើសផ្សេងៗ និងអំពើរចោរកម្ម ឃាតកម្ម លួចចូលសម្ងំ គេចពីសំណាញ់ច្បាប់បាន។ ជុំវិញករណីខាងនេះ ក្រុមការងារយើងខ្ញុំ មិនអាចធ្វើការទំនាក់ទំនងទៅលោក ព្រុំ សន្ធ ស្នងការខេត្តព្រៃវែង បកស្រាយបំភ្លឺបាននៅឡើយទេ ដោយពុំស្គាល់លេខទូរស័ព្ទរបស់លោក ហើយអង្គភាព គេហទំព័រ ប៉ោយប៉ែតប៉ុស្តិ៍ សូមស្វាគមន៍រងចាំសាមី អោយបកស្រាយបំភ្លឺឡើងវិញជុំវិញករណីខាងលើនៅពេលក្រោយរៀងរាល់ម៉ោងធ្វើការផ្សាយ តាមរយៈលេខទូរស័ព្ទTel.092190098/ 0886606773 ការិយាល័យនិពន្ធ៕ ដោយៈ លោក សេង រត្ន័ និពន្ធនាយករង គេហទំព័រ ប៉ោយប៉ែតប៉ុស្តិ៍ www.poipetpostnews.com