ខេត្តឧត្ដរមានជ័យ៖ ពលរដ្ឋនៅស្រុកអន្លង់វែង ខេត្តឧត្ដរមានជ័យចំនួន៤គ្រួសារត្រូវបានលោក ឧត្ដមសេនីយ៍ទោ អ៊ុក គឹមលី ថារំលោភយកដីអស់ចំនួន៦ហិតានៅចំណុចផ្លូវបារាំង ភូមិសាមគ្គី ឃុំត្រពាំងប្រិយ៍ ស្រុកអន្លង់វែង។ នៅថ្ងៃទី២៦ ខែតុលា ឆ្នាំ២០១៩ នេះ ពលរដ្ឋ បានខឹងនិងលោកឧត្ដមសេនីយ៍ទោ អ៊ុក គឹមលី យ៉ាងខ្លាំង និងបានដាក់ងារអោយលោក អ៊ុក គឹមលី ជាផ្កាយចោរ ដែលមានតួរនាទី ជានាយរងការិយាល័យទីចាត់ការងារព្រំដែន អគ្គបញ្ជាការ។ ពលរដ្ឋបានអោយដឹងថា៖ លោកផ្កាយ២ អ៊ុក គឹមលី បានឃុបឃិតគ្នាជាមួយ លោកវរ:សេនីយ៍ទោ យឹម សេន អនុប្រធានការិយាល័យទំនាក់ទំនងព្រំដែនកម្ពុជាថៃ ច្រកទ្វាអន្តរជាតិ អូរស្មាច់ បានឃុបឃិតគ្នាជាមួយលោក ស្ដើង វ៉ាន់ណេត ប្រធានការិយាលយ័ភូមិបាលស្រុកអន្លង់វែង និង អនុប្រធានម្នាក់ឈ្មោះ គឹម សំណាង លួចក្លែងឯកសារធ្វើលិខិតកាន់កាប់យកដីរបស់ពួកគាត់។ មន្រ្ដីគ្រាប់ល្ពៅ ទាំង ៤ នាក់ ខាងលើ បានយកលិខិតកាន់កាប់អោយទៅមេភូមិទឹកជប់ចុះហត្ថលេខា រួចយកឯកសារដីនោះទៅអះអាងនៅលើដីកម្មសិទ្ធ របស់ពលរដ្ឋ តាំងដីនៅភូមិសាមគ្គីទៅវិញ។ អន្តរ:វិស្ស័យសាលាស្រុកអន្លង់វែងបានវញ្ជាក់ថា លោក អ៊ុក គឹមលី បានយកឯកសារលក់ទិញ និងលិខិតកាន់កាប់មួយមុខមួយច្បាប់មកធ្វើជាអំណាស់អំណាងលើដីពលរដ្ឋ។ដោយអាជ្ញាធរឃុំត្រពាំងប្រិយ៍បានបញ្ជាក់ថាជាឯកសារលោក អ៊ុក គឹម លី ជាឯកសារក្លែងក្លាយ គឺអាជ្ញាធរមិនទទួលស្គាល់នោះទេ។ ជុំវិញករណីខាងលើក្រុមការងារយើងមិនទាន់ស្វែងរកសុំការបំភ្លឺពីលោកឧត្ដមសេនីយ៍ទោ អ៊ុក គឹមលី បានទេ។ ហើយអង្គភាពយើងខ្ញុំរងចាំស្វាគមន៍សាមី អោយបកស្រាយបំភ្លឺនៅពេលក្រោយៗទៀតរៀងរាល់ម៉ោងធ្វើការការរិយាល័យនិពន្ធ Tel.088 660 6773/ 092 190 098៕ ដោយៈ គេហទំព័រ ប៉ោយប៉ែតប៉ុស្តិ៍ www.poipetpostnews.com