ខេត្តសៀមរាប៖ កិច្ចសហការចុះប្រតិបត្តិការឆែកឆេរគ្រឿងញៀនដ៏ច្រើននៅព្រលានយន្តហោះអន្តរជាតិសៀមរាប ខណៈនារីជនជាតិថៃ០២នាក់ គ្រោងនាំឡើងយន្តហោះ រួមជា មួយថ្នាំញៀន ២៧.៣០ គីឡូក្រាម ត្រូវបានសមត្ថកិច្ចជំនាញឃាត់ខ្លួនបាន ដែលហេតុការណ៍នេះគឺមន្ត្រីគយនិងរដ្ឋាករ នៅព្រលានយន្តហោះអន្តរជាតិខេត្តសៀមរាប បានឆែកឆេររកឃើញគ្រឿងញៀនខាងលើ នៅវេលាម៉ោងជាង១០យប់ ថ្ងៃទី២៤ ខែតុលា ឆ្នាំ២០១៩ នៅស្ថានីយ៍ចេញដំណើរ អាកាស យានដ្ឋានអន្តរជាតិសៀមរាប ។ ប្រភពពីមន្រ្តីគយនបានអោយដឹងថា៖ គ្រឿងញៀននេះ បានរកឃើញនៅក្នុងការបូបអ្នកដំណើរ ឈ្មោះ SAVAENGPHOL SUP HA PORN ភេទស្រី សញ្ជាតិថៃ អាយុ៣៧ ឆ្នាំ និង អ្នកដំណើរឈ្មោះ PRACHAMON WIPA ភេទស្រី សញ្ជាតិថៃ អាយុ៣០ឆ្នាំ ។ លោក អ៊ុំ អមរា ស្នងការរងនគរបាលខេត្តសៀមរាប ទទួលផែនបទល្មើសគ្រឿងញៀនបានអោយដឹងថា៖ នារីជនជាតិថៃទាំង០២នាក់ មានគោលដៅធ្វើដំណើរឆ្ពោះចេញទៅទីក្រុងម៉ានីល ប្រទេសហ្វីលីពីន ។ ប្រភពពីអ្នកជំនាញបានអោយដឹងថា៖ថ្នាំញៀនដែលឆែកឆេររកឃើញនេះ ជាប្រភេទមេតំហ្វេតាមីន។ ទោះជាយ៉ាងណាក៏ដោយជុំវិញមជ្ឈដ្ឋានផ្សេងៗគ្នាថា៖ អាចពាក់ព័ន្ធជាមួយក្រុមជួញដូរដែលសមត្ថកិច្ចបង្រ្កាបនៅខេត្តកំពង់ធំ កាលពីពេលថ្មីៗកន្លងទៅ ដោយក្នុងនោះមានជនជាតិថៃ ភេទប្រុស ម្នាក់ផងដែល។ បច្ចុប្បន្នៈ នារីជនជាតិថៃ០២នាក់ រួមនិងថ្នាំងញៀន ២៧.៣០ គីឡូក្រាម ត្រូវបានសមត្ថកិច្ចជំនាញ ក៏សាងសំណុំរឿងបញ្ជូនជនសង្ស័យទាំង០២នាក់ទៅតុលាការខេត្តសៀមរាប ដើម្បីកាត់ទោសតាមនីតិវិធី៕ ដោយៈ លោក ភូ សោភ័ណ ប្រធានរដ្ឋបាល គេហទំព័រ ប៉ោយប៉ែតប៉ុស្តិ៍ www.poipetpostnews.com
ព័ត៌មានគួរចាប់អារម្មណ៍
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា